Ernestina Naadu Mills

human
Sex or gender	female
Country of citizenship	Ghana
Name in native language	Ernestina Naadu Mills
Given name	Ernestina
Family name	Mills
Place of birth	Nkran Kuropɔn Mantɔw
Spouse	John Atta Mills
Languages spoken, written or signed	English, Ga
Occupation	politician, educator, nutritionist
Position held	First Lady of Ghana, Second Lady of Ghana
Educated at	Aburi Girls' Senior High School, University of Ghana
Academic degree	diploma, Bachelor of Arts, master's degree
Academic major	family and consumer science
Work location	Greater Accra Region
Member of political party	National Democratic Congress

Ernestina Naadu Mills (née Botchway) yɛ Ghana ɔkyerɛkyerɛfo nna ɔsan yɛ Ewuraba odzi kan wɔ Ghana. Nna ɔyɛ hɛn Ɔmanpanyin John Atta Mills a w'abɛsin kɔ ne yer ( Ayɛwoho 21, 1944 – Ayɛwoho 24, 2012) , na onyaa abadobɔdze a wɔdze maa hɔn a wɔdwen nyimpa ho fir "Health Legend Foundation". Nna ɔsan yɛ Ewuraba ɔtɔ do ebien wɔ Ghana fitsi afe 1996 kesi afe 2001. Ɔkyerɛɛ adze mfe eduasa ebiasa, na ɔkyerɛɛ adze wɔ skuul ahorow bi dɛ Aburi Girls’ Senior High Skuul, Achimota Skuul nye Holy Trinity Cathedral Senior High Skuul. W'abɔ n'abawdo wɔ amanaman mu na Ghana wɔ mboa a ɔdze ma mbofra hɔn nwomasua mu.

Abrabɔ ahyɛse na nwomasua[sesa mu | sesa ekyirsɛm]

Wɔwoo Ernestina Naadu Botchway wɔ Nkran maa Cornelius Teye Botchway, kokoo eguadzifo na Madam Alberta Abetso Abbey, hɔn ebien nyinara fi Prampram kurow a ɔwɔ Nkran Kurowpɔn Mantɔw mu. Mills kɔɔ Aburi Girl’s Secondary Skuul wɔ na Cocoa Marketing Board a seseiara ɔyɛ Ghana Cocoa Board (COCOBOD) na ɔfaa skuul no ho kaw nyinara, na fitsi ber a otwaa ne Common Entrance Examination no. Ne nsa kaa ne GCE Ordinary Level nkrataa no, ɔzde mfe ebien kɔ nyaa ntsetsee dɛ ɔkyerɛkyerɛfo wɔ Specialist Training College (STC) a ɔwɔ Winneba.

Ofitsi mber a ɔkyerɛ adze wɔ Kototabi Mixed skuul mu wɔ mfe ebien ekyir no ɔsan kɔɔ STC kɔ nyaa Diploma wɔ Home Economics mu. Ɔdze ɔpɛ kese n'ara dze pia no ho dɛ obotu mpɔn wɔ ber a na ɔrekyerɛ adze, ɔkɔɔ University of Ghana, Legon na onyaa Bachelor of Arts abodzin nkrataa wɔ Sociology na Psychology mu. Ɔsan nso nyaa Nyansapɛ mu Master of Philosophy abodzin nkrataa wɔ Sociology mu, a na no ho akokwaw wɔ Deviant Behavior and Control mu.

Edwuma[sesa mu | sesa ekyirsɛm]

Owie n’akyerɛkyerɛfo ntsetsee adzesua no ɔkyerɛɛ adze wɔ Kotobabi (One) Mixed Middle School mfe ebien. Na owie Diploma wɔ Home Economic mu no ɔsanso kɔɔ ne alma mater, Aburi Girl’s Secondary Skuul kɛkyerɛɛ Home Economic, a ɔyɛɛ na ɔwɔ nyansapɔw wɔ"Clothing and Textile Design" mu mfe akron.Ekyir yi ɔkyerɛɛ adze wɔ Holy Trinity Cathedral Skuul na Achimota Skuul mu. Ɔkyerɛɛ adze mfe eduasa ebiasa.

Mills sanso yɛɛ edwuma dɛɛ nwomasua mu ɔkyerɛfo wɔ Nkran Kurowpɔn Mantɔw mu. Wɔ ne nwomasua kwankyerɛfo edwuma mu no ɔnye Mantɔw mu kwankyerɛfo na nyimpa enum yɛɛ edwuma faa mansin akyerɛkyerɛ na adzesua akwan na akwan a wɔdze bɔhwɛ ma skuul ahorow etu mpɔn wɔ Nkran Kurowpɔn Mantɔw.

