El Güegüense
| Notable work | theatre, ball  |
|---|---|
| Country | Nicaragua |
| Country of origin | Nicaragua |
| Intangible cultural heritage status | Representative List of the Intangible Cultural Heritage of Humanity, Masterpieces of the Oral and Intangible Heritage of Humanity |
| Described at URL | https://ich.unesco.org/en/RL/00111, https://ich.unesco.org/fr/RL/00111, https://ich.unesco.org/es/RL/00111 |
El Güegüense (Spanish kasa mu no ɔkyerɛ: [el ɣweˈɣwen.se]; wɔsan frɛ no Macho Ratón, wɔbɔ no [ˈma.tʃo raˈton]) yɛ aserewsɛm ahwɛgor a ɔyɛ nwoma a odzi kan a wɔyɛe wɔ Nicaragua wɔ Etubrafo ekyir. Wobu no dɛ Latin Amerika etubrafo ber mu nsɛm a ɔda nsoew sen obiara no mu kor na ɔyɛ Nicaragua amandze kwan do edwindze a ɔyɛ nwanwa a ɔdze ndwom, asaw na agor bɔ mu.
Na nkaedum bi so wɔ hɔ a wosii wɔ Rotonda (roundabout) finimfin wɔ Managua, dze hyɛɛ no enyimnyam. Wɔyɛ El Güegüense wɔ San Sebastián afahyɛ ase wɔ Dirimba (Carazo Dwumadibea) fitsi Sanda 17 kesi 27.
Abɔse
[sesa mu | sesa ekyirsɛm]Ɔkyerɛwfo bi a wɔammbɔ ne dzin na ɔkyerɛw agorhwɛbea agor no wɔ afeha a ɔtɔ do 16 mu, na ɔmaa ɔyɛɛ Atɔe Afa no mu agor/asaw edwuma a akyɛr sen obiara a ɔyɛ aborɔfo no mu kor. Wɔdze ano dze mae mfeha pii kesii dɛ ewiei koraa no wɔkyerɛw too hɔ na wotsintsimii yɛɛ no nwoma wɔ 1942 mu. Dɛ mbrɛ nkyerɛase a odzi kan a wɔkyerɛw kyerɛ no, asɛm no wɔ nkyerɛwdze 314 na ahyɛsa no wɔkyerɛwee wɔ Nahuat na Spania kasa nyinara mu.
Etymology
[sesa mu | sesa ekyirsɛm]Agordzi ne dzin fi ne nyimpa tsitsir, El Güegüense, a wonyaa fii Nahuat asɛmfua Wewej mu, a ɔkyerɛ ‘akwakoraa’ anaa ‘nyansafo’.
Abakɔsɛm
[sesa mu | sesa ekyirsɛm]'El Güegüense' gyina hɔ ma Nicaragua amanndze, ntsi, UNESCO bɔɔ dawur dɛ ɔyɛ 'Adasamba Egyapadzeu a Wɔdze Anom na Ma Wonntum Nnhu no Edwindze a Ɔyɛ Fɛw' wɔ afe 2005 mu a ɔmaa Nicaragua yɛɛ ɔman kor pɛr wɔ Amerika Finimfin na aman esia a ɔwɔ Latin Amerika a ɔwɔ edwindze ebien a wɔabɔ ho dawur no mu kor a UNESCO na yɛe.