Stephen Amoah
Hon. Dr. Stephen Amoah | |
|---|---|
 | |
| Member of Parliament for Nhyiaeso Constituency, Board Member of GCB Bank | |
| Assumed office 7 January 2021 | |
| Preceded by | Kennedy Kwasi Kankam |
| Personal details | |
| Born | Stephen Amoah 27 March 1970 Kronum Afrancho, Ghana |
| Political party | New Patriotic Party |
| Occupation | Politician |
| Profession | Consultant |
| Committees | Finance Committee; Privileges Committee |
Stephen Amoah (wɔwoo no Ebɔw 27, 1970), a dodow ara nyim no dɛ Sticka[1] yɛ Ghana Amanyɛnyi a ɔyɛ New Patriotic Party (NPP) kuwba.[2][3] Ɔyɛ mbrahyɛbaguanyi dze ma Nhyiaeso Mpasuar.[4][5][6] Mpremprem yi ɔka kuw a wɔfa adwen wɔ GCB Bank no ho.[7][8]
Ɔbra ahyɛse na nwomasua
[sesa mu | sesa ekyirsɛm]Wɔwoo Stephen Amoah wɔ Ebɔw 27, 1970. Ofi Kronum Afrancho a ɔwɔ Asante Mantɔw mu wɔ Ghana.[9] Owiee Opoku Ware Skuul wɔ Kumasi.[10][11] Onya Nyansahu mu abɔdzin krataa wɔ Strategic Finance Management mu wɔ Derby Suapɔn mu, United Kingdom wɔ afe 2007 mu.[12] Ɔsanso nyaa ne Bachelor of Science Degree wɔ Computer Science mu wɔ Kwame Nkrumah University of Science and Technology (KNUST), Ghana. Ɔsanso wɔ Abɔdzin wɔ Entrepreneurship a ofi MIT. Ɔsanso wɔ PhD wɔ Actuarial Science mu wɔ KNUST.[7][13]
Edwuma
[sesa mu | sesa ekyirsɛm]Amoah yɛ Kencity Sikasɛm hwɛdofo Panyin na ɔsanso yɛɛ edwuma wɔ ber a etwam no mu dɛ Ɔman Insurance Authority (NHIA) no Ɔman Ntamgyinafo Ebediekyir.[14]
Kwakwar 2017 mu no, Ɔmampanyin Akufo-Addo paaw no dɛ edwumayɛfo panyin maa Sikasɛm nkakramba na Mboa nketsenketse Asoɛe (MASLOC).[15][14][16] Ɔyɛ Zintex Portfolio Services Limited no kwankyerɛfo panyin.[7] Ɔyɛ sikasɛm na sikasɛm ho ɔfotufo.[17]
Bɔɔlbɔkuw
[sesa mu | sesa ekyirsɛm]Dzifuu 2022 mu no, Amoah hyehyɛɛ Kumasi FC a ɔyɛ bɔɔlbɔ kuw wɔ Kumasi, tsitsir Nhyiaeso. Ɔyɛ bɔɔlbɔ skuul a ɔwɔ ntsetsee bea, apɔw-mu-ntsentsenee dan, eduryɛbea na mbea afofor.[18]
Amanyɛsɛm
[sesa mu | sesa ekyirsɛm]Amoah gyinaa NPP primaries no enyim wɔ afe 2020 abatow no mu.[3] Obiradzi 2020 mu no, odzii nkonyim wɔ primaries a wɔyɛ maa Nhyiaeso Mpasuar no ekyir a ɔbɛyɛɛ mbrahyɛbaguanyi a odzi tum sesei, Kennedy Kwasi Kankam a nna oyii Richard Winfred Anane fir n’ahengua do wɔ 2016 NPP primaries mu no do nkonyim. Odzii nkonyim denam abatow 332 a onyae do ber a nyia odzi tum no nyaa abatow 315 wɔ abatow 647 a wɔtowee nyinaa mu.[19][20] Wɔpaaw Amoah dɛ mbrahyɛbaguanyi maa Nhyaieso wɔ afe 2020 Mumu mbrahyɛbagua abatow mu. Odzii nkonyim wɔ atsenae no do ber a onyaa abatow 51,531 a ogyina hɔ ma 81.71% tsiaa nyia ɔbɛn no no paa, Richard Kwamina Prah a ofi National Democratic Congress a nna ɔwɔ abatow 11,033 a ogyina hɔ ma 17.49%.[4] Afe 2024 mu no, John Kumah a na ɔyɛ sikasɛm soafo ebedziekyir no wu ekyir no, ɔmampanyin Nana Addo Danquah Akuffo Addo paaw Amoah dɛ sikasɛm soafo ebedziekyir fofor a ofir ase fir Ebɔwbira 2, 2024.[21][22] Odzii nkonyim wɔ Nhyiaeso Mpasuar mu wɔ mbrahyɛbagua atsenae a ɔtɔ do ebien wɔ afe 2024 Ghana amansan abatow mu.[23]