Mbrahyɛ dwumadzi ahorow[sesa mu | sesa ekyirsɛm]

Ghana Ewuraba a ɔtɔ do ebien

Wɔ afe 1995 mu no, Wɔpaw Ne kun, John Evans Atta Mills dɛ ɔmampanyin abadzekyir ma Jerry John Rawlings a ɔbɛhyɛɛ Kow Nkensen Arkaah anamu wɔ ber a otuu anamɔn dɛ Ghana Ɔmampanyin a ɔtɔ do ebien wɔ afe 1996 mu, na ɔbɛyɛɛ Ewuraba a ɔtɔ do ebien wɔ ber a ɔkaa ntsɛm dze faa Ɔmanpanyin egua no wɔ Sanda 7, 1996. Ɔsom wɔ dɛm dzibew no mu fitsi Sanda 1996 kesi Sanda 2001, na ɔnye Ghana Ewuraba a odzi kan Nana Konadu Agyeman Rawlings yɛɛ edwuma, dze hyɛɛ mbasiamba hɔn nwomasua, mbofra hɔn mpɔnto wɔ hɔn ahyɛse noara mu, nwomasua ma hɔn a hɔn awofo nye bi na wɔ nye mpanyinfo a hɔn mfe akɔ enyim yɛɛ edwuma .

Ewuraba a odzi kan wɔ Ghana

Wɔ ber a wɔpaw Mills dɛ Ghana ɔmampanyin wɔ afe 2009 mu no, ɔbɛyɛɛ Ewurba a odzi kan wɔ Ghana fitsi Sanda 7,2009 wɔ ber a ɔkaa ntsɛm dɛ oribedzi Ɔmanpanyin egua no. Ɔsom wɔ dɛm dzibew no fitsi Sanda 2009 kesi Ayɛwoho 2012, na ɔyɛɛ edwuma dze hwɛɛ dɛ mbofra a hɔn awofo nnyi bi hɔn nwomasua bɔkɔ nkan ɔboa ma mbasiaba hɔn nwomasua kɔɔ n'enyim wɔ Ghana. Mills wui wɔ 24 Ayɛwoho 2012 wɔ ber a na ɔwɔ Ghana Ɔmanpanyin dzibew no.

Skuul Ntar Dwumadzi

Wɔ Mumu 2009 mu no, Mills dze "Free School Uniform nhyehɔnye" no sii hɔ a ɔnye Ministry of Education na Ministry of Local Government na Rural Development yɛɛ edwuma bɔɔ mu dze kyekyɛɛ skuul ntar mpepem 1.6 maa mbeambea 77 a wohia wɔ Ghana. Dwumadzi no hyɛɛ ase wɔ Kwao Larbie, kurow bi a ɔwɔ Awutu Senya Mantɔw mu wɔ finimfin Mantɔw mu no, esuafo 300 a wofi skuul esia mu a ɔyɛ; Ahentia DA Primary, Abenful DA Primary ,Bontrase DA Primary, Chochoe Anglican Primary , Akrampa Anglican Primary na Kwao Larbie Anglican Primary , hɔn mu biara nyaa skuul atar kor a wonntua hwee.

Nkatasia Dwumadzi ahorow

Mills osiandɛ ɔyɛ nwomasua mu nyimdzeefo ntsi,wɔ n’edwuma mu dɛ Ewuraba a ɔtɔ do ebien nye Ewuraba a odzi kan no, na ɔkɔ ma mbasiamba ho nsɛm na mbasiamba hɔn nwomasua, a ber a ɔkaa nsɛm a osii do dua wɔ hia a ɔwɔ dɛ wɔdze sika hyɛ nkatasia hɔn nwomasua mu wɔ Crans Montana no ka ho Forum wɔ Brussels, Belgium wɔ Dzifuu 2010 mu no, Ɔkaa dɛɛ;

Sika a wɔdze hyɛ nkatasia hɔn nwomasua mu no wɔ mfaso ahorow a ɔba ntsem wɔ mber tsentsen mu. Onnyɛ dɛ ɔma mbasiamba no tumi ka hɔn ho nyɛ dzendzenndzen nkotsee, na mbom ɔma wɔ nya hɔn ho mu ahotɔ ma wonya tum a wɔdze hɔn ho si hɔ yɛ edwuma ma ɔman no tu mpɔn—— " Dɛ ɔyɛ nwomasua ho nyimdzeefo no, ɔma m’enigye aber biara a muhu dɛ mbasiamba dzi mu na dɛ nkatasia Wodzi Kan na wɔ hyehyɛ mpontu wɔ aman biara mu, ɔwɔ dɛ yɛ dze gyinasi to hɔn ma mbasiamba nwomasua na onyɛ anokasa nkotsee.

