Edith Hazel

Edith Hazel yɛ Ghana amanyɛnyi na diplomat a ɔsoom dɛ mbrahyɛbaguanyi dze maa Evalue Gwira abatow mpasua do wɔ Anee Mantɔw mu fitsi 2001 kesi 2005 wɔ Ghana.

Abrabɔ ahyɛse na Adzesua

Hazel kɔr Ghana Suapɔn (University of Ghana).Ogyinae maa dzibew a ɔyɛ edziekyir panyin maa Ghana no ndwuma a odzi wɔ Washington, D.C., U.S. ansaana woribeyi no dɛ ɔnyɛ ntamugyinafo mma Ghana wɔ Denmark na Finland wɔ Ayɛwoho bosoom mu wɔ afe 2014 mu.

Amanyɛsɛm

Wɔtoo Hazel no do aba dɛ ɔmbɛyɛ mbrahyɛbaguanyi mma Evalue Gwira mantamu wɔ Anee Mantɔw mu wɔ Ghana abatow a ɔkɔr do wɔ afe 2000 mu. Nna ɔyɛ mbrahyɛbaguanyi wɔ mbrahyɛbagua fie a ɔtɔ do ebiasa wɔ Ghana amambu a otsia anan mu a nna okitsa abatow 6,598 a ɔbɛn 42.80% wɔ National Democratic Congress mu. Odzii Kojo Armah no do nkonyim wɔ afe 2004 mu. Odzii Kojo Armah a ɔwɔ Convention Peoples Party amanyɛkuw mu, Sagary Nokoe a ɔwɔ New Patriotic Party mu, Nana Kwabena Erskine a ɔwɔ National Reform Party mu hɔn do nkonyim.Iyi bɛyɛɛ abatow 5,994, 2,702 na abatow 115 fii abatow no nyina mu.Nna iyinom bɛn abatow 38.90%, 17.50% na 0.70% fi abatow no nyina mu.Wɔtoo Hazel no do aba wɔ National Democratic Congress amanyɛkuw mu. (NDC) The National Democratic Congress dzii nkonyim wɔ mbrahyɛbagua fie no ngua 9 ne nyae mu fii ngua 19 mu wɔ Anee Mantɔw mu wɔ abatow no mu. No nyina mu no, amanyɛkuw no nyaa ngua dodow 89 fii ngua 200 mu wɔ mbrahyɛbagua fie a ɔtɔ do ebiasa wɔ Ghana amambu a otsia anan mu.