Angela Kyerematen-Jimoh
Angela Kyerematen-Jimoh
[sesa mu | sesa ekyirsɛm]Angela Kyerematen-Jimoh yɛ Ghanayi a ɔno na ɔyɛ Microsoft Strategic Partnership Lead ma Ebibiman mu. Ansaana ɔrebɛyɛ edwuma ama Microsoft no, nna ɔyɛ edwuma mu panyin ma IBM ne nkorbata ahorow a wɔwowɔ Ebibir Anee, Boka na Anaafo. Nna ɔsan so yɛ mu "Country General Manager" ma Ghana. Ɔno nye basia a odzi kan a wɔabɛyɛ ɔman mu dwumadzi panyin ama IBM.
No Skuul ho Nsɛm
[sesa mu | sesa ekyirsɛm]Ɔkɔr Harvard Business School na London Guildhall College. Okitsa suapɔn mu abɔdzin mu krataa, wɔ adzetɔn mu na Frɛnkye kasa mu. Ɔkɔr nsɔwdo skuul wɔ Wesley Girls' High School na Achimota School a wɔwɔ Ghana.
N'edwuma ho Nsɛm
[sesa mu | sesa ekyirsɛm]Ɔayɛ edwuma mfe eduonu wɔ sikasɛm na abaefo mfir edwindadze mu wɔ aber a ɔreyɛ edwuma wɔ Ebibimu na Aborɔkyir. Wɔ afe 2011 mu na ɔhyɛɛ edwuma ase wɔ IBM. Ɔkɔr Nairobi,Kenya nna ɔhyɛɛ edwuma ase dɛ hɔn edwumadzi nhyehyɛɛ mu kandzifo ma Ebibirmu Anee nkorbata. Ms Angela Kyerematen-Jimoh san so yɛ akyerɛakwan boardfo no mu kor wɔ Ghana ne Sikakurabea Pɔn mu. Ɔayɛ edwuma pɛn wɔ UBS Investment Bank a ɔwɔ Ngyiresi man mu nna ABN AMRO Sikakurabea. Biom, Angela wɔawea wɔ mbrasɛm a ɔfa edwumayɛbea na no mu nsɛm mu.
Wɔ afe 2022 mu na Microsoft dze too gua dɛ woeyi Angela Kyeramaten-Jimoh dɛ Ebibiman mu panyin a ɔda "Africa Transformation Office(ATO)" ano.
Abawdobɔdze
[sesa mu | sesa ekyirsɛm]- WomanRising bɔɔ ne dzin kaa kaa mbasiafo a wodzidzi do eduonu (Top 50 Corporate Women Leaders) wɔ ɔman Ghana mu, afe 2016 mu.
- Wɔ afe 2018 mu no, Glitz Africa maa no "Corporate Personality of the Year" abawdobɔdze