David Lamptey

Nna David Lamptey yɛ obi a odzi edwuma, ɔhwɛ nyimpa yiedzi ho (Philanthropist), Ghana amanyɛnyi na mbrahyɛbaguanyi dze ma Klottey-Korley mpasuar.Constituency.

Ɔbra ahyɛase na nwomasua

Lamptey a nna ɔwɔ mfe eduosia-biako wɔ afe apem ahaebien na du-ebien ne bosoom Mumu mu no, nna ɔyɛ odwumayɛnyi, ɔhwɛ nyimpa yiedzi ho, amanyɛnyi na afei nyimpa a "Radio XYZ" na "Sidalco Group of Companies" yɛ ne dze. Nna ɔyɛ mbrahyɛbaguanyi ma Klottey-Korley mpasuar, wɔ Osu wɔ Nkran mantɔw mu wɔ NDC amanyɛkuw no akwanya ahoma do wɔ ber a ofii NPP amanyɛkuw no mu no. Wɔbɔɔ Lamptey abawdo dɛ otumii dze ndur a wɔdze gu ndɔbaa do ma ɔsow aba ara yie bɔbɔɔ adze ama kuwyɛ edzi mu wɔ ɔman no mu.

Amanyɛsɛm

Lamptey odzi kan no wɔpaaw no dɛ mbrahyɛbaguanyi wɔ mbrahyɛbagua a otsia ebien wɔ kwasafoman a ɔtɔdo anan no mu wɔ Ghana dze maa Klottey-Korley mpasuar wɔ Nkran mantɔw mu wɔ NDC amanyɛkuw no akwanya ahoma do wɔ afe apem ahaakorɔn eduokorɔn esia Ghana asahen abatow no mu. Onyaa mba 20,485 a nna ogyina hɔ ma 26.30% wɔ afe apem ahaakorɔn eduokorɔn esia Ghana mbrahyɛbaguafie abatow no mu dze tsiaa hɔn a wɔnye no sii akan dɛm afe no mu a wɔyɛ Tei Okunor a ɔyɛ Ankonam dzibewpɛfo a onyaa mba 17,205 a na ogyina hɔ ma 22.00%, Gilbert K.Quartey a ɔyɛ NPP kuwba a onyaa mba 17,090 a ogyina hɔ ma 21.90% dze fi mba a wotumii kanee no mu, Adolf Lutterodt a ɔyɛ "Convention People's Party" kuwba a onyaa mba 4,897 a na ogyina hɔ ma 6.30%, Kwame Nyarko Akuffo-Mensah a ɔyɛ "Independent Candidate" a no so nyaa mba 2,173 a na ogyina hɔ ma 2.80%, Buniyamin Mohamed a ɔyɛ "People's National Convention" ennya mba biara no dɛmara na Ahmed Nii Kpakpo Oti Vanderpuye so ɔyɛ "Independent Candidate" so ennya mba.

Edwuma

Lamptey yɛ odwumayɛnyi, Ɔhwɛ nyimpa yiedzi ho, amanyɛnyi na panyin a ɔda Sidalco edwumakuw na Redio ẊYZ ano.

N'abrabɔ

Lamptey waree a nna okitsa mba awɔtwe.

Owu

Afe apem ahaebien na du-ebien ne bosoom Mumu mu ne da a otsia enum do na Lamptey toaa ne nananom do na wosiee no afe apem ahaebien na du-ebiasa ne bosoom Fankwa mu ne da a ɔtɔdo akorɔn mu.

Nhwɛdo

"David Lamptey's family calls on gov't to investigate "strange" death". MyJoyOnline.com. 18 March 2013. Retrieved 6 October 2020. Online, Peace FM. "David Lamptey's Ghost Pops Up". Peacefmonline.com – Ghana news. Retrieved 6 October 2020. Online, Peace FM. "David Lamptey's Ghost Pops Up". Peacefmonline.com – Ghana news. Retrieved 6 October 2020. "David Lamptey goes home". www.ghanaweb.com. 9 February 2013. Retrieved 6 October 2020. "David Lamptey goes home". www.ghanaweb.com. 9 February 2013. Retrieved 6 October 2020. FM, Peace. "Parliament – Greater Accra Region Election 1996 Results". Ghana Elections – Peace FM. Retrieved 6 October 2020. "Probe David Lamptey's death – Family". Graphic Online. Retrieved 6 October 2020.