Fati Seidu

Fati Seidu yɛ Ghana ɔmanyɛnyi mbrahyɛbaguanyi ma Bawku Central ambatow mpasua a ɔwɔ Etsifi Boka Mantɔw mu wɔ Ghana wɔ mbrahyɛbagua a ɔtɔ do ebien wɔ aban a ɔtɔ do anan mu.

Amanyɛsɛm

Ogyinaa maa Bawku Central egua no nam National Democratic Congress (NDC) do wɔ afe 1996 mbrahyɛbagua ambatow no mu na ɔdze amba 30, 045 fi amba dodow a wɔtoow 54, 327 a ogyina hɔ ma 42.80% dzii nkonyim tsiaa Hawa Yakubu a onyaa amba 21,493 a ogyina hɔ ma 30.60% na Awini Emmanuel Akami a onyaa amba 2,789 a ogyina hɔ ma 4.00%.

Odzii nkogu wɔ afe 2000 mbrahyɛbagua ambatow no mu maa Hawa Yakubu naaso ɔpɛe dɛ wɔkan amba no bio osiandɛ ɔkyerɛɛ dɛ, ber a wɔrekan amba no basabasayɛ a ɔkɔr do wɔ mpɔtam hɔ no twintweɔn amba ne kan no mu. Aporisifo kyerɛɛ dɛ, ɔmmfa ho dɛ basabasayɛ no fir amanyɛsɛm no, abɛdan abusua manso abɛda Mamprusifo na Kusasifo ntam.

Afe 2004 mu no, Mahama Ayariga bɛhyɛɛ n'ananmu dɛ mbrahyɛbaguafo ma Bawku Central ambatow mpasua dɛ NDC kuwba. Ayariga bɛtsenaa egua no do wɔ afe 2004 mbrahyɛbagua ambatow no mu na ɔsaan tuu mbrahyɛbaguanyi a nna ɔtse do Hawa Yakubu. Ber bi a etwa mu no, nna ɔyɛ mpanyimfo a wɔhwɛ University for Development Studies no mu kor.