Cassiel Ato Forson

Cassiel Ato Forson

human

Sex or gender	male
Country of citizenship	Ghana
Name in native language	Cassiel Ato Forson
Given name	Cassiel
Family name	Forson
Date of birth	5 Dzifuu 1978
Place of birth	Ajumako
Languages spoken, written or signed	English, Fante
Occupation	politician, accountant, manager
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 5th Parliament of the 4th Republic of Ghana, Member of the 8th Parliament of the 4th Republic of Ghana
Educated at	London South Bank University, Kwame Nkrumah University of Science and Technology, University of Oxford
Academic degree	Bachelor of Science
Work location	United Kingdom
Member of political party	National Democratic Congress
Candidacy in election	2008 Ghanaian general election, 2012 Ghanaian general election, 2016 Ghanaian general election, 2020 Ghanaian general election
Religion or worldview	Christianity

Cassiel Ato Baah Forson yɛ Ghana amanyɛnyi na ɔyɛ Ghana Amansin a ɔtɔ do anan (4) no Mbrahyɛbegua a ɔtɔ do esuon (7) na awɔtwe (8) no munyi a ogyina Ajumako-Enyan-Esiam Ambatow mpasua do a ɔwɔ Finimfin Mantɔw ananmu wɔ National Democratic Congress (NDC) tekiti do. Afe 2013 mu no ɔyɛɛ sikasɛm soafo abadziekyir (deputy minister for Finance).

Ɔbra Ahyɛase na Nwomasua

Wɔwoo Dr. Forson wɔ 5 Dzifuu 1978 na ofi Ajumako Bisease a ɔwɔ Ghana Finimfin Mantɔw mu. Onyaa PhD wɔ Edwumayɛ na Edwumayɛ mu (sikasɛm a wɔpaw) wɔ Fankwa 2020 mu wɔ Kwame Nkrumah Esuapɔn a ɔhwɛ Nyansahu na Mfirdwuma do (Kwame Nkrumah University of Science and Technology - KNUST) wɔ Ghana. Ansaana Forson no rinya oduruyɛfo abɔdzin krataa no, na ɔwɔ master’s degrees ebien: Nyansahu mu master of Science wɔ Towtua mu wɔ Oxford Esuapɔn, UK na Master of Science abɔdzin krataa fofor wɔ sikasɛm mu wɔ KNUST. Onyaa akontaabu ho abɔdzin krataa a edzi kan wɔ South Bank Esuapɔn a ɔwɔ London no mu.

Dr. Forson yɛ Asoɛe a Ɔhwɛ Akontaabu a Hɔnagye Dzin do (Institute of Chartered Accountants), Ghana no munyi na ɔyɛ Akontaabufo Asoɛe a Ɔhwɛ Towtua do (Chartered Institute of Taxation) no yɔnko.

Edwuma

Dr. Forson yɛ Ghana Mbrahyɛbagua, Sikasɛm ho Ɔbemfo (Fiscal Economist), Akontaabu Ɔbenfo (Chartered Accountant), Tow ho edwumayɛfo (Tax practitioner) na Edwumayɛfo a ɔwɔ Edwumayɛ mu (Entrepreneur) suahunu a ɔbor mfe eduonu wɔ ankorankor na ɔman nnwuma nyinara mu. Nna ɔyɛ Forson Contracts Limited a ɔwɔ United Kingdom no kwankyerɛfo panyin. Na ɔsan nso yɛɛ edwuma dɛ Omega Africa Holding Limited edwumayɛfo panyin (chief executive officer).

Amanyɛsɛm

Oduruyɛfo (Dr.) Forson yɛ National Democratic Congress (NDC) no munyi. Ɔyɛ NDC mbrahyɛbaguanyi ananmusifo wɔ Ajumako-Enyan-Esiam ambatow mpasua mu fir afe 2009. Seseiara ɔyɛ Dɔm Kumaa Banodzinyi (Minority Leader).

