Shaibu Mahama
Shaibu Mahama | |
|---|---|
| Member of the Ghana Parliament for Daboya-Mankarigu Constituency | |
| Personal details | |
| Born | 15 October 1970 Ghana |
| Political party | National Democratic Congress |
| Alma mater | University of Cape Coast; Kwame Nkrumah University of Science and Technology; Ghana School of Law |
Shaibu Mahama (wɔwoo no ɔbɛsɛ 15, 1970) yɛ Ghananyi amanyɛnyi na mbrahyɛbaguanyi wɔ mbrahyɛbagua a otsia esuon wɔ Ghana amambu a otsia Anan no mu na ogyinaa maa Daboya-Mankarigu Ambatowmpasoa a ɔwɔ Ghana n’etsifi Mantɔw mu na ogyinaa wɔ National Democratic Congress dzin mu.
Abrabɔ ahyɛse na nwomasua
[sesa mu | sesa ekyirsɛm]Wɔwoo Mahama wɔ ɔbɛsɛ 15, 1970 mu. Ofi Daboya, kurow bi a ɔwɔ Etsifi Mantɔw mu wɔ Ghana. ɔkɔ Leicester Business Skuul wɔ United Kingdom, hɔ na onyaa ne Master of Business Administration degree wɔ Finance mu afe 2001. ɔsan suaa adze wɔ Ogyaa Osuapɔn a ɔwɔ Ghana mu na onyaa Bachelor of Commerce a onyaa Diploma wɔ nwomasua mu wɔ afe 1997 mu. ɔasan akɔ Kwame Nkrumah University of Science and Technology na Ghana Mbrayɛsɛm Skuul wɔ afe 2008 na 2010 ndzidzi do mu.
Amanyɛsɛm
[sesa mu | sesa ekyirsɛm]Mahama yɛ National Democratic Congress (NDC) amanyɛkuw ba. Wɔ 2016 mu no, ogyinaa Daboya-Mankarigu egua no wɔ NDC dzin mu wɔ mbrahyɛbagua a otsia Esuon wɔ Ghana Amambu a otsia Anan no mu na odzii nkonyim.
2016 ambatow
[sesa mu | sesa ekyirsɛm]Mahama gyinae Daboya-Mankarigu mbrahyɛbagua egua no wɔ National Democratic Congress dzin mu wɔ 2016 Ghanafo Nyina Ambatow mu na ɔdze amba 9,208 a ɔkyerɛ ɔha mu nkyekyɛmu 51.46% dzii nkonyim wɔ Tika Samuel Yeyu a ofi New Patriotic Party amanyɛkuw mu a onyaa amba 8,589 a ɔkyerɛ ɔha mu nkyekyɛmu 48.00% na Convention People’s Party nyimpa Alidu Mahama nyaa amba 95 a ɔkyerɛ ɔha mu nkyekyɛmu 0.53% wɔ amba krɔngyin no nyina mu.
2020 ambatow
[sesa mu | sesa ekyirsɛm]Mahama gyinaa Daboya-Mankarigu Ghana mbrahyɛbagua Ambatowmpasoa no bio wɔ National Democratic Congress dzin mu wɔ 2020 Ghanafo Nyina Ambatow mu mbom odzii nkogu maa Mahama Asei Seini a ofi New Patriotic Party amanyɛkuw mu.
N’abrabɔ mu nsɛm
[sesa mu | sesa ekyirsɛm]Mahama yɛ Nkramonyi, na ɔawar wɔ mba enum. ɔwɔ enuanom ankasa enum na n’egya ne mba a ɔyɛ no nuanom so bor eduokrɔn.