Sara Gadalla
Sara Gadallah Gubara al-Faki Ibrahim (wɔwoo no wɔ 23 Ebɔibra 1956) yɛ Sudanyi osuguarnyi na senyɛfo, a nna dodow noara nyim no dɛ ɔyɛ Sudanyi basia a odzi kan a osii akan wɔ amanaman ntamu nsuguar akansi mu, a ɔnye Italia Maratona del Golfo Capri-Napoli nsuguar mbirikatu a ɔkɔ ekyir wɔ afe 1974 mu. Nna dodow ara san nyim no dɛ ɔyɛ Sudanyi basia a odzi kan a oguare twaa English Channel kɔr France, ɔmmfa ho dɛ nna oenya mbubui yarba wɔ ne mbafober mu no; na afei dɛ ɔyɛ senyɛfo a odzi kan wɔ ne man mu; dza odzi kan nye dɛ ɔboaa n'egya, na ekyir yi ɔdaa n’ankasa ne sen ahorow ano.
Nsɛnkae Ahorow
[sesa mu | sesa ekyirsɛm]- Mowɔ enyidado dɛ dawurbɔ no bodu abofra biara a ɔwɔ me man mu nkyɛn, dɛ mbrɛ ɔbɛyɛ a obiara benyin wɔ apɔwmudzen mu.
- Adze kor a ɔyɛ dzen ma abofra, nye dɛ ɔbɔwɔ mbofra afofor ntamu, naaso obenya atsenka bi dɛ ɔyɛ soronko, wɔ ɔman a dzɛmdzi yɛ enyimtsiabu mu.
- Muhun amandze pii wɔ ɔkwan bɔn a nyimpa a wɔwɔ mo mpɔtamu hɔ faa do hwɛɛ me ber a nna meyɛ ababaawa na ɔbaabun no ho, na ekyingye biara nnyi ho dɛ mo werɛ howee kɛse wɔ m’asetsena mu mber nyina mu ber a mobɔɔ mbɔdzen dɛ mibedzi atsenka a ɔnye dɛ musuar sen mbabaawa afofor no do nkonyim no. Naaso, meda Nyankopɔn na m’ebusua ase , mutumii dzii sdo nkonyim.
- Ma wo mba inya ndur a wɔdze bɔ mbubui yar ho ban no bi. Edur ketsewa bi botum esiw esian kɛse ano kwan.
- Amandzehun na enyimtsiabu a mihyiae osian polio ntsi no hyɛɛ me dzen ma mabɛyɛ Sara Gadalla a ndɛ meyɛ yi.
- Sɛ mubotum asesa biribiara a, ɔno dze ɔbɛyɛ kwan a amamfo fa do hwɛ nyimpa a wɔwɔ dzɛmdzi ahorow no.