Clend Mawuko Sowu

Clend Mawuko Sowu yɛ Ghana amanyɛnyi, sordaanyi, National Democratic Congress (NDC) kuwba, Ghana nkandzea edwuma no mu kuw panyin na kuwba wɔ mbrahyɛbaguafie dze ma Anlo mpasuardo. Ɔsoom dɛ Aban ananmusinyi a ɔhwɛ Ndwuma na Atsenae na Aban Ananmusinyi dze ma Firaw Mantɔw mu wɔ Jerry John Rawlings n'amambu ase.

Ne bra ahyɛse

Tegbi, a ɔbɛn Keta wɔ Firaw Mantɔw mu na nna Clend Mawuko Sowu fi na ɔkɔr skuul wɔ Mfantsipim Skuul a ɔwɔ Oɛguaa. Nna Sowu yɛ Squadron banodzifo a ɔfaa ntsetsee mu wɔ Royal Air Force wɔ afe 1958 mu dɛ Ghana 'parachutist" odzi kan. Onyaa akwanya wɔ Ghana asordaafo skuul wɔ afe 1961 mu na onyaa ne tsenabew wɔ Ghana Wimu Nsordaaafo kuw no mu wɔ hɔn nkorbata kor mu wɔ afe 1962 ne bosoom Mumu mu ne da a ɔtɔdo anan. Ɔkɔr ahomgye mu wɔ afe 1973 mu ne bosoom Ɔberɛfɛw ne da a ɔtɔdo du-awɔtwe mu.

Nwomasua

Ɔkɔr skuul wɔ suapɔn mu wɔ Amanadze Suapɔn mu, hɔ na ne nsa kaa ne Bachelor of Science degree. Ekyir no ɔsanee kɔr Granfield Kɔlegyi wɔ Aeronautics na Harvard Suapɔn mu kenyaa ne Post-Graduate abawdobɔdze.

Ne ndwuma wɔ Amanyɛsɛm mu

Wɔ ne ndwuma mu dɛ amanyɛnyi na ɔdodow ɔfesa mu no, nna ɔsan yɛ Firaw Mantɔw mu Aban ananmusinyi wɔ (afe 1993), Aban ananmusifo dze ma Ndwuma na Atsenae (afe 1993-afe 1994), woyii no kɔr aban a odzi kan no wɔ 4th Republic no mu wɔ afe 1993 mu ne bosoom Sanda mu ne da a ɔtɔdo esuon wɔ ber a wɔpaa no kunyimdzifo wɔ mbrahyɛbaguafie abatow a ɔkɔr do wɔ afe 1992 mu ne bosoom Mumu ne da a otsia eduonu-akorɔn na NDC kuw no banodzifo. Nna ɔyɛ Ghana Nkandzea edwumakuw mpanyimfo no hɔn banodzifo.

Ne wu

owui wɔ afe ]2010 mu ne bosoom Mumu mu ne da a ɔtɔdo anan, wɔ East Legon, ne fie a nna ɔwɔ Nkran. Odzii mfe eduosuon-awɔtwe.

Nhwɛdo

"NDC misses, Clend Sowu". www.ghanaweb.com. 3 May 2011. Retrieved 2021-01-12. "Volta NDC eulogises late Squadron Leader Clend Sowu". BusinessGhana. Retrieved 2021-01-12. "Squadron Leader Clend Sowu is dead". MyJoyOnline.com. 2010-12-04. Retrieved 2020-05-16. "Sowu To Be Burnt". www.ghanaweb.com. Retrieved 2020-05-16. "Clend Sowu is dead – Today Newspaper". Retrieved 2021-01-12. "Clend Sowu Laid To Rest". Modern Ghana. Retrieved 2020-05-16.