Alex Adomako-Mensah

Alex Adomako-Mensah (wɔwoo no wɔ Ɔberɛfɛw 5, 1962) yɛ Ghana amanyɛnyi na mbrahyɛbaguanyi ma Sekyere Afram Plains ambatow mpasua a ɔwɔ Esuantse Mantɔw mu wɔ Ghana.

Abrabɔ ahyɛse

Wɔwoo no wɔ Ɔberɛfɛw 5, 1962 mu na wɔtsetsee no wɔ Kumawu a ɔwɔ Esuantse Mantɔw mu.

Nwomasua

Alex Adomako-Mensah nyaa ne MBA wɔ UK fir suapɔn a wɔfrɛ no University of Leicester mu wɔ afe 2001 mu. Ɔbɛyɛɛ kuwba maa (ACIM) wɔ Edwumakuw a wɔhwɛ Eguadzi do, wɔ UK wɔ afe 2003 mu na onyaa akwanya bɛkaa mpanyimfo a wɔhwɛ edwumakuw no do wɔ afe 2006 mu.

Amanyɛsɛm

Ɔyɛ National Democratic Congress kuwba a wɔtoow amba maa no dɛ mbrahyɛbaguanyi ma Sekyere Afram plains wɔ Ghana mbrahyɛbagua ambatow no mu wɔ afe 2016 mu. Ɔdze mba 5,664 fir mba dodow a wɔtowee 9,275 mu a egyina hɔ ma 60.85% dzii nkonyim.

Beesuomfo

Ɔyɛ kuwba wɔ Ndwuma, Asetsena mu Yiedzi na Ɔman no ndwumakuw Beesuomfo na kuwba wɔ Sikasɛm Beesuomfo.

Ewifo toow hyɛɛ no do

Dzifuu 14, 2017 no, ewifo bi toow hyɛɛ mbrahyɛbaguanyi no do ewimbir ber a ofi Kumasi a n'enyi kyerɛɛ Kumawu no.

Asetsena mu nsɛm

Ɔyɛ Christiannyi na ɔawar awo mba beenum.