Daimokutate

Daimokutate (題目立) yɛ akenkan ɔyɛkyerɛ a wɔyɛ kyerɛ wɔ Yahashira Shrine wɔ Kami-fukawa ekurase, a ɔbɛn Nara kurow no.

Shinto Temple a ɔwɔ Kamifukawa wɔ amambra bi a wɔgye banyin a oedzi mfe duesuon to mu dɛ ɔyɛ kuwba a ɔka kuw a wɔyɛ ɔsom mu dwumadzi wɔ asɔrdan no mu. Banyin no ne ngye nto mu wɔ kuw no mu wɔ asɔrdan mu no yɛ ahyɛnsewdze a ɔkyerɛ dɛ abofra no abayɛ panyin.

Dwumadzi no

Mbrantsɛ, a woedzi mfe 17 (If there are not enough boys aged 17 years, boys who are not yet 17 years old or are over 17 years old are also included in the performance) hyɛ samurai ntar gyina puruwfa mu a wokitsa egyen. Akokora a ɔkenkan edzin ho nsɛm a ɔwɔ Minamoto na Taira ebusuakuw hɔn ntamu frɛ hɔn nkorkor ma wogyina mfinimfin. Ndwom biara nnka hɔn ho. Sɛ agodzifo eduonu-esia no nyina kasa wie a, mbabanun no soɛr dze hɔn nan pempem famu tow ndwom.

Ne farbaa mu no, amambra a otwa tun a wɔyɛ dze gya hɔn a woedzi mfe duesuon no kwan nye dɛ wɔbɛgye banyin panyin no ato mu wɔ kurow a wɔwɔ eduonu-ebien ebusua no mu a wɔwɔ Kami-fukawa, sesei dze mbabun mbanyin a hɔn mfe dzi nsesa a wofi ebusua ahorow mu yɛ Daimokutate afe biara wɔ bosoom Ɔbɛsɛ ne mfinimfin mu. Dza odzi mu wɔ Japan a ɔyɛ ɔyɛkyerɛ a ɔyɛkerɛ na dwontow nnka ho, Daimokutate yɛ ahyɛnsewdze a no ho hia a wodzi akotsen wɔ kurow a akoko wɔ mu no no mpuntu ne ngyinae mu.

Abakɔsɛm

Wɔyɛɛ Daimokutate wɔ Muromachi n'ewiei ber mu. Daimokutate yɛ amambra a otwa tun wɔ akenkan mu a nkorɔfo yɛ kyerɛ, a ɔyɛ dza odzi kan a wɔakyerɛw ato hɔ wɔ afe 1534 mu.

Wɔgyee akyerɛw a anansesɛm ho nyimdzeenyi a ɔyɛ Hosen Jungo kyerɛwee no nyina too hɔ wɔ mfe 1953 na 1955 ntamu, naaso bi a na dza wɔyɛ kyerɛ no yɛ adze a ɔso papaapa.

Wɔkyerɛɛw Daimokutate wɔ ''UNESCO Intangible Cultural Heritage Lists'' mu wɔ afe 2009 mu.