Stephen Jalulah

Stephen Jalulah

human

Bɔbea	male
Ɔman a ofir do	Ghana
Dzin a wɔdze ama no	Stephen
Da a wɔwoo no	22 Ɔbɛsɛ 1974
Bea a wɔwoo no	Saboba
Languages spoken, written or signed	English, Bono
N'edwuma	politician
Dzibew	Member of the 8th Parliament of the 4th Republic of Ghana
Member of political party	New Patriotic Party
Religion or worldview	Christianity

Stephen Pambiin Jalulah yɛ Ghana ɔmanyɛnyi a nna ɔsan yɛ mbrahyɛbaguanyi ma Pru Atɔe Ambatow Mpasua no wɔ Bono Epuei Mantɔw mu wɔ Ghana. . Nna ɔno nye Soafo Abadziekyir wɔ Asoɛe a ɔhwɛ Akwan nketsewa na Akɛse do ber a Mampanyin dadaw Nana Akuffo Addo hwɛe ma wosuae dzii nsew wɔ Jubilee House a nna afofor eduasa-nkron ka ho bi.

Ɔbra Ahyɛse na Nwomasua

Wɔwoo Jalulah wɔ Ɔbɛsɛ 22,1974 na ɔyɛ Saboba a ɔwɔ Ghana Etsifi Mantɔw mu. Onyaa ne GCE Ordinary Level adzesua wɔ General Science mu wɔ afe 1992 mu na ɔsanee kɛgyee GCE Ordinary Level wɔ Business mu wɔ afe 1994 mu. Ɔsanee nyaa ne GCE Advance Level wɔ Business mu wɔ afe 1996 mu. Ɔkɔr do kɛgyee abɔdzin krataa wɔ Finance na Banking mu wɔ afe 2003 mu na ɔsanee nya abɔdzin krataa wɔ mbrasua mu wɔ afe 2014 mu. Ɔsanee kɛgyee ne masetɛse abɔdzin krataa wɔ marketing with E-Commerce mu wɔ afe 2011 mu.

Edwuma

Nna Jalulah nye Mansin Krakye Panyin wɔ Asoɛe a Ɔhwɛ Mpɔtamu Amambu do wɔ Pru Atɔe Mansin no mu na Pru Mansin no so. Nna ɔsan yɛ Mansin Panyin a ɔda National Health Insurance Authority no ano.

Amanyɛsɛm

Jalulah yɛ NPP amanyɛkuw no mu ba na nna ɔsan yɛ Mbrahyɛbaguanyi ma Pru Atɔe Ambatow Mpasua no. Onyaa amba dodow a wɔtowee no mu 16,606 a ogyina hɔ ma ɔha nkyekyɛmu 56.7 ma ɔdze nyaa mbrahyɛbagua egua no ber a nyia ɔnye no peree a wɔfrɛ no Masawud Mohammed nya amba 12,671 a ogyina hɔ ma ɔha nkyekyɛmu 43.3. Nna ɔno nye Soafo Abadziekyir ma Akwan Nketsewa na Akɛse ber a Mampanyin Akuffo Addo sane bedzii adze ber a otsia ebien no..

Ne mbrahyɛbagua akwantu no baa ewiei ber a okegyinae dɛ wɔntow no do amba wɔ afe 2024 mu ambatow a ɔkɔr do no mu ma ɔnye Emmanuel Kofi Ntekuni a nna ogyina National Democratic Congress amanyɛkuw no ne dzin peree no. Onyaa amba no mu 15,711 a ogyinahɔ ma ɔha nkyɛmu 53.10 ma Stephen Jalulah so nyaa amba dodow no mu 13,876 a ogyina hɔ ma ɔha nkyɛmu 46.90.

Beesuomfo A Ɔnye Hɔn Yɛɛ Edwuma

Nna Jalulah ka Mbrahyɛbaguafie Beesuomfo a nna wɔhwɛ dɛ mbrahyɛbaguafo nnkenya edwuma fofor wɔ nkyɛn a ɔnnkɛmma woetum ayɛ edwuma a ɔsɛ dɛ wɔyɛ na nna ɔsan ka Beesuomfo a wɔhwɛ Ndwuma na Adansi do.

Abrabɔ

Jalula yɛ kristiennyi.