Samuel Atta Akyea

Hon Samuel Atta Akyea MP
MP ma Akim Abuakwa Anaafo
In office Sanda 2009 – Sanda 2025
President	J. A. Mills, John D. Mahama, Nana Akufo-Addo
Preceded by	Nana Akufo-Addo
Succeeded by	Kingsley Agyemang
Adan na Ndwuma Soafo
In office Kwakwar 7, 2017 – Sanda 7, 2021
President	Nana Akufo-Addo
Personal details
Born	(1962-08-20) 20 August 1962 Kyebi, Ghana
Political party	New Patriotic Party
Children	3
Alma mater	University of Ghana, Ghana School of Law
Occupation	Amanyɛnyi
Profession	Mbranyimfo
Committees	Mines and Energy Committee (Chairperson); Subsidiary Legislation Committee; Special Budget Committee

Samuel Atta Akyea (wɔwoo no Dzifuu 20, 1962) yɛ Ghana mbranyimfo, amanyɛnyi na New Patriotic Party kuwba. Nna ɔyɛ Adan na Ndwuma Soafo fitsi afe 2017 kesi Sanda 2021. Nna ɔyɛ Mbrahyɛbaguanyi ma Akim Abuakwa Anafo Mpasuar a ɔwɔ Epuei Mantɔw mu wɔ Ghana wɔ afe 2009 na 2025 ntamu. Iyi Nana Akufo-Addo fi hɔ a, ɔno nye nyimpa a ɔtɔdo ebien a wɔpaaw no dɛ MP maa dɛm Mpasuar no wɔ Kwasafoman a ɔtɔdo anan no mu.

Ɔbra ahyɛse na nwomasua

Kyebi a ɔwɔ Ghana Epuei Mantɔw mu na wɔwoo no.[2] Ɔkɔr Ghana Suapɔn, Legon na owiee skuul no nyaa Bachelor of Arts abɔdzin krataa wɔ Mbra na Nyansapɛ mu wɔ afe 1989 mu.[2] Ɔkɔr Ghana Mbra Skuul mu na onyaa no tum krataa a ɔdze yɛ edwuma wɔ afe 1993 mu.[2][3]

Edwumayɛ asetsena

Ber a wɔfrɛɛ Atta Akyea kɔr Mbranyimfo no mu wɔ afe 1994 mu ekyir no, wɔdze no yɛɛ edwuma dɛ ɔman mbranyimfo wɔ Mbranyimfo Panyin Dwumadzibea.[2] Ekyir yi ɔdze noho kɔbɔɔ ankorankor mbra edwumayɛbea, Akufo-Addo, Prempeh & Co a ɔwɔ Nkran. Afe 2003 mu no, ɔhyehyɛɛ mbra edwumayɛbea, Zoe Akyea & Co.[4] Ɔyɛɛ edwuma wɔ hɔ dɛ Chamber panyin kesii afe 2008 mu ber a ogyaa mbra edwuma no kɔr amambusɛm mu.

Amambu asetsena

Atta Akyea hyɛɛ amambusɛm mu wɔ afe 2008 mu ber a wɔpaaw no dɛ mbrahyɛbaguanyi wɔ Abuakwa Anafo mantɔw mu.[5] Ɔnye nyimpa beenu fofor a wɔpɛ dɛ wɔyɛ dɛm no sii akan, a wɔnye Sammy Osei a ofi National Democratic Congress na Nana Addo Aikins, a ɔyɛ Independent kandzifo.[6] Odzii nkonyim wɔ abatow no mu ɔnam abatow 22,681 a onyae wɔ 30,109 a ogyina hɔ ma abatow a ɔfata a wɔtowee no mu 75.3%.[6][2] Odzii Nana Addo Dankwa Akufo-Addo a ɔgyaa edwuma dɛ MP dɛ mbrɛ ɔbɛyɛ a ɔdze n’adwen besi na ɔmampanyin apɛdze do.[7] Atta Akyea kɔr do kitsaa n’ekongua do wɔ afe 2012,[8] 2016 na 2020 abatow no mu. Mbrahyɛbagua mu no, ɔasom wɔ boayikuw ahorow mu a Sikasɛm, Ɔmamfo Akontaabu, Atsɛmbu na Nyimpa a Wɔpaw Boayikuw ahorow ka ho.[2]

2016 abatow

Afe 2016 Ghana amansan abatow mu no, odzii nkonyim wɔ Abuakwa Anafo Mpasuar mbrahyɛbagua no mu a onyaa abatow 28,442 a ɔyɛɛ abatow a wɔtowee no nyinaa mu 78.7.61% ber a NDC mbrahyɛbaguanyi Owura Amofah nyaa abatow 7,697 a ɔyɛɛ abatow a wɔtowee nyinaa mu 21.3%.

