Francis Gyafiry Korbieh

Francis Gyafiiry Korbieh yɛ Ghana amanyɛnyi a ɔsoom dɛ mbrahyɛbaguanyi wɔ mbrahyɛbagua a odzikan na dza ɔtɔdo ebien no wɔ kwasafoman a otsia anan no mu wɔ Ghana dze ma Jirapa mpasuar wɔ NDC amanyɛkuw no ase. Ɔsoom dɛ mbrahyɛbaguanyi dze maa Jirapa mpasuar fitsi afe apem ahaakorɔn eduokorɔn ebiasa ne bosoom Sanda ne da a ɔtɔdo esuon no mu kesi afe apem ahaebien na kor ne bosoom Sanda ne da a ɔtɔdo esia.

Ɔbra ahyɛse na nwomasua

Wɔwoo Korbieh wɔ afe apem ahaakorɔn eduonum ne bosoom Mumu ne da a ɔtɔdo eduonu wɔ Jirapa/Kunkyeni wɔ Etsifi-Atɔe mantɔw wɔ Ghana. Ɔkɔr ne nsɔwdo Skuul wɔ Francis Ɔavier Minor Seminary skuul wɔ Wa na St. Peter's nsɔwdo Skuul wɔ Kwahu. Onyaa ne "Bachelor of Science degree" wɔ Mbra mu wɔ "University of Ghana, Legon". Ɔtoaa do kɔr Ghana mbra skuul bɛyɛɛ Mbranyimfo (Barrister). Ɔyɛɛ Mbranyimfo bɛyɛɛ mfe bebree na ekyir no ɔbɛyɛɛ Ɔtsɛmbuafo.

Amanyɛdwuma

Francis odzikan no ɔkɔr mbrahyɛbaguafie wɔ mbrahyɛbagua a odzikan no wɔ kwasafoman a otsia anan no mu wɔ ber a odzii kunyim wɔ afe apem ahaakorɔn eduokorɔn ebien Ghana mbrahyɛbagua abatow no mu. Odzii dzibew yi dɛ mbrahyɛbaguanyi dze maa Jirapa mpasuardo wɔ afe apem ahaakorɔn eduokorɔn ebiasa ne bosoom Sanda ne da a otsia esuon mu.

Wɔsanee yii no dɛ ongyina mma ne mpasuar bio wɔ kwasafoman a otsia anan no mu wɔ ber a odzii kunyim wɔ afe apem ahaakorɔn eduokorɔn esia Ghana asahen abatow no mu. Oyii Kumbal Columbus Tikure a ɔyɛ NPP kuwba na Michael Zu a ɔyɛ "People's National Convention" kuwba no bɔɔ famu. Francis nyaa 59.60% a nna ogyina hɔ ma mba 17,555 wɔ ber a hɔn a wɔnye sii akan no nyaa 5.40% a ogyina hɔ ma mba 1,582 na 4.60% a ogyina hɔ ma mba 1,342. Ne mber a odzii dɛ mbrahyɛbaguanyi no bɔɔ adze wɔ afe apem ahaebien na kor ne bosoom Sanda ne da a otsia esia no mu.

N'abrabɔ

Francis yɛ Kristianyi, na ɔnye Kateleke asɔr a ɔwɔ Ghana na ɔnye hɔn bɔ mu som.

Nhwɛdo

Ghana Parliamentary Register 1992-1996. Ghana Publishing Corporation. 1993. p. 235. "Ghana: Ghana Law Reform Committee". dx.doi.org. 1992-01-01. doi:10.14217/9781848594920-9-en. Retrieved 2020-10-16. Ghana Parliamentary Register 1992-1996. Ghana Publishing Corporation. 1993. p. 235. FM, Peace. "Ghana Election 1996 Results - Jirapa Constituency". Ghana Elections - Peace FM. Retrieved 2020-10-16.