Cassiel Ato Baah Forson

Hon. Dr. Cassiel Ato Baah Forson MP
Member of Ghana Parliament for Ajumako-Enyan-Esiam
Incumbent
Assumed office 7 January 2009
Deputy Minister for Finance
In office March 2013 – January 2017
President	John Dramani Mahama
Preceded by	Fiifi Kwetey
Succeeded by	Charles Adu Boahen
Minority Leader in Parliament
Incumbent
Assumed office January 2023
Preceded by	Haruna Iddrisu
Personal details
Born	(1978-08-05) 5 August 1978 Ajumako Bisease, Ghana
Nationality	Ghanaian
Political party	National Democratic Congress
Children	2
Alma mater	University of Oxford, Kwame Nkrumah University of Science and Technology, South Bank University
Occupation	Politician
Profession	Accountant
Committees	Finance Committee (Ranking Member): House Committee; Foreign Affairs Committee; Committee of Selection Committee
Website	https://cassielatoforson.org/

Okunyin Cassiel Ato Baah Forson yɛ Ghana mbrahyɛbaguafo ahaebien na eduosuon enum no mu kor. Ɔyɛ amamfo a wɔwɔ Ajumako-Enyan-Essiam Mansin mu no hɔn mbrahyɛbaguanyi. Ɔayɛ Mbrahyɛbaguanyi fitsi afe 2009 mu dze besi ndɛ. Okunyin Forson dzii kan yɛɛ Mbrahyɛbaguanyi wɔ Ghana Kabi-ma-menka-bi Amambu a ɔtɔ do anan no ho ansaana a ɔresan edzi adze bio wɔ Ghana Mbrahyɛbaguafie a ɔtɔ do esia, esuon na awɔtwe wɔ Ghana Ka-bi-ma-menka-bi Amambu a otsia anan no mu. Ɔyɛ Mbrahyɛbaguanyi ma NDC amamnyɛkuw no . In 2013 he served as the deputy minister for Finance.. Afe 2013 mu no, nna ɔyɛ Ghana Fotosamfo Abedziekyir.

Sanda 23, 2024 mu no, odzii Haruna Iddrisu n'adze dɛ Dɔm Kumaa a wɔwɔ Mbrahyɛbaguafie no hɔn panyin. Ɔbɛsɛ 17, 2024 mu no, ɔbɛyɛɛ Dɔm kɛse a wɔwɔ Mbrahyɛbaguafie no hɔn panyin ber a Mbrahyɛbaguafie ne kasafo Alban Bagbin dze too gua dɛ mbrahyɛbaguafie ngua anan atɔ pan no.

N'abrabɔ na No Nwomasua

Wɔwoo Ato Forson Dzifuu 5, 1978 na ofi Ajumako Bisease a ɔwɔ Finimfin Mantɔw mu wɔ Ghana. Ɔbɔɔ Okunyin Abɔdzin (PhD) wɔ adzesuadze a wɔfrɛ no 'Business and Management (Sikasɛm dze no)' wɔ Fankwa 2020 mu wɔ Kwame Nkrumah no Suapɔn a wɔhɛw Abɔdze Nyansapɛ na Abaɛfor Mfir do a ɔwɔ Ghana no. Ansaana a oribenya no Kunyin dzin no, nna ɔwɔ Abɔdzin a otsia ebien ebien: dza ɔfa Tow ho a onyae fii Oxford Suapɔn a ɔwɔ UK na dza ɔfa Sikasɛm Ntotoe ho a a onyae fii Kwame Nkrumah no Suapɔn a wɔhɛw Abɔdze Nyansapɛ na Abaɛfor Mfir do a ɔwɔ Ghana. N'abɔdzin a odzi kan no, onyae fii South Bank Suapɔn a ɔwɔ London Ngyiresiman mu.

Forson ka Institute of Chartered Accountants, Ghana na Chartered Institute of Taxation ho.

N'edwumasɛm

Ato Forson yɛ Mbrahyɛnyi, Sikasɛm no ntotoenyi, Nkontaabunyi, Tow ho mbranyimnyi na Edwumayɛnyi a ɔwɔ suahu ahorow a ɔbor mfedu ebien. Nna ɔyɛ Kwankyerɛfo Panyin ma Forson Contracts Limited a ɔwɔ Ngyiresi Aborɔkyirman mu. Nna ɔsan so yɛ Omega Africa Holding Limited hɔn panyin.

N'edwumayɛ mu no, Okunyin Ato Forson yɛ amambu mapa a pɛpɛryɛ na fi biara nnyi ho ne dzimafo. Ɔyɛ obi Finimfin Mantɔw mu na Ghanafo dze obu ankasa ma no na wonndzi no ho agor so ɔnam n'etuhoakyɛ a ɔwɔ ma ne man no ntsi.

