Gangneung Danoje
Gangneung Danoje (Gangneung Dano Afahyɛ) yɛ apaamu hɔ afahyɛ wɔ Korea a wɔpaw no dɛ Korea Amambra Egyapadze a No ho Hia a Intum Nhu a ɔtɔ do duebaasa (13) a ɔbɛn Jinju geommu. Ɔba ewiei wɔ afe no mu bosoom a ɔtɔ do enum (5) wɔ da a ɔtɔ do enum mbrɛ lunisolar kalenda kyerɛ no, wɔ Gangneung, Gangwon Mantɔw mu. Mbom, afahyɛ no, a ahosiesie tse dɛ nsa tsitsir a wɔyɛ ka ho no, nye nyinara gye nda dodow eduanan-enum (45) ankasa. Danoje kaa Suritnal a n’asekyerɛ nye dɛ da a ɔkyɛn biara na Onyankopɔn da no ho asɛm. Gangneung Danoje wɔ abakɔsɛm a ɔwar kyɛn biara wɔ Koreafo apaamu hɔ afahyɛ ahorow mu na botae tsitsir nye dɛ ɔbɔsom bepɔw bi a ɔbɔ kurow no ho ban no weɔmfo honhom na wabɔ mpaa ama kurow no na mbusua nyinara asomdwoe na kuayɛ mu yiedzi. UNESCO dze akyerɛ dɛ ɔyɛ Korea Atɔe (South Korea) Ndwuma a Ɔyɛ Fɛw a ɔfa Nyimpa Egyapadze a Wɔka na Dza Intum Nhu Ho no fa wɔ bosoom Ɔberɛfɛw da a ɔtɔ do eduonu-enum (25), afe 2005.[1]
Abakɔsɛm[sesa mu | sesa ekyirsɛm]
N'ahyɛase nyɛ nokwar nanso mbrɛ Nam-hyowon kyerɛwtohɔ kyerɛ no, shaman bɔɔ Onyankopɔn mpaa nda ebaasa (3) wɔ bosoom Ebɔw, Ebɔbira na Esusow Aketseaba biara mu. Afei nso Heo-gyun kyerɛɛw wɔ nye nwoma mu dɛ ohuu Gangneung Danoje wɔ afe 1603 mu.[2]
Gangneung Dano Afahyɛ no fi ber tsentsen ayɛ adzeyɛ a ɔfa ɔmanfo ho na ankorankor afahyɛ a aban no yɛ kor dzendzenndzen.[2]
Wɔpaw Gangneung Danoje dɛ Amambra Egyapadze a No ho Hia a Intum Nhu a ɔtɔ do duebaasa (13) na ɔman no bɔ ho ban.[2][3]
Akwankyerɛ[sesa mu | sesa ekyirsɛm]
Wɔ Danoje ber mu no, nyimpa a wɔwɔ kurow no mu nyinara bɔ mpaa hwehwɛ bepɔw bi a ɔweɔmfo honhom anapa na anafua nda enum (5). Wɔsan nso yɛ shaman guado-adzeyɛɛ ma kuayɛ no yiedzi na asomdwoe ma kurow no. Wɔ akatado agordzi (mask-playing) mu no, onyimnyamfo, akataasia, Jangjamari, sisidakdak ɛsaw na wɔtow ndwom. Afei nso nhyiam kakraaba na agordzi ahorow bi nye swing, Koreafo akuturukubɔ, ssireum, amambra edwindadze akansi, shampooing wɔ ɔkwan tsirtsir bi do, ddeok a wodzi. Dano da a odzi hɔ no, wɔhyew ndua krɔnkrɔn no na afahyɛ no ba ewiei.
Nkrasɛm[sesa mu | sesa ekyirsɛm]
Wɔakyekyɛ nkrasɛm no mu ayɛ no akwan ebaasa. Biako yɛ kuw a wɔyɛ guado-adzeyɛ, biako yɛ shaman guado-adzeyɛ na biako nso yɛ akatado-agordzi (mask-playing). Sesei wɔpaw Jo kyu-don dɛ ɔnyɛ guado-adzeyɛ no na Shaman guado-adzeyɛ no yɛ Bin sun-hae na ɔhwɛ do na akatado-agordzi (mask-playing) a ɔrebɔ no yɛ Kim jong-gun.
Mboaedze[sesa mu | sesa ekyirsɛm]
- ↑ "UNESCO - Gangneung Danoje festival".
- ↑ 2.0 2.1 2.2 "UNESCO". UNESCO. Retrieved 2021-06-12.
- ↑ 윤, 왕근 (2021-06-10). "'천년 축제' 강릉 단오제 오늘 막 오른다". 뉴스1 (in Korean). Retrieved 2021-06-12.