Fapem a wɔdze ma nkatasia hɔn adzesua[sesa mu | sesa ekyirsɛm]

Mills hyehyɛɛ ahyehyɛdze bi a aban ne nsa nnyi mu a wɔfrɛ no Foundation for Child Education Ghana (FCEG) wɔ mber a na ɔyɛ Ewuraba odzi kan. Fapem a ɔyɛ dwumadzi a ogyina mpatamu hɔ a wɔdze pia nwomasua kɔ nkan wɔ mbeambea a mpɔntu nnyi hɔ,na mbea ohia wɔ hɔ, nkuraase wɔ Ghana. Dɛm dwumadzi ne enyidado nye dɛ woboa ama Ghana edur mpɔnto bea a ɔdze nkɔdo botae a ɔtɔ ebien ,na ɔhwehwɛ dɛ obɛnya amansan nwomasua wɔ afe 2015 n'ewie .

Ɔnam dwumadzi no do, wɔ Ɔberɛfɛw 2011 no, ɔdze skuul dan bi a ɔdze sii hɔ wɔ Bornikope, mpoano mpatam bi a ɔwɔ Dangbe Epue Mantam a ɔwɔ Nkran Kuropɔn Mantɔw mu wɔ Ghana maa ahenfo na mpanyinfo a wɔwɔ mpatam hɔ. Skuul dan no yɛ ebien ma mbofra hɔn mpomtu, adzesuadan esia kɔ ma ahyɛse skuul na ebiasa kɔɔ ma ntoado skuul (JHS) a edwumayɛbea ahorow, edwumayɛfo dan a akyerɛkyeɛfo tsena, nhyiamu dan, bea wɔdze abɛɛfo nfir dzi dwuma dan, ayarsabea, nsu nhyehyɛɛ na daakye wɔbɔwie bɔɔlbɔ bea a ɔwɔ tracking field.

UNESCO Mbabun 2012[sesa mu | sesa ekyirsɛm]

Mills gyinaa ma Ghana na ɔdze Ghana Anamusifo a wɔwɔ U.S. na Mexico, Daniel Ohene Agyekum, wɔ UNESCO Youth Infusion Nhyiamu a ɔkɔɔ do wɔ Annapolis, Maryland, USA. Ɔkasa wɔ nhyiamu n'ase na ɔfrɛɛ ehia sɛm dɛ aman ndwen nfa mbabun dwumadzi nkɔdo ho. Wɔ ne dwumadzi dɛ Ewuraba a odzi kan ase no ɔkaa mbabun edwuma a wonnya dze ohia brɛ aman a afei na wɔrenya mpomtu na ɔsera dɛ wonfa akwan horow a wɔbɛfa do dze aboa asɔw ano ma mbabun no enya ndwuma wɔ wiase nyinara ayɛ.

Adɔyɛ edwuma[sesa mu | sesa ekyirsɛm]

SHS Asuafo Bible Dwumadzi

Wɔ Obiradzi 2013 mu no, Mills hyɛɛ Senior High School (SHS) Students’ Bible Project ase, a ɔyɛ edwuma a wɔnye Scripture Union (SU) Ghana, na Tyndale Publishers yɛɛ kor a ne nyinara yɛɛ Bible 500,000, a Tyndale House Publishers a ɔwɔ United na wotintimii States (USA), a ne bo yɛ GH¢10,000, na ɔwɔ dɛ Scripture Union (SU)wɔ kyekyɛ ma Ghana SHS esuafo.[30][31][32] Wɔhyɛɛ Dwumadzi no ase dɛ ɔbɛ boa ma wɔdze honhom na abrabɔ pa gyinabew a bɛma ɔman no w'akɔ n’enyim ahyɛ Ghana mbabun mu a wosusu mfe du a ɔda edzi dɛ abrabɔ pa gyinabew wɔ Ghana mu. Osiandɛ dɛ na ogye Onyankopɔn asɛm dzi ntsi ɔkaa wɔ dɛm aber no mu dɛɛ

