Catherine Katuni Tedam
Catherine Katuni Tedam yɛ Ghana kyerɛkyerɛnyi na amanyɛnyi. Nna ɔyɛ mbrahyɛbaguanyi ma Chiana-Paga mpasuar wɔ afe 1970 dze kesi 1972.[1] Wɔ Amambu a ɔtɔ do ebien no mu no, nna wɔyɛ mbasiafo ebien pɛr wɔ mbrahyɛbagua mu.
No Skuul ho Nsɛm na mbofrabermu
[sesa mu | sesa ekyirsɛm]Wɔwoo no wɔ Ebɔw bosoom mu, da ɔtɔ do du-enum wɔ afe 1944 mu wɔ Paga.[2] Ɔkɔr ahyɛse skuul wɔ Local Council Primary School a ɔwɔ Paga fitsi afe 1957 kesi 1960.[2] Ɔsɔw do wɔ Girls' Middle Boarding School wɔ Bolgatanga, afe 1957 kodu 1960. Ɔkɔr skuulpɔn wɔ Women's Teacher Training College a ɔwɔ Tamale, afe 1961 kodu1965.[2]
N'edwuma ho Nsɛm
[sesa mu | sesa ekyirsɛm]Ɔyɛɛ kyerɛkyerɛnyi wɔ Local Authority Primary Skuul a ɔwɔ Paga.[2] Ɔyɛɛ edwuma fi afe 1965 kodu 1966. Owie hɔ adzekyerɛ no, ɔkɔɔ Akantome Middle Skuul a ɔwɔ Bolgatanga kɛkyerɛɛ adze afe kor ansaana ɔrokɔ Abiba Middle School akɛkyerɛ adze bio afe kor.[2] Wɔ afe 1969 mu no, ɔkyerɛɛ adze wɔ Adabase Primary Skuul dze kodu ber a ɔhɛɛn parliament wɔ afe 1970.[2] Aber a nna ɔkyerɛ adze no nna ɔyɛ National Executive mpanyimfo no bi ma Elementary Teachers' Association fi afe 1966 kesi1969.
N'amanyɛsɛm
[sesa mu | sesa ekyirsɛm]Nna Catherine ka Chiana - Paga Local Council Finacial Board ho wɔ afe 1968 mu. Wɔ Republic a ɔtɔ do ebien no mu no, aban a nna ɔwɔ do siiw amanyɛfo bebiree kwan dɛ mma wonngyina wɔ 1969 abatow akansi no mu, osian hɔn nkitsahodzi a nna wonye Republic a odzi kan no n'aban no wɔ no. Nna Clement Kubindiwo Tedam ka dɛm nkorɔfo yi ho. Nna ɔyɛ mbrahyɛbagua-nyi ma Paga baguabɔfo wɔ Republic a odzi kan aber do no. Osiandɛ C.K Tedam enntum enngyina wɔ dɛm abatow no mu no, akwanya bɛdaa hɔ dɛ obi bɛhyɛ hɔ. Wɔ bosom Ebɔw mu, afe 1970 mu no, wɔtoow aba soronko dze yii mbrahyɛbaguanyi maa Paga mpasuar no.[3] Catherine a nna ɔyɛ C.K Tedam ne wɔfase no gyinae wɔ dɛm abatow no mu maa Progress Party ma odzii nkonyim. Wɔ aber a ɔwɔ mbrahyɛbagua mu no, ɔyɛɛ ndwuma horow wɔ nkorbata egyinatukuw bibiree do. Bi nye: Mbrahyɛbagua mu committee, Skuulnsɛm ho committee, apɔwmudzen ho committee nna dza ɔkeka ho.[4][5]
N'abrabɔ mu Nsɛm
[sesa mu | sesa ekyirsɛm]Catherine yɛ Romannyi.[1] Ɔpɛ akenkan na ɔsan so pɛ ndwomtsie.[2] Afei so n'enyi gye hockey na netball agodzi ho.[1]
Mboaedze
[sesa mu | sesa ekyirsɛm]- ↑ 1.0 1.1 1.2 "Parliamentary Debates; Official Report". Parliamentary Debates. Ghana National Assembly: 438. 1970.
- ↑ 2.0 2.1 2.2 2.3 2.4 2.5 2.6 Uwechue, Ralph (1991). Africa Who's who. Africa Journal Limited. p. 1712. ISBN 9780903274173.
- ↑ "Universitas, Volume 10". University of Ghana. 1979: 138 and 143.
{{cite journal}}: Cite journal requires|journal=(help) - ↑ "C.K. Tedam is dead, president pays tribute". Business Ghana. Retrieved 21 May 2020.
- ↑ Ayee, Joseph (16 October 2019). Politics, Governance, and Development in Ghana. p. 274. ISBN 9781793603357.