Francis Aggrey Agbotse
Francis Aggrey Agbotse yɛ Ghana amanyɛnyi na NDC amanyɛkuwba.
Nna ɔyɛ mbrahyɛbaguanyi wɔ Firaw mantɔw mu wɔ Ho-Atɔe mpasuardo wɔmbrahɛyɛbaguaɔtɔdoanan no kwasafoman a otsia anan no mu wɔ Ghana.
Bra ahyɛse na nwomasua
[sesa mu | sesa ekyirsɛm]Onyaa ne "bachelor's degree" na "academic major" wɔ "sociology".
Edwuma
[sesa mu | sesa ekyirsɛm]Agbotse yɛ Ghana Mbranyimnyi.
Amanyɛdwuma
[sesa mu | sesa ekyirsɛm]Agbotse yɛ NDC amanyɛkuwba. Agbotse hyehyɛɛ ne ndwuma ahorow a otumii yɛɛ no bi dɛ ɔboaa sii mbofra ahyɛse skuul bi wɔ ne mpɔtamu,ɔdze mbuukuu ɔpepe eduosia kɔr skuul ahorow mu na ɔdze noara ne sika na mboa kakra a onyae fii afofor hɔ boaa Amedzofe Akyerɛkyerɛfo ntsetseebea.
Ɔtoaa do kyerɛkyerɛɛw pɔw bi tse dɛ ɔdze nkandzea kɔr Firaw mbewdo no mantamu ahorow na otuu nsubura dze maa nkurow ahorow eduokorɔn-enum a woenya nsunsuma yarba a kaw a ɔbɔe wɔ ho nyinara yɛɛ "326,000 dollars" wɔ "Rotary International" na akwan ahorow pii so a ɔyɛe.
Afe apem ahaakorɔn eduokorɔn-esia Ghana asahen abatow mu, onyaa mba 34,581 a ogyina hɔ ma 95.60% dze dzii Victoria Yaa Boahene a ɔyɛ "Convention People's Party" kuwba a onyaa mba who 1,284 a ogyina hɔ ma 3.55% na Seth Kofi Bonso a ɔyɛ "People's National Congress" kuw no ananmusinyi a onyaa mba 291 a ogyina hɔ ma 0.80%.
Afe apem ahaebien abatow
[sesa mu | sesa ekyirsɛm]Odzikan no, ɔpaaw Agbotse dɛ ongyina dɛ mbrahyɛbaguanyi mma Ho-Atɔe mpasuar wɔ afe apem ahaebien Ghana asahen abatow no mu. Odzii kunyim wɔ Akatamanso(NDC) amanyɛkuw no akwanya ahoma do.
Mbrahyɛbagua ngua du-akorɔn mu no, nna ne mpasuar ka mbrahyɛbagua ngua du-esuon a NDC amanyɛkuw no kantann do wɔ abatow a ɔkɔr do wɔ Firaw mbewdo noho. NDC amanyɛkuw no nyaa Dɔmpem mbrahyɛbagua dzibew eduokorɔn-ebien fii mbrahyɛbagua dzibew ahaebien no mu wɔ mbrahyɛbagua a ɔtɔdo ebiasa no wɔ kwasafoman a otsia anan no mu.
Mba papa 29,548 a wonyae no, wɔdze mba 22,991 paaw no. Nna mba yi gyina hɔ ma 78.1%. Wɔsaan E. Kafui Asem a ɔyɛ "Convention People's Party" kuwba, Grace Adinyira a ɔyɛ "National Reformed Party" kuw no ananmusinyi na John Von Backustein a ɔyɛ "New Patriotic Party" kuwba ho yii Agbotse.
Mba a wonyae yɛ 4,377, 1,471 na 596 dze fi mba dodow a wonyae wɔ dɛm afe no mu.Nna mba yi gyina hɔ ma 14.9%, 5.0% na 2.0% dɛ mbrɛ hɔn edzin no dzidzi do no.
Afe apem ahaebien na anan abatow
[sesa mu | sesa ekyirsɛm]Da a odzikan a wɔpaaw Agbotse dɛ mbrahyɛbaguanyi maa Ho-Atɔe mpasuardo yɛ afe apem ahaebien na anan Ghana asahen abatow no mu. Mba papa 31,602 a wonyae no onyaa no mu 26,065 dze dzii kunyim bɛyɛɛ mbrahyɛbaguanyi maa Ho-Atɔe mpasuardo wɔ mbrahyɛbagua aɔtɔdoanan no wɔ kwasafoman a otsia anan no mu. Wɔsaan Elizabeth Akua Ohene a ɔyɛ NPP amanyɛkuwba na Ellah Nancy Sifa a ɔyɛ Tsemanmunyi a ɔwɔ beebiara kuw (Every Ghanaian Living Everywhere Party) no ananmusinyi ho paaw Agbotse. Mba a nyimpa beenu yi nyae yɛ 5,346 na 191 dze fi mba papa no mu. Nna mba yi gyina hɔ ma16.9% na 0.6%. Nna Agbotse ne mpasuar a ka mpasuar eduonu a NDC amanyɛkuw no dzii do kunyim wɔ Nkran mbewdo no.
Ne nyinara mu no, NDC amanyɛkuw no nyaa mbrahyɛbaguafie ngua eduokorɔn-anan dzii do wɔ mbrahyɛbagua a ɔtɔdo anan nowɔ kwasafoman a otsia anan no mu wɔ Ghana.
N'abrabɔ
[sesa mu | sesa ekyirsɛm]Agbotse yɛ Kristianyi.