Afe 2008 Ambatow

Afe 2008 mu no, osii akan wɔ Ghana Amansan Ambatow mu na odzii nkonyim. Onyaa amba 18, 593 a ogyina hɔ ma ambatow a wɔtow no nyinara mu 51.66% na ɔno ntsi odzii akansifo afofor a wɔyɛ William Kow Arthur-Baiden, Alex Arthur, Rexford Mensah na Evans Addo-Nkum ka ho do nkonyim.

Afe 2012 Ambatow

Wɔ National Democratic Congress tekiti ase bio no, osii akan wɔ afe 2012 Ghana Amansan Ambatow no mu na ɔdzii nkonyim dzenam amba 24,752 a ɔnyae a ɔyɛ ambatow a wɔtow nyinara mu 52.67%.

Afe 2016 Ambatow

Afe 2016 mu no, ɔsan sii akan wɔ afe 2016 Ghana Amansan Ambatow no mu na ɔsan dzii nkonyim bio maa no hokwan dɛ ɔgyina nye ambatow mpasua ananmu wɔ afe a ɔtɔ do ebiasa (3). Wɔ afe 2016 ambatow no mu no, ɔnye Ransford Emmanuel Kwesi Nyarko, Jerry Henry Quansah, Sarah Mensah na Monica Daapong sii akan. Ɔdzii hɔn do nkonyim dzenam amba 25,601 a ɔnyae a ɔyɛ ambatow a wɔtow nyinara mu 53.55%.

Afe 2020 Ambatow

Afe 2020 Ghana amansan ambatow mu no, ɔsan dzii nkonyim wɔ mbrahyɛbagua no mu a onyaa amba 39,229 a ɔyɛɛ 58.1% wɔ ambatow a wɔtow nyinara mu ber a NPP mbrahyɛbaguanyi Etuaful Rashid Kwesi nyaa amba 28,229 a ɔyɛɛ 41.8% wɔ ambatow a wɔtow nyinara mu na NDP mbrahyɛbagua mu kandzifo Samuel Akombisa nyaa amba 117 a ɔyɛɛ ambatow a wɔtow nyinara mu 0.2%.

Ɔsoafo Abadziekyir a ɔhwɛ Sikasɛm do

Afe 2009 mu no ɔbɛyɛɛ Ghana Mbrahyɛbaguanyi na ɔyɛɛ sikasɛm soafo abadziekyir wɔ afe 2013 mu. Dɛ Ɔsoafo abadziekyir no, ɔyɛɛ Ghana Sikasɛm Sohwɛ Kuw no munyi (member of Ghana's Economic Management Team). Ɔsan nso asom wɔ board ahodoɔ bi mu a Bank of Ghana na Ghana Cocoa Board dze ka ho. Ɔsan so yɛ Ghana Amrado Panyin (Ghana's Alternate Governor) wɔ Amanaman Ntsam Sikakorabea (International Monetary Fund - IMF) na Wiadze Sikakorabea (World Bank). Wɔdaa nye nyimdze nso edzi ber a na ɔyɛ Boayikuw a wɔdze Ghana Sikasɛm ho Amannyebɔ Nhyehyɛe a Hɔn aka abom (Ghana Integrated Financial Management Information System Reforms - GIFMIS) dzii dwuma no eguamtsenayni no.

Boayikuw ahorow

Forson yɛ Sikasɛm Boayikuw no munyi a ɔwɔ Dzibea (Ranking Member of the Finance Committee); ɔyɛ Aban Boayikuw no munyi; ɔyɛ amanandze Nsɛm Boayikuw no munyi (member of the Foreign Affairs Committee) na ɔsan yɛ Boayikuw a Wɔpaw Nnyimpa Boayikuw no munyi (member of the Committee of Selection Committee).

N'abrabɔ

Forson yɛ Kristonyi. Wawar na ɔwɔ mba ebien (2).

Ekyingye

Wɔkyerɛ dɛ Forson maa Ghana hweer sika wɔ ambulance 200 a ɔtɔɔ wɔ afe 2014 na 2016 ntamu.