Zuwera Ibrahimah
Hon. Zuwera Ibrahimah | |
|---|---|
 | |
| Mbrahyɛbaguanyi dze ma Salaga Anafo Mpasuar | |
| Assumed office Sanda 7, 2021 | |
| Preceded by | Salifu Adam Braimah |
| Personal details | |
| Nationality | Ghananyi |
| Political party | National Democratic Congress |
| Alma mater | University of Cape Coast Trent University University of Ghana University of Ghana Business School University of East Anglia |
Zuwera Mohammed Ibrahimah (wɔwoo no Ayɛwoho 27, 1970) yɛ Ghana Amanyɛnyi.[1][2] Ɔyɛ National Democratic Congress (NDC) kuwba.[3] Ɔyɛ Mbrahyɛbaguanyi dze ma Salaga Anafo Mpasuar a ɔwɔ Savannah Mantɔw mu wɔGhana.[4][5] Ɔyɛ basia a odzi kan wɔ Salaga afamu a wɔpaaw no dɛ mbrahyɛbaguanyi wɔ Kwasafoman a Otsia Anan no mu.[4]
Ahyɛse asetsena na nwomasua
[sesa mu | sesa ekyirsɛm]Ayɛwoho 27, 1970 mu na wɔwoo Zuwera Mohammed maa owufo Kuntundawura, Alhaji Mohammed Zublilah Ibrahimah a ofi Kpembe, a nna ɔyɛ Tamale Polytechnic, sesei Tamale Technical University na Adisah Nassamu Ibrahimah. Ofi Kpembe a ɔwɔ Savanna mantɔw mu wɔ Ghana.[6] Odzii ne mbofrabermu wɔ Simpa, beebi a ɔhyɛɛ mfitsiasee nwomasua ase. Onyaa ne ntoado skuul wɔ Tamale Senior High School[4] na ekyir yi ɔkɔr Nigeria a dɛm ber no nna ne papa som dɛ ɔkyerɛkyerɛfo wɔ Adu Bayero Suapɔn mu wɔ Kano, Nigeria.[4] Ɔwɔ Bachelor of Arts abɔdzin krataa wɔ Management Studies mu wɔ Oguaa Suapɔn mu fitsi afe 1998 ne post Graduate Diploma wɔ Community Development mu, wɔ Trent Suapɔn mu wɔ Canada.[1] Ɔsanso wɔ Master of Arts (MA) abɔdzin krataa wɔ Nkitahodzi Adzesua mu wɔ nkitahodzi adzesua skuul, Ghana Suapɔn mu fitsi afe 2006 ne dɛm ara so na oewie Executive Master of Business Administration (EMBA) wɔ Edwumayɛ mu wɔ Ghana Suapɔn Edwumayɛ Skuul mu wɔ afe 2007 mu. Onyaa ne master's degree wɔ Diplomacy na International Trade Business (Diplomacy) mu wɔ East Anglia Suapɔn a ɔwɔ UK wɔ afe 2012 mu.[6][1] Mprempren yi, ɔreyɛ ne "thesis" dze rohwehwɛ PhD wɔ Nsɛm ho Amandzɛɛbɔ na Nkitahodzi mu wɔ Goldsmiths College, London Suapɔn a ɔwɔ United Kingdom.[1]
Edwuma
[sesa mu | sesa ekyirsɛm]Zuwera ayɛ edwuma wɔ ndwuma ahorow mu tsitsir wɔ mpɔtamu nkɔdo nhyehyɛɛ, edwumayɛ na aman ntamu nkitahodzi mu.[1] Ansaana ɔrokɔ amambusɛm mu no, nna ɔyɛ Amandzɛɛbɔ Dwumadzibea no kwankyerɛfo abadziekyir.[6]Ɔyɛɛ edwuma dɛ edwuma hwɛdofo wɔ Etsifi Afamu Mpɔtamu ebiasa (Etsifi Epuei Mantɔw mu, Etsifi Atɔe Mantɔw mu na Etsifi Mantɔw mu) wɔ Nkurow nkakramba a Wɔma Nsu Mfir edwuma no mu na ɔsanso yɛɛ edwuma dɛ edwuma hwɛdofo wɔ Katolekfo Mboa Dwumadzibea a ɔfa Mpontu pa a wɔdze ma mfitsiasee skuul Nhyehyɛɛ ho wɔ Etsifi Mantɔw mu so. Zuwera yɛɛ edwuma dɛ ɔfotufo wɔ Joint Monitoring Program dze Nsu ma ho ntsewee na Apɔwmudzen (Water Supply Sanitation and Hygiene) (JMP) a WHO/UNICEF yɛɛ wɔ Ghana. Ɔsanso yɛɛ edwuma dɛ ɔman no hwɛdofo wɔ "Association of Chartered Certified Accountant" (ACCA) na ɔman no Ananmusifo wɔ Discovery Channel Global Education Partnership.