2020 abatow

Afe 2020 Ghana amansan abatow mu no, ɔsan dzii nkonyim wɔ Abuakwa Anafo Mpasuar mbrahyɛbagua no mu a onyaa abatow 29,897 a ɔyɛɛ 75.7% wɔ abatow a wɔtowee nyinaa mu ber a NDC mbrahyɛbagua mu kandzifo Sanusi Mohammed nyaa abato 7,740 a ɔyɛɛ 19.6% wɔ abatow a wɔtowee nyinaa mu, GUM mbrahyɛbagua kandzifo Banning-Peprah Felix nyaa abatow 957 a ɔyɛɛ abatow a wɔtowee nyinaa mu 2.4% nna Independent mbrahyɛbagua kandzifo Marfo Enock Kwame nyaa abatow 905 a ɔyɛɛ abatow a wɔtowee nyinaa mu 2.3%.[11]

Ɔbra ahyɛse na nwomasua

Mbrahyɛbagua a etwa mu a odzidzi do yi baguanyi

- Mmarahyɛbagua a Ɔtɔdo 7 (NPP)

- Mmarahyɛbagua a Ɔtɔdo 6 (NPP)

- Mmarahyɛbagua a Ɔtɔdo 5 (NPP)

Galamsey ko

Wɔbɔɔ Atta Akyea sombo dɛ ɔannyɛ dza ɔdɔɔso a ɔbɛma galamsefo a wɔdze Birim Esubɔntsen no dze dzi dwuma no ano.[12] Birim esubɔntsen a ɔfa ne mansin mu no yɛ esubɔntsen kɛse wɔ Ghana na ɔma mansin no nsu a ohia no dodow kɛse. Atta Akyea nyaa adwen dɛ galamsey ɔko no yɛ ɔman no ne haw a ohia dɛ asraafo boa.[13][14][15]

Boayikuw ahorow

Afe 2021 mu no, wɔyɛɛ Atta Akyea dɛ Ɔpanyin wɔ Mines na Energy Committee no mu.[16] Ɔsanso yɛ Mbrahyɛbagua na Budget Boayikuw Tsitsir no baguanyi.[17]

Asomfo a wɔpaw hɔn

Sanda 2017 mu no, Ɔmampanyin Akufo-Addo yii no dɛ ɔnsom wɔ n’aban mu dɛ Ɔmampanyin a ɔhwɛ Edwumayɛ na Adan do.[18][19] Ansaana Mbrahyɛbagua no boayikuw a wɔpaw hɔn no reyɛ nhwehwɛmu no, ɔdaa edzi dɛ ɔannka nsɛm biara a ɔfa ɔsom edwuma a wɔpaaw no dɛ ɔnhwɛ do no ho. Nyia ɔka ho no na ɔnye Mbrahyɛbagua no Edwumayɛ na Adan boayikuw no nnyaa nkitahodzi biara a ɔfata mu.[10] Naaso, nyia ɔkamfo no nye ne kyerɛwtohɔ a ɔfa dɛ mbrɛ ɔkyekyee ahyehyɛdze ahorow a ɔyɛ dzen ɔnam mbrahyɛbagua mu nhyehyɛɛ ahorow a odzii ekyir no do.[10] Ne nhwehwɛmu a edwumakuw a wɔpaw hɔn no yɛɛ wɔ Sanda 31,[20][21] no, ɔdaa n’enyisoadzehu edzi wɔ ɔsom edwuma no ho na ɔhyɛɛ bɔ dɛ obowie adansi edwuma a woennwie a nkan John Dramani Mahama aban no hyɛɛ ase no nyinaa.[22] Ɔkaa kyerɛɛ boayikuw no dɛ ɔdze fie a wobesi ama atsɛmbu no mu dɔm no bedzi kan.[23] Ɔmampanyin Akufo-Addo kaa ntam dɛ ɔnye asomfo afofor du-biako kaa ntam wɔ Sanda 8, 2017 wɔ Ahosɛpɛw Fie.[24][25] Dɛ Edwumayɛ na Adan ho Ɔsoafo no, Atta Akyea dze ne mbra ho nyimdzee daa edzi, na ɔboaa no ma owiee Ghana adansi ho mbra na mbrahyɛbagua nkɔdo afofor a wɔdze bedzi dwuma no.[4]

Ankorankor asetsena

Ɔawar na ɔwɔ mba baasa na ɔyɛ Kristonyi.[26] Ɔka Amanaman Ntamu Asɛmpa kuw no ho.[5]

Abawdobɔdze

Ne West African Nobles Nhyiamu no Abawdobɔdze a ɔtɔdo 28 wɔ Nkran no, West African Nobles Forum (WANF) a ɔnnyɛ aban dze, ɔnnyɛ Nyamesom, na ɔnnyɛ nyia wɔhwehwɛ mfaso no dze Hon. Samuel Atta Akyea, Edwumayɛ na Adan ho Ɔsoafo, a wɔdze abawdobɔdze ama dɛ ɔkoraa pɛrpɛryɛ, nokwardzi, na akontaabu su pa do.[27]

Ekyingyegye

Ebɔw 2022 mu no, nyimpa a wɔwɔ Abuakwa Anafo Mpasuar no paam no. Wɔkyerɛɛ dɛ oenntum enndzi n'ɔsatu bɔhyɛ ahorow a ɔdze maa nkorɔfo no do.[28]

Adɔyɛ

Ebɔw 2020 mu no, ɔdze ahotsew ho ndzɛmba bi maa ne mansin wɔ ɔko a wɔroko etsia COVID-19 ɔyardɔm no mu.[29]