Abaduaba

Abaduaba yɛ adze bi a wɔdze dua yɛ. Ɔno na hɛn nuanon Esuantsefo frɛ no Akuaba no. Ɔdomankomasɛm kyerɛ a, abaduaba bɔbɔɔ adze ber a ɔkanyi bi a wɔfrɛ no Ekuwa a nna ɔyɛ bonyin; nna ɔnnwoo. Dɛm ntsi ɔkɔr ebisaa wɔ kɔmfo panyin bi hɔ. Dza ɔkɔmfo na kaa kyerɛɛ no nye dɛ, ɔnyɛ adze bi a ɔtse dɛ ba a apɔwmudzen ahyɛ no ma. Ekuwa bɔɔ mbɔdzen yɛɛ ba no na ɔhwɛɛ no dɛ mbrɛ baatan biara hwɛ ne ba no pɛpɛɛpɛr. Oguaree no, na ɔdze mɔtɔ na ndzɛmba bi bɔɔ noho ban. Otuur no nyinara.

Nkorɔfo a nna wɔnntse dza ɔreyɛ no ase sereeew no na wosii no atwetwe so kɛpem dɛ ɔwoo ba baa fɛfɛɛfɛw bi. Ɔnam do ma dzin "Abaduaba" anaa "" bɔbɔɔ adze.

Abaduaba asekyerɛ nye 'ba a wɔdze dua yɛ anaa ayɛ'. Ɔyɛ adze bi a Akanfo tsitsir abaatan nndzi ho agor koraa. Yɛdze gyina hɔ ma abawoo anaa adze bi a oyi obonyin anaa saadwe akwa.