Alexander Ransford Ababio

Alexander Ransford Ababio yɛ Ghana ɔmanyɛnyi na nkan mbrahyɛbaguanyi dze ma "Dayi South" ambatow mpasua do a ɔwɔ Firaw Mantɔw mu wɔ Ghana wɔ mbrahyɛbagua a odzi kan na ma ɔtɔ do ebien wɔ "4th Republic" wɔ Ghana amanyɛsɛm mu.

Alexander Bra Ahyɛse Na Nwomasua

Wɔwoo Alexander Ransford Ababio wɔ Mumu bosoom da ɔtɔ do eduonu esuon wɔ mfe apem ahankron eduonu esuon mu wɔ Firaw Mantɔw mu. Okosua eduryɛ(medicine) ho nyimdzi wɔ Mission House College ma onyaa abɔdzin krataa a ɔyɛ Bachelor Of Science, ekyir no ɔkɔ toaa no skuul do wɔ Saarland Suapɔn mu na onyaa ne Doctor Of Medicine abɔdzin krataa.

Edwuma

Ɔyɛ Datsernyi na Okuanyi mapa.

Amanyɛsɛm

Alexander Ransford Ababio dzii kan baa mbrahyɛbaguamu wɔ mfe apem ahankron eduokron ebien wɔ Ghana mbrahyɛbagua mu odzi kan wɔ "4th Republic" mu. Ɔsan so gyina maa South Dayi ambatow mpasua wɔ mbrahyɛbagua a ɔtɔ ebien wɔ "4th Republic" mu wɔ Ghana amba a wɔtoo no wɔ mfe apem ahankron eduokron esia no mu. Wɔsan too maa no bio dɛ mbrahyɛbaguanyi a ogyina NDC amanyikuw n'ananmu. Ɔno nye nyimpa a ogyinae maa dɛm ambatow mpasua no wɔ mbrahyɛbagua fie odzi kan wɔ "4th Republic" mu. Ababio gyae n'egua no mu maa Daniel K. Ampofo a ɔno so yɛ NDC amanyɛkuw ba wɔ mfe mpem ebien ambatow no mu.

Ambatow Mu Nsɛm

Ababio nyaa amba a ɔyɛ ɔha nkyekyɛmu eduosuon ebiasa ekyir pɔw eduanan awɔtwe a ogyina hɔ ma mpem duebien ahankron na eduonum kor fir amba dodow a ɔyɛ mpemduesuon ahaesia na eduonu esia a wɔtoo. Onyaa amba kɛse sen Winfred Manfred Asimah a nna ɔyɛ amanyɛnyi a naora gyina no ho do, na onyaa amba no mu ɔha nkyekyɛmu awɔtwe ekyir pɔw eduosia a ogyina hɔ ma amba dodow a ɔyɛ mpem ebien ahaebiasa na eduokron esuon. Barney Kodzo Agbo a ogyina mu ma NPP amanyɛkuw no so nyaa ɔha nkyekyɛmu esia na n'ekyir pɔw eduowɔtwe a ɔyɛ apem kor ahawɔtwe na eduokron awɔtwe na Akudeka Victor Kofi a ogyina PNC amanyɛkuw ananmu no nyaa ɔha nkyekyɛmu kor ekyir pɔw eduana a ɔyɛ ahaebiasa na eduowɔtwe amba dodow.

Alexander Ransford Ababio gyedzi

Ɔyɛ Kristonyi