Richard Acheampong
Richard Acheampong (wɔwoo no Esusow-Aketseaba 18,1970) ɔyɛ Ghananyi amanyɛnyi na mbrahyɛbaguanyi wɔ mbrahyɛbagua a ɔtɔ do esuon wɔ Ghana amambu a ɔtɔ do anan no mu a ogyinaa mu maa Bia Epuei Abatowmpasoa a ɔwɔ Atɔe Mantɔw mu wɔ National Democratic Congress dzin mu.
Ɔbra Ahyɛse na Nwomasua
[sesa mu | sesa ekyirsɛm]Acheampong wɔ woo no Esusow-Aketseaba 18, 1970. Ofi Adabokrom, kurowba a ɔwɔ Atɔe Mantɔw mu wɔ Ghana. Ɔkɔr Osuapɔn a ɔyɛ College of Management Studies a ɔwɔ Kumase wɔ 2011 na onyaa no bachelor degree wɔ Human Resource mu. Ɔsan so kɔr Mountcrest Osuapɔn a ɔwɔ Kanda nkran wɔ 2016 mu na onyaa bachelor's degree wɔ mbra mu.
Edwumsasɛm
[sesa mu | sesa ekyirsɛm]Acheampong nna ɔyɛ sikakorabea edwumayɛnyi. Ɔsan so yɛɛ edwuma dɛ ntotoonyi abadziekyir wɔ Nfana Rural Bank a ɔwɔ Sampa.
Amanyɛsɛm
[sesa mu | sesa ekyirsɛm]Acheampong yɛ National Democratic Congress (NDC) kuw no ba. Afe 2012 mu no, ogyinaa maa Bia Epuei egua no wɔ NDC dzin mu wɔ mbrahyɛbagua a ɔtɔ do esia wɔ amambu a ɔtɔ do anan no mu na odzii nkunyim.
N'abrabɔ Mu Nsɛm
[sesa mu | sesa ekyirsɛm]Acheampong yɛ Kristosomnyi (ɔsɔr wɔ Assemblies of God Church). Ɔawar na ɔwɔ mba enum.
Ntsinoahyew
[sesa mu | sesa ekyirsɛm]Wɔ Ebɔwbira 2017 mu no, British ananmusinyi a ɔwɔ Ghana bɔɔ Acheampong kwaadu, George Boakye, Johnson Kwaku Adu, na Joseph Benazin Dahah dɛ wɔboa hɔn ebusuafo dze hɔn kɔ UK wɔ kwan bɔn do ɔnam hɔn tumdzi akwanya no. Ɔnam no tumdzi akwanya no do maa nohokafo no kɛdzii ahomgye ndapɛn ebien, ɔkɔr do tsenaa UK ma ɔbor afe kor.