Mboaekuw Ahorow
[sesa mu | sesa ekyirsɛm]Amoah yɛ Sikasɛm Boayikuw no kuwba [24] na ɔsan yɛ Hokwan Boayikuw no kuwba.[9]
Ankorankor Asetsena
[sesa mu | sesa ekyirsɛm]Amoah yɛ Kristonyi.[9][12]
Adɔyɛ Ndwuma
[sesa mu | sesa ekyirsɛm]Ebɔwbira 2022 mu no, Amoah dze mfir a wɔdze tsimtsim nwoma, kɔmputa na pon bɔbor apem maa skuul ahorow a ɔwɔ Nhyiaeso Mpasuar mu.[25]
Ekyingyegye
[sesa mu | sesa ekyirsɛm]Mumu 2021 mu no, La Magistrate Court dze akwanya krataa (bench warrants) maa dɛ wɔnkyer Amoah na Samuel Anim osiandɛ wɔpowee dɛ wɔbɔkɔ asɛndzibea wɔ kwan do trafeke mfomdo ahorow ntsi.[1][26] Ekyir yi ɔkɔr asɛndzibea no enyim ber a ɔdze no ho kyerɛɛ GPS no ekyir. [27]
Ɔberɛfɛw 2024 mu no, wɔkaa dɛ ɔtwee itur wɔ nhyiamu bi ase ɔnam dɛ hɔn a wɔboaa no no bi dze agordzi itur kyerɛɛ ntsi.
Nhwɛdo
[sesa mu | sesa ekyirsɛm]- ↑ "Arrest Warrant For Stephen Amoah, Nhyiaeso MP". DailyGuide Network (in American English). 2021-12-09. Archived from the original on 2022-08-25. Retrieved 2022-08-25.
- ↑ "Nhyiaeso NPP Polling Station Executives, Opinion Leaders bear red teeth at Nyiaeso MP….Say "we know Sticka not Kankam" > News Times GH". News Times GH (in British English). 2020-05-26. Archived from the original on 2020-12-13. Retrieved 2020-12-26.
- ↑ Frimpong, Enoch Darfah (20 June 2020). "Stephen Amoah defeats incumbent Kennedy Kankam at Nhyiaeso". Graphic Online (in British English). Archived from the original on 2021-12-09. Retrieved 2020-12-26.
- ↑ "Nhyiaeso Summary - 2020 Elections". www.modernghana.com. Archived from the original on 2020-12-05. Retrieved 2020-12-26.
- ↑ Awal, Mohammed (2022-06-14). "T-bill rates partly responsible for high cost of lending – Dr. Stephen Amoah". The Business & Financial Times (in British English). Archived from the original on 2022-08-25. Retrieved 2022-08-25.
- ↑ Denis, Pwaberi (2022-01-26). "E-Levy will transform lives of Ghanaians – Stephen Amoah". 3News.com (in American English). Archived from the original on 2023-04-26. Retrieved 2022-08-25.
- ↑ "Nhyiaeso MP Stephen Amoah appointed Board Member of GCB". Graphic Online (in British English). 9 March 2022. Retrieved 2022-08-25.
- ↑ "Stephen Amoah appointed board member of GCB Bank" (in American English). 2022-03-09. Archived from the original on 2022-08-25. Retrieved 2022-08-25.