Alex Tettey-Enyo

Alexander Narh Tettey-Enyo yɛ educationist na amanyɛnyi. Wɔayɛ mbrahyɛbaguanyi ama Ada fitsi 2005 na Ghana Ɔsoafo wɔ Nwomasua mu wɔ 2009 na 2011 ntamu.

Ɔbra ahyɛse na nwomasua

Wɔwoo Alex Tettey-Enyo wɔ Akuse wɔ Nkran kurowpɔn Mantɔw no mu wɔ Ghana. Ɔhyɛɛ ne mbofra skuul ase wɔ Akuse Methodist Primary school wɔ 1946 mu. Wɔ 1948 no, ɔtoaa do wɔ James Town Nkran Methodist Primary School na owiei wɔ Somanya Medthodist Primary/ Middle School wɔ 1949 na 1953 ntam. Ne Nsɔwdo skuul no hyɛɛ ase wɔ Volta Mansin Ntoado Skuul (Volta District Secondary School), Odumase Krobo wɔ 1954. Ɔtoaa do wɔ Presbyterian Boys' Secondary a ɔno so wɔ Odumase Krobo wɔ 1956 na 1957 ntam. Owiei post-secondary akyerɛkyerɛfo kɔso(course) wɔ Wesley College, Kumasi wɔ 1959 na 1960 ntam. Ɔkɔɔ Kwame Nkrumah University of Science and Technology wɔ 1961 na 1962 na ɔtoaa do wɔ Ogua Suapɔn (University of Cape Coast) hɔ na osua adze wɔ 1962 na 1965 ntam, na onyaa abɔdzin krataa a ɔyɛ Bachelor of Arts degree in education. Ɔkɔr University of Science and Technology, Kumasi (1961-1962) na University College of Cape Coast (1963-1965)

Edwuma

Nwomasua

Ɔhyɛɛ n'adzekyerɛ edwuma odzi kan wɔ Yilo State Skuul wɔ Somanya wɔ 1058. N'edwuma otsia do no yɛ Ghanata Ntoado Skuul, Dodowa. Wɔ no Suapɔn nwomasua ekyir no, a na ɔyɛ panyin a ɔda national socialist studnts' organisation (Ghanaso) ano, ɔkaa esuafo a wofir Kwame Nkrumah Ideological Institute a wɔkɔr GDR's central party skuul wɔ Berlin bɔmu ma wosuaa adze. Ber a na ɔwɔ hɔ no, wɔfrɛɛ no wɔ ber a na ɔsɛ dɛ Kwame Nkrumah san ba Ghana bɔboa Ɔmanpanyin ma ɔsan kɔr edwuma wɔ n'anan mu, naaso annyɛ yie. Iyi ho dase wɔ Berlin wɔ Bundesarchiv, Berlin Lichterfelde, SAPMO-BArch, DY 30,IV A 2/9.09/125. Ɔsan kɔr beebi a owiei skuul wɔ afe 1966 mu, a ɔbɛyɛɛ kyerɛkyerɛfo panyin abedzi ekyir fitsi 1971 kesi 1974. Wɔ 1982 mu no, woyii no dɛ Panyin a ɔda Ada Ntoado Skuul, dzibew a ɔyɛɛ ara kesi 1990. Wɔyɛɛ no Dalɛta wɔ Nwomasua mu(Director of Education) wɔ Dangme East Mansin mu wɔ Asoae a Ɔhwɛ Nwomasua do (Ghana Education Service (GES)) wɔ 1990. Wɔ 1991 mu no, ɔbɛyɛɛ Dalɛta dze maa Ntoado Skuul Nwomasua (Director for Secondary Education) wɔ GES hɔn atsenae kɛse no mu wɔ 1991. Mfe anan ekyir no, na ɔyɛ Dalɛta wɔ Manpower na Ntsetsee wɔ GES astsenae kɛse no mu. Wɔ 1996 mu no, ɔbɛyɛɛ Deputy Director-General wɔ Ghana Nwomasua mu(Ghana Education Service) na Acting Director General fitsi 2001.

Amanyɛsɛm

Tettey-Enyo dzii dwuma dɛ Mansin kyerɛkyerɛwfo wɔ Dangme East Mansin mu wɔ 1990. Odzii kan gyinae wɔ mbrahyɛbagua dzibew wɔ Ghana mbrahyɛbaguafo abatow wɔ Mumu 2004 wɔ National Democratic Congress amanyɛkuw ne dzin mu, a owuraa mbrahyɛbagua mu wɔ Sanda 2005. Wɔ 2009 mu no, Ɔmanpanyin John Atta Mills yii Tettey-Enyo dɛ Ɔsoafo wɔ Nwomasua do wɔ n'amanbu mu. Tettey-Enyo ne ber wɔ Ɔsoafo edwuma mu soee wɔ 2011 wɔ ber a Ɔmanpayin yɛɛ nsesa bi wɔ n'amanbu mu.

Ebusua

Tettey-Enyo awar wɔ mba enum.

Ndzɛmba a Ɔpɛ

Tettey-Enyo's pɛ akenkan, stamp collection, po guar(abor) na anokɔnkɔn.

Hwɛ ha so

List of Mills government ministers
Ada constituency

Nhwɛdo

^ Jump up to:^a ^b ^c ^d
^
^
^
^ "Cabinet reshuffle: Zita dropped, Betty for education". Ghana