David Kwasi Amankwah

David Kwasi Amankwah yɛ Ghana amanyɛnyi. Nna ɔyɛ mbrahyɛbaguanyi wɔ mbrahyɛbagua a ogyinaa maa Asunafo Etsifi afamu mpasuar wɔ Ahafo mantɔw mu wɔ Ghana mbrahyɛbagua mu.

Ɔbra ahyɛase na nwomasua

Wɔwoo Amankwah wɔ afe apem ahaakorɔn eduanan-ebiasa mu ne bosoom Obiradzi ne da a ɔtɔdo du-esia mu na ofi Ahafo mantɔw mu wɔ Ghana. Onyaa ne mpanyimfo skuul ntsetsee wɔ Oguaa Suapɔn mu a ɔwɔ Finimfin mantɔw mu. Onyaa ne "Bachelor of Science degree" wɔ nwomasua mu.

Edwuma

Kwasi Amankwah yɛ Kyerɛkyerɛnyi na amanyɛnyi so.

Amanyɛdwuma

Odzikan no wɔpaaw Kwasi Amankwah kɔr mbrahyɛbaguafie hyɛɛ mbrahyɛbagua a odzikan no wɔ kwasafoman a otsia anan no mu wɔ Ghana wɔ afe apem ahaakorɔn eduokorɔn ebiasa mu wɔ ber a odzii kunyim wɔ Ghana mbrahyɛbagua abatow a ɔkɔr do afe apem ahaakorɔn eduokorɔn ebien mu ne bosoom Mumu ne da a ɔtɔdo esuon no mu.

Wɔsanee paaw no kɔr mbrahyɛbaguafie wɔ afe apem ahaakorɔn eduokorɔn esia Ghana asahen abatow no mu. Kwasi wɔ NDC amanyɛkuw no akwanya ahoma do nye Osei Benjamin Kuffour a ɔyɛ NPP amanyɛkuwba na Michael Maham Nabla a ɔyɛ "People's National Convention (PNC)" kuwba sii akan. Kwasi Amankwah dzii kunyim a nna okitsa mba 20,326 wɔ mba a wotumii kanee no mu. Benjamin Osei Kuffour a ɔyɛ NPP kuwba no tɔɔ do ebien a nna okitsa mba 17,048 wɔ ber PNC kuwba Michael Maham Nabla toaa do ebiasa a nna okitsa mba 618. Dɛm mba wonyae yi gyina hɔ ma 41.80%, 35.10% na 1.30% dɛ mbrɛ hɔn edzin no dzidzi do. Kwasi Amankwah gyinaa maa Asunafo Etsifi afamu mpasuardo wɔ Ahafo mantɔw mu na Benjamin Osei Kuffour a ɔyɛ NPP kuwba bɛhyɛɛ n'ananmu wɔ afe apem ahaebien Ghana asahen abatow no mu.