Samuel Kweku Obodai

Samuel Obodai yɛ aborɔfoduryɛfo na Ghana Ɔmanyɛnyi. Nna ɔyɛ mbrahyɛbaguanyi ma Agona Anee ambatow mpasua no wɔ mbrahyɛbagua a otsia enum no mu wɔ Ghana Ka-bi-ma-menka-bi amambu a otsia anan no mu .

Abrabɔ Ahyɛse na Nwomasua

Wɔwoo Obodai wɔ Ebɔbira 29,1960. Ofi Agona Nyakrom a ɔwɔ Ghana Finimfin Mantɔw mu. Ɔgyee abɔdzin krataa wɔ Bachelor of Science wɔ Chemistry mu na abɔdzin krataa wɔ adzekyerɛ mu wɔ Oguaa Esuapɔn mu wɔ afe 1987 mu. Afe 2008 mu no, ɔgyee abɔdzin krataa a otsia ebien wɔ Master's of Arts in Democratic Governance na Leadership mu fii Oguaa Esuapɔn mu.

Edwumayɛ

Obodai yɛ aborɔfoduryɛfo. Ɔnye Major & Co Manufacturing Company Limited ayɛ edwuma pɛn.

Amanyɛsɛm

Okegyinaa Agona Anee ambatow mpasua no anan mu dɛ hɔn mbrahyɛbaguanyi wɔ Mbrahyɛbagua a otsia enum no mu wɔ Ghana Ka-bi-ma-menka-bi amambu a otsia anan no mu.Afe 2000 mu a Mr. Samuel Samuel Obodai gyinaa dɛ wɔntow no do amba wɔ Ghanaman mu nyina ambatow kɛse no mu no, wɔtowee maa ɔno na wogyaa Samuel Oppong a ofi National Democratic Congress amanyɛkuw no mu,Kojo Anam a ofi National Reform Party amanyɛkuw no mu,Mathew Caurie a ofi Convention People's Party amanyɛkuw no mu, Abu Hamid Wanzam a ofi People's National Convention amanyɛkuw mu no na Joseph Archibald Ankrah a ogyinaa People's National Convention amanyɛkuw ne dzin mu no.Samuel dze amba 21,233 a ogyina hɔ ma amba dodow nyina no mu 57.50% dzii konyim. Obi a ogyinaa NDC amanyɛkuw no ne dzin mu peer mbrahyɛbagua egua no nyaa amba 13,784 a ogyina hɔ ma amba dodow a wɔtowee no no mu 36.90%. Anan nyaa amba dodow 988 a nna ogyina hɔ ma amba dodow a wɔtowee nyina no mu 2.60%. Mathew Caurie dze amba dodow 679 tɔɔ do anan a nna ogyina hɔ ma amba dodow a wɔtowee no mu 1.80%. Nkorɔfo beenu a wofii PNC amanyɛkuw no mu bɛpeer mbrahyɛbagua egua no, Wanzam nyaa amba no mu 430 a ogyina hɔ ma amba dodow nyina no mu 1.20% na Ankrah so obiara anntow amma no. Ɔwɔ mu dɛ nkyɛ Obodai hwɛ kwan dɛ ɔbɛsan akɔ mbrahyɛbagua mu dze,naaso obi dze kɛdaan NPP amanyɛkuw no nyina hɔn Anototo Mpanyimfo dɛ ɔmmfata ntsi mma wɔmma ho kwan. Samuel Krankye nye nyia ɔdze kɛdaan Mpanyimfo dɛ Obodai mmboa amanyɛkuw no dwumadzi biara da.

N'abrabɔ

Obodai awar awo baanan. Ɔyɛ kristonyi a ɔkɔ Pentecost Asɔr