Clement Kofi Humado

Clement Kofi Humado

human

Bɔbea	male
Ɔman a ofir do	Ghana
Dzin a wɔdze ama no	Clement
Da a wɔwoo no	18 Mumu 1953
Languages spoken, written or signed	English
N'edwuma	politician, consultant, agricultural economist
Educated at	University of Ghana
Member of political party	National Democratic Congress
Religion or worldview	Catholicism

Clement Kofi Humado (wɔwoo no 18 Mumu 1953) yɛ Mbrahyɛbaguanyi ma Anlo mansin a ɔwɔ Ghana. Ɔsan so yɛ nkan Ɔsoafo a ɔhwɛ Edziban na Kuadwuma (Minister for Food and Agriculture) do wɔ Ghana.

Abrabɔ ahyɛse na adzesua

John Kobla Humado na ne yer Grace Abla Humado na wɔwoo Humado. Nna hɔn beenu no nyina fi Alakple a ɔwɔ Keta Mantamu wɔ Firaw Mantɔw mu wɔ Ghana. Owiee no suapɔn wɔ Ghana Suapɔn (University of Ghana) a ɔwɔ Legon a osuaa "Animal Science and Agricultural Extension" wɔ hɔ. Onyaa "Graduate Diploma" wɔ "Agricultural Administration" mu wɔ mfe anan ekyir wɔ dɛm suapɔn noara mu. Afe 1985 mu no, onyaa abodzin krataa wɔ "Monitoring and Evaluation of Public Sector Projects and Programmes course" mu wɔ East Anglia Suapɔn mu wɔ Norwich, England. Ɔsanee so pɛɛ abodzin krataa wɔ afe 1989 mu wɔ "Ghana Institute of Management and Public Administration" na Nkontaabu "Finance" mu wɔ afe 1998 mu wɔ University of Reading wɔ United Kingdom.

Edwuma

Humado ayɛ edwuma wɔ mbea ahorow na ɔasan so ayɛ edwuma dɛ ogyinatunyi wɔ ekuayɛ na sikasaɛm mu wɔ ndwumakuw ahorow tse dɛ U SAID WEST AFRICA mu.Nna ɔsan so yɛ panyin "Head monitoring and Evaluation Deputy Project manager" ma "International Fund for Agricultural Development" fi afe 1991 dze kɔ 1999 mu. Nna ɔsan so yɛ panyin "National Officer" ma "World Food Program" fi afe 1990 dze kɔ afe 1991 mu.

Amanyɛsɛm

Ɔdze no ho kɛhyɛɛ amanyɛsɛm mu wɔ afe 2000 mu wɔ ber a ɔdze no ho kɛhyɛɛ Alakple mu wɔ National Democratic Congress mu. Ne nsa kaa mbrahyɛbagua fie egua maa Anlo wɔ bosoom Mumu mu wɔ afe 2004 abatow no mu.Ɔmanpanyin Mills na oyii no wɔ ber a wɔresesa mpanyimfo wɔ hɔn dzibew mu wɔ bosoom Sanda mu wɔ afe 2011 mu. Ɔmanpanyin dadaw Atta-Mills yii no dɛ ɔmbɛyɛ mbrahyɛbaguanyi mma mbabun na Agodzi mu. Nna ɔyɛ mbrahyɛbaguanyi ma Ekuayɛ.

2004 abatow

Wodzii kan too Humado no do aba dɛ ɔmbɛyɛ mbrahyɛbaguanyi mma Anlo mantamu wɔ 2004 Ghana abatow no mu wɔ ber a onyaa 17,758 abatow, a nna ɔyɛ 52.20% fi abatow no nyina mu.

2008 abatow

Humado gyinae dɛ ɔrepɛ mbrahyɛbagua egua ama Anlo mantamu wɔ National Democratic Congress amanyɛkuw mu wɔ 2008 Ghana abatow no mu, wɔ ber a ɔdze abatow 29,185 a nna ogyina hɔ ma 91.87% wɔ abatow no nyina mu dzii nkonyim. Odzii Ahiabor Edward Kofi a ogyinae maa New Patriotic Party, Amelor Godwin Kwashie a ogyinae maa Convention People's Party, Charles Mewueda Tay a ogyinae maa PNC na Seth Raphael Azokpa a ogyinae maa DFP amanyɛkuw hɔn do nkonyim. Wonyaa abatow 1,361, 813, 263 na 147 ndzidzido dɛmara. Nna iyinom nye 4.28%, 2.56%, 0.83% na 0.46% yɛ pɛr wɔ abatow no nyina mu.

2012 abatow

Wɔsanee so too Humado no do aba dɛ ɔmbɛyɛ mbrahyɛbaguanyi mma Anlo mantamu wɔ National Democratic Congress amanyɛkuw mu wɔ 2012 Ghana abatow no mu wɔ ber a onyaa abatow 32,654 a ɔbɛn 81.99% wɔ abatow no nyina no mu. Hɔn a odzii hɔn do nkonyim nye, Makafui Kofi Woanya a ogyinae maa New Patriotic Party a onyaa abatow 3,599 a ɔbɛn 9.04%, Gabriel Adzika Tamakloe a nna ogyina ma IND a onyaa abatow 1, 940 a ɔbɛn 4.87%, Francis Tamakloe a nna ogyina ma Progressive People's Party nyaa abatow 1,543 a ɔbɛn 3.87% na Etsey Crown Kwashie a ogyinae maa NDP a onyaa abatow 93 a ɔbɛn 0.23% wɔ abatow no nyina mu.

2016 abatow

Ogyinae pɛɛ mbrahyɛbagua egua maa Anlo mantamu wɔ National Democratic Congress mu wɔ 2016 Ghana abatow mu wɔ ber a ɔdze abatow dodow 22,216 a ogyina hɔ ma 64.01% dzii nkonyim. Nkorɔfo a odzii hɔn do nkonyim nye Tamakloe a ogyinae maa PPP, Kumedzro Gayheart Sena a ogyinae maa IND, Eddah Edward Kwadzo a ogyinae maa New Patriotic Party na Kuatsikor Sylvanus George a ogyinae maa Convention People's Party. Hɔn nsa kaa abatow 6, 823, dzin a ɔtoa do no nyaa 2, 980, nyia a ɔtɔ do ebiasa no nyaa 2, 451 na nyia a ɔtɔ do anan no so nyaa abatow 235. Abatow ahorow no nye dza wodzidzi do yi 19.66%, 8.59%, 7.06% na 0.68% yɛ pɛr.

N'abrabɔ

Ɔyɛ Kristonyi a ɔsom dɛ Katɔliknyi (Catholic). Ɔawar a ɔwɔ mba enum.

Hwɛ iyi so

• Anlo (Ghana parliament constituency)
• Mills ne mbrahyɛbaguafo ahorow (List of Mills government ministers)
• National Democratic Congress