Adisadel College

Adisadel College

boarding school, public institution, Ntoado Sukuu

Inception	1910
Official name	Adisadel College
Languages spoken, written or signed	English
Dza ɔhyehyɛe	Temple Hamlyn
Motto text	vel primus vel cum primis
Country	Ghana
Located in the administrative territorial entity	Cape Coast Metropolitan District, Central Region
Coordinate location	5°7′16″N 1°15′54″W
Edwumayɛbea nkorbata	Cape Coast
Color	black, white
Operator	Ghana Education Service
Street address	P.O.Box 83
Hɔn wɛbsaet	http://www.adisadelcollege.net

Adisadel College, a dodow noara frɛ no "Adisco", yɛ Anglican mbanyin skuul a ɔwɔ Oguaa, Ghana . Owura Rt. Rev. Nathaniel T Hamlyn na ɔdze bɔbɔɔ adze wɔ afe 1910 mu. Adisadel College ka nsɔwdo skuul a enyin wɔ Ghana, nna ɔtɔ do du wɔ skuul ahorow ɔha(100) a wɔwɔ Ebibiman mu wɔ Africa Almanac mu wɔ 2003 mu, ɔnam nwomasua pa, esuafo nkitahodzi, ahoɔdzen na edzikanfo a woewie skuul no, skuul ne dzin, intɛnɛtse na nsɛnka ahorow a ɔda edzi no ama skuul no agye dzin. Ɔnkyɛree biara na wɔbɔɔ hɔn abawdo dɛ wɔka skuul ahorow a wɔbɔ hɔn ho mbɔdzen wɔ Ghana ho, ɔnam WAEC nkyerɛkyerɛmu ntsi, na ɔyɛ YEN 2024 ma yɛtse ase dɛ, ɔyɛ nsɔwdo skuul a ɔbɔ no ho mbɔdzen papaapa wɔ Oguaa.

Abakɔsɛm

Wɔtseew Adisadel College wɔ afe 1910 wɔ dan bi a wɔfrɛ no Topp Yard mu, a ɔbɛn Christ Church School, a ɔwɔ Oguaa Aban n'apaamu hɔ. Wɔdze mbanyin 29 na wɔdze hyɛɛ ase, na afe 1935 mu no, obenyaa esuafo 200. Maxwell Fry na Jane Drew buei skuul adan no mu wɔ afe 1950 mu. Esuafo no dodow bɛyɛɛ 545, wɔ aber a skuul no dzii mfe eduonum wɔ afe 1960 mu. Kɛpem ber a skuul no dzii mfe ɔha wɔ afe 2010 mu no, nna Adisadel wɔ esuafo beyɛ 1500 a wɔda skuul hɔ na akyerɛkyerɛfo eduokron ebiasa(93).

Nyimpa a ɔtsew skuul yi nye Rt.Rev.Nathaniel Temple Hamlyn a nna ɔyɛ Anglican sofo panyin a ɔhwɛ Anglican asor a ɔwɔ Nkran do wɔ afe aha agron na awotwe mu dze kosi afe aha akron na 10. Nna Hamlyns n'enyisoadzehu nye dɛ nkyɛ ɔbɛtsew skuul a wɔdze bɛtsetse Anglican asor no mu mba na asan so ayw bea a wɔ dze bɛtsetse asorfo

Sɛ wɔyi mfantsipim fir hɔ a,Adisadel college na ɔyɛ skuul a ɔtɔ do ebien a eyin wɔ ɔman yi mu a abɛyɛ mansotwe wɔ anglican na methodist asor ntamu wɔ ma eyin ho wɔ afe aha awotwe na edoson esia mu.Adisco ka skuul a age dzin yie wɔ sub-Saharan Africa.

Skuul atar a esuafo hyɛ dze kɔ skuul yɛ shirt a wɔ dze tuntum na fitaa ayɛ mu nsesane na nika tuntum a ɔyɛ skuul yi n'ahosu.Dem atar yi su ama skuul yi esuafo few dzin dɛ "zebra boys". Ansana wɔre bɛhyɛ dem atar yiwɔ afe aha agron edugron mu no nna esuafe a wɔwɔ mankow kor dze kosin mankow enum no hyɛ shirt blue na nika brown na esuafo a wɔwɔ mankow esia no so hyɛ fhirt fufuu na nika brown.adisadel nye skuul a odzi kan wɔ Ghana a wɔyɛ atar soronko ma hɔn esuafo banodzefo. skuul banodzenyi payin no hyɛ kokoo n'bezekyr no hyɛ green na banodzefo a aka no so hyɛ blue . iyi atsena hɛ fir tsetse dze besi ndɛ.