Elizabeth II

Ɔhemaa Elizabeth II yɛ ɔhemaa wɔ United Kingdom. Ne dzin nyina nye Elizabeth Alexandra Mary( tsena ase Obiradzi 21 ,1926 kapem Fankwa 12, 2022). Odzi commonwealth ekuw no enyim fir Kwakwa 6,1952 kapem 2022 a ɔdzie kɔr ne kra ekyir. Odzi hemaa wɔ adehye nkuruow aduasa-ebien a nna ɔyɛ ɔmanpanyin wɔ no mu duenum do kɛpem dɛ owui. N'ahendzi mu no, ɔsom mfe aduoson nye nda ahaebien nye duanan. iyi yɛ British ahendzi a w'akyɛr wɔ abakɔsɛm mu. Wɔ wo Elizabeth wɔ Mayfair, London, dɛ ba panyin ma n'awofo, Duke nye Duchess wɔ York a ekyir yi wɔbɛyɛ Ɔhen George VI na Ɔhemaa Elizabeth.

N'egya bɛtsena ahengua no do wɔ afe 1936 wɔ ber a wotu no nua banyin Ohen Edward VIII adze do osiandɛ oenndzi no dwuma yie ntsi. Ɔmaa Elizabeth bɛyɛ ahengua n'enyidado. Wɔ kyerɛ no adze wɔ kokoam wɔ fie afei ɔhyɛase dɛ yɛ amandwuma wɔ wiase nyina ɔko n'ekyir, wɔ mbaa asogyafo kuw a ɔwɔ Britian. Wɔ Ɔberɛfɛw bosom wɔ afe 1947, ɔwar Owura Philip Mountbatten a ɔyɛ nkan ahenkan wɔ Greese nye Denmark. Wɔawar no dzii mfe eduosuon-ebaasa kapem Ebɔwbir 2021 a owui. Wɔ wo mba anan ; Charles, Anne, Andrew, na Edward.

Elizabeth n'egya wui wɔ Kwakwa bosoom wɔ afe 1952 mu no. Wɔ ber a nna w'enya mfe eduonu , ɔbɛyɛɛ Ohemaa wɔ Commonwealth aman esuon a w'enya hɔn faahodzi ɔyɛɛ; United Kingdom, Canada, Australia, New Zealand, South Africa, Pakistan, na Ceylon (ndɛ wɔfrɛ no Sri Lanka),dɛ hɔn Baanozinyi. Elizabeth yɛ nsesae beberee wɔ ɔmanmbra mu nye aban mu wɔ ɔhaw a ɔkɔr do wɔ Ireland N'etsifi.