Abubakari Sumani
Abukari Sumani (wɔwoo no wɔ Ebɔbira 28,1946ɔ yɛ nkan no mbranyimfo na Ghana aban no ananmusinyi wɔ Saudi Arabia, Pakistan, na Gulf man mu. Nna ɔsan yɛ amanyɛnyi na nkan no mbrahyɛbaguanyi ma Tamale North ambatow mpasua wɔ Etsifi Amantɔw mu wɔ Ghana.
Owui wɔ Korle-Bu Teaching Hospital wɔ Memenda Ayɛwoho 12, 2017.
Abrabɔ ahyɛse na nwomasua
[sesa mu | sesa ekyirsɛm]Wɔwoo Sumani wɔ afe 1946 mu wɔ Savelugu a ɔwɔ Etsifi Mantɔw mu wɔ Ghana. Osuaa LLB wɔ mbra mu wɔ University of Ghana wɔ afe 1970 mu na ɔtoaa do kɔr Ghana School of Law kɛgyee (Bachelor of Lawɔ BL wɔ afe 1972 mu. Nna Sumani yɛ ɔdehye wɔ Dagbon na ɔkasamafo panyin wɔ Aban no edwumakuw a wɔhwɛ ndzɛmbatɔ do (Public Procurement Authorityɔ.
Amanyɛsɛm
[sesa mu | sesa ekyirsɛm]Nna Sumani yɛ mbrahyɛbaguanyi wɔ mbrahyɛbagua a ɔtɔ do enum mu wɔ Ghana Republic a ɔtɔ do anan mu. N'amanyɛsɛm edwuma no fir ase wɔ afe 2000 ber a ɔbɛyɛɛ mbrahyɛbaguanyi maa Tishigu/Choggu ambatow mpasua dɛ National Democratic Congress kuwba no. Ogyinaa bio wɔ afe 2004 Ghana ambatow kɛse no mu dɛ obi wɔrotow no amba ma Tamale North ambatow mpasua no na ɔdze mba dodow 37,854 a egyina hɔ ma 73.2% dzii nkonyim. Ɔtsenaa egua no do mpɛn ebiasa wɔ afe 2008 mu, ɔdze mba dodow 31,127 a egyina hɔ ma 51.60% fi mba dodow a wɔtowee no mu. Ogyinaa bio wɔ afe 2012 amba no mu naaso odzii nkogu ma Dahamani Alhassan a onnyi amanyɛkuw biara mu bɛhyɛɛ n'ananmu.
Abrabɔ mu nsɛm
[sesa mu | sesa ekyirsɛm]Nna Sumani yɛ Kramonyi na ɔwaree woo mba du.