[1] Aman ntamu nkitahodzi mu no, ɔyɛɛ edwuma dɛ Ɔsomfo-Afotufo na Amandzɛɛbɔ na Ɔmamfo Nkitahodzi do Panyin wɔ Ghana Aban Asoɛe Kunyin, London.[1]
Amanyɛsɛm
[sesa mu | sesa ekyirsɛm]Mbrahyɛbagua no mu mbɔdzembɔ
[sesa mu | sesa ekyirsɛm]Dzifuu 2019 mu no, osii akan maa National Democratic Congress primaries maa Salaga Anafo Mpasuar na odzii nkonyim dɛ ɔkandzifo a obegyina kuw no anan mu wɔ Mumu 2020 Abatow no mu.[7][8] Zuwera Ibrahimah nyaa abatow 472 dze dzii nkonyim wɔ abatow no mu tsiaa Ibrahim Dey Abubakari a nna ɔyɛ mbrahyɛbaguanyi a ɔdze mfe ebien maa mansin no, Ahmed Saaka Shaibu Dan na Lukman Jawula a onyaa abatow 260, 116 na 1.[9][10][11] Ibrahimah dzii nkonyim wɔ afe 2020 mbrahyɛbagua abatow mu maa Salaga Anafo Mpasuar South dze yɛɛ abakɔsɛm dɛ basia a odzi kan a ɔyɛ Mbrahyɛbaguanyi ma Savannah Mantɔw.[4] Odzii nkonyim ber a ɔtoow amba 20,525 a ogyina hɔ ma 49.5% tsiaa mbrahyɛbaguanyi a ɔwɔ hɔ mprempren Salifu Adam Braimah a ofi New Patriotic Party a ɔno nso yɛɛ Savannah Mansin Soafo mbɔho ebien, a nna ɔwɔ abatow 19,086 a ogyina hɔ ma 45.90% no ekyir.
Mbrahyɛbaguanyi
[sesa mu | sesa ekyirsɛm]Ibrahimah kaa ntam dɛ Mbrahyɛbaguanyi a ogyina Salaga Anafo Mpasuar anan mu wɔ Mbrahyɛbagua a ɔtɔ do 8 wɔ Ghana Republic a ɔtɔ do anan no mu wɔ Sanda 7, 2021.[14]Dze besi Sanda 7, 2021 no, ɔyɛ mbasiafo 40 no mu kor na ɔno nkutoo na ofi Savannah Mantɔw mu a origyina hɔn mansin anan mu wɔ Mbrahyɛbagua a ɔtɔdo 8 no mu.[15] Ɔsom dɛ Amannɔne Nsɛm Boayikuw na Mbrahyɛbagua no Boayikuw a Wɔpaw Nyimpa no kuw no mu.[6]
Mboadze
[sesa mu | sesa ekyirsɛm]- ↑ Steve (2019-06-18). "Hajia Zuwera Ibrahimah plot to kick out Savannah Regional Minister as MP for Salaga South constituency". Ghana Alert (in American English). Archived from the original on 2021-04-23. Retrieved 2020-12-28.
- ↑ "NDC Salaga South candidate optimistic of victory". GhanaWeb. (in English). 2020-09-12. Retrieved 2020-12-28.
- ↑ "Hajia Zuwera Ibrahimah Courts Support Of Grunshie Youth". Modern Ghana (in English). 2020-09-03. Retrieved 2020-12-28.
- ↑ 4.0 4.1 Duodu Samuel, Alhassan Zakaria (2020-12-16). "Hajia Zuwera, first woman MP-elect in Savanna Region". Graphic Online (in British English). Retrieved 2020-12-28.
- ↑ "MP redeems campaign pledge in donating brand new motorcycles - MyJoyOnline.com". MyJoyOnline. (in American English). Retrieved 2021-05-20.