'Me nye mo kun a oewu no enigyee Onyankopɔn n'asɛm ho na ne wu ekyir no, Bible da ho ara yɛ me awerɛkyekyer na nkuranhyɛ bea a no ho hia kyen biribiara; ɔnam Onyankopɔn asɛm so, wobotum edzi ɔbra akɔ biara a wɔbɛhyia wɔ abrabɔ mu na nkonyim na ɔbɛ boa wo ma afa w'ankasa w'asetena ho asodzi''

Ɔnam nhyehyɛɛ no do kyinkyin ɔman no mu dze bible kɔmaa esuafo wɔ sukuu ahorow a wɔapaw a Tamale Girls SHS a ɔwɔ Etsifi Mantɔw mu, Aburi Girls SHS a ɔwɔ Epue Mantam mu, Yaa Asantewaa Girls SHS a ɔwɔ Ashanti Mantam mu, Achimota SHS wɔ Greater Accra Mantam mu, Sunyani SHS wɔ Brong Ahafo Mantam mu, Sekondi Kɔlege wɔ Atɔe Mantɔw mu, Bolgatanga Girls SHS wɔ Upper East Mantam mu, Bole SHS wɔ Savannah Mantam mu na Wa SHS wɔ Etsifi Mantɔw mu

Ankorankor Abrabɔ mu nsɛm[sesa mu | sesa ekyirsɛm]

Ernestina Naadu Mills nna ɔwar Ghana Ɔmanpanyin John Evans Atta Mills a w'abɛsin kɔ ansaana owui wɔ aber a na ɔredzi egua wɔ 2012 mu. Mills yɛ kristonyi na ɔsom wɔ Legon Interdenominational Church (LIC) a ɔhyɛ University of Ghana, Legon.

Ndwuma ahorow[sesa mu | sesa ekyirsɛm]

Mills dzi kuw "International Council on Alcohol and Addictions "(ICAA) mu akotsen, ɔyɛ kuw a ɔkyerɛkyerɛ amansan wɔ akwan bone a ndur a n'ano yɛ dzen na nsanom dze bɛ brɛ hɔn.

Abasobɔdze nye enyimunyamhyɛ ahorow[sesa mu | sesa ekyirsɛm]

Wɔbɔɔ Mills n'abawdo wɔ Goodwin College East Hartford, wɔ Connecticut, USA maa no nkrataa ɔfa "doctorate of humane letters degree" wɔ sukuu dwumadzi n'ahyɛse wɔ July 2011 dɛ w'etu ne ho esi hɔ dze roboa mbofra hɔn awofo nnyi bi ma mpontu aba hɔn nwomasua mu na ɔsan boa mbasiamba hɔn adzesua wɔ Ghana.

Wɔ October 2014 mu no, wɔbɔɔ n'abawdo na wɔ maa no "Eagle Award" a ɔhyɛ "Honorary Legendary Award Category " fri "Health Legend Foundation" wɔ nye ndwuma na mboa ɔdze ma ayarsa edwuma kuw wɔ aber a nna ɔyɛ Ewuraba a odzi kan na Ewuraba ɔtɔ do ebien wɔ Ghana.

Sanso hwɛ[sesa mu | sesa ekyirsɛm]

First Lady of Ghana
Second Lady of Ghana
Lordina Mahama

Nhwɛdo[sesa mu | sesa ekyirsɛm]

^ Jump up to:^a ^b
^ Jump up to:^a ^b
^ Jump up to:^a ^b ^c
^ Jump up to:^a ^b ^c
^ Jump up to:^a ^b ^c ^d ^e ^f ^g ^h
^ Jump up to:^a ^b ^c ^d
^
^
^
^
^
^
^
^
^
^ Jump up to:^a ^b
^
^
^
^
^
^
^ Jump up to:^a ^b ^c
^ Jump up to:^a ^b
^
^ {{cite web}}: |first= has generic name (help)
^ {{cite web}}: |first= has generic name (help)
^
^
^ Jump up to:^a ^b
^ Jump up to:^a ^b
^ Jump up to:^a ^b ^c
^ Jump up to:^a ^b ^c ^d ^e
^
^
^
^
^
^
^

Abɔntsen do nkitahodzi ahorow[sesa mu | sesa ekyirsɛm]

Wikimedia Commons has media related to Ernestina Mills.

Ernestina Naadu and Africa’s Expectant Women
Naadu Mills Tours
Naadu Mills Tours Northern Region with Bibles
Ghana: 1st Lady Naadu Mills Commissions classroom project
Naadu Bible Distribution