Amanyɛsɛm

Ɔyɛ amamfo a wɔwɔ Ajumako-Enyan-Essiam Mansin mu no hɔn mbrahyɛbaguanyi. Ɔayɛ Mbrahyɛbaguanyi fitsi afe 2009 mu dze besi ndɛ. Okunyin Forson dzii kan yɛɛ Mbrahyɛbaguanyi wɔ Ghana Kabi-ma-menka-bi Amambu a ɔtɔ do anan no ho ansaana a ɔresan edzi adze bio wɔ Ghana Mbrahyɛbaguafie a ɔtɔ do esia, esuon na awɔtwe wɔ Ghana Ka-bi-ma-menka-bi Amambu a otsia anan no mu. Ɔyɛ Mbrahyɛbaguanyi ma NDC amamnyɛkuw no. Afe 2013 mu no, nna ɔyɛ Ghana Fotosamfo Abedziekyir. Seseiara, ɔyɛ Dɔm kɛse a wɔwɔ Mbrahyɛbaguafie no hɔn panyin.

Afe 2008 ambatow

Afe 2008 mu no, ogyinae wɔ NDC Amanyɛkuw ne dzin mu dɛ mbrahyɛbaguanyi na odzii konyim. Onyaa amba no mu 18, 593 a ogyina hɔ ma 51.66%. Ɔnam iyi do ma odzii konyim tsiaa nkorɔfo binom tse dɛ William Kow Arthur-Baiden, Alex Arthur, Rexford Mensah and Evans Addo-Nkum.

Afe 2012 ambatow

Afe 2012 mu no, ɔsan so gyinae wɔ NDC Amanyɛkuw ne dzin mu dɛ mbrahyɛbaguanyi na odzii konyim. Onyaa 24, 752 a ogyina hɔ ma 52.67%.

Afe 2016 ambatow

Afe 2012 mu no, ɔsan so gyinae wɔ NDC Amanyɛkuw ne dzin mu dɛ mbrahyɛbaguanyi na odzii konyim bio. Iyi bɛyɛɛ ne mpɛn ebiasa a ɔdze dzii n'abatow mpasuar no enyim. Odzii nkorɔfo binom tse dɛ Ransford Emmanuel Kwesi Nyarko, Jerry Henry Quansah, Sarah Mensah na Monica Daapong hɔn do konyim. Onyaa amba no mu 25, 601 a ogyina hɔ ma 53.55%.

Afe 2020 ambatow

Afe 2020 mu no, ɔsan so gyinae wɔ NDC Amanyɛkuw ne dzin mu dɛ mbrahyɛbaguanyi na odzii konyim bio. Onyaa amba no mu 39,229 a ogyina hɔ ma 58.1%. Dɛm ambatow no, NPPnyi Etuaful Rashid Kwesi nyaa 28,229 s ogyina hɔ ma 41.8%. NDPnyi Samuel Akombisa so nyaa 117 a ogyina hɔ ma 0.2%.

Ghana Fotosamfo Abedziekyir

Afe 2009 mu no, ɔbɛyɛɛ Ghana Mbrahyɛbaguanyi na ɔsomee dɛ Ghana Fotosamfo Soafo afe 2013 mu. Ber a nna ɔyɛ Fotosamfo Abedziekyir no, nna ɔka Ghana Sikasɛm Ntotoe Kuw no ho. Ɔasan asom dɛ panyin wɔ ndwumakuw akɛse mu tsitsir Ghana Sikakorabea Baatan na Ghana Kookoo Kuw Baatan no. Nna ɔsan so yɛ Ghanaman ne panyin wɔ Wiadze Sikakuw Kɛse a wɔfr no 'IMF' na Wiadze Sikakorabea Baatan no. Nna ɔsan so yɛ Guamutsenanyi ma Ghana Integrated Financial Management Information System Reforms (GIFMIS) .

Mpanyindzi

Ato Forson ka Sikasɛm Mpanyimfo no ho. Ɔdɔm Mpanyin a wɔhwɛ toto Mbrahyɛbaguafi no so. Ɔsan ka Ghana nye Amanaman Nkitaho Kuw no ho. Ɔdɔm Ɔman N'akɔhoma Soronko Kuw no so.

N'abrabɔ mu Asɛm

Forson yɛ Kristosomnyi. Ɔawar awo mba beenu.

No ho Nsɛnsɛm

Ɔbɔtɔɔ gua dɛ Ato abɔ Ghanaman no kaw wɔ Ambulanse hɛn ahaebien no ntɔe mu wɔ afe 2014 na 2016 mu.

Ɔnam asɛm yi ntsi, wɔdze Ato na nyimpa beenu binom kegyinaa asɛndzibea adaka mu ma wokeyii hɔnho ano. Asɛndzibea hɔ no, Ato ne mbranyimfo buae dɛ hɔn nyimpa no nnyi asɛm no ho nyiano biara. Afe 2023 mu no, Nkran Asɛndzinea Kɛse a nna oridzi asɛm no hyɛɛ Ato dɛ ɔmpɛ nyiano bi mfa ntwitwa ngye no ho. Ato na ne mbranyimfo no anngye asɛm yi aso pa mu na woguanee kɔtoaa Nkotoserɛ Asɛndzibea no.

Ayɛwoho 2024 mu no, Nkotoserɛ Asɛndzibea no ammfa Nkran Asɛndzibea kɛse no mbuae no annkɔ bɛnkor mu. Iyi maa Nkotoserɛ Asɛndzibea no yii kweedu biara a wɔdze bɔɔ Ato na nkorɔfo beenu no .