Queenstar Pokuah Sawyerr

Hon. Queenster Maame Pokuah Sawyerr
Member of Parliament for Agona East Constituency
In office 2013–present
Deputy Central Regional Minister
In office 2013–2017
President	John Dramani Mahama
Personal details
Born	(1964-07-01) 1 July 1964 Agona Kwanyako, Central Region, Ghana
Political party	NDC
Alma mater	Accra Polytechnic, Atlantic International University
Occupation	Politician
Profession	Businesswoman
Committees	Youth, Sports and Culture Committee; Public Accounts Committee; Education Committee

Queenstar Maame Pokua Sawyerr (wɔwoo no Ayɛwoho 1, 1964) yɛ Ghananyi amanyɛnyi na nkaano Finimfin Mantɔw mu ɔsoafo abadziekyir. Ɔayɛ Agona Boka Ambatow mpasua no hɔn mbrahyɛbaguanyi fitsi afe 2013 mu.

N’abrabɔ Ahyɛse Na Nwomasua

Wɔwoo Sawyerr Ayɛwoho 1, 1964 mu na ofi Agona Kwanyako a ɔwɔ Finimfin Mantɔw mu wɔ Ghana. Onyaa ne manmu diploma fii Accra Polytechnic na onyaa bachelor degree wɔ Business Administration na master’s wɔ Public Administration fii Atlantic International University. Atlantic Esuapɔn no yɛ esuapɔn a wɔnngyee nntoo mu ntsi wobu no dɛ hɔn degree no nnyɛ papa.

Edwumasɛm

Sawyerr yɛ Edwumayɛnyi na ɔno na ɔtseew Queenstar Adansi Edwumakuw ansaana ɔrebɛyɛ mbrahyɛbaguanyi.

Amanyɛsɛm

Sawyerr yɛ National Democratic Congress amanyɛkuw ba. Ɔno na seseiara ɔyɛ Agona Boka Ambatow pasua a ɔwɔ mfinimfin Mantɔw mu wɔ Ghana no hɔn Mbrahyɛbaguanyi.

2020 ambatow

Afe 2020 Ghanafo nyina ambatow mu no, Sawyerr dzii konyim wɔ Agona Boka mbrahyɛbagua egua no nkonyim na ɔdze amba 23,247 a ɔkyerɛ ɔha mu nkyekyɛmu 50.6% wɔ amba krɔngyen no nyina mu ber a nyimpa a NPP dze no gyinae a wɔfrɛ no Kwesi Yankah nyaa amba 22,292 a ɔkyerɛ ɔha mu nkyekyɛmu 48.5% wɔ amba krɔngyen no nyina mu na LPG nyimpa a ogyinaa mbrahyɛbagua a ɔyɛ Samuel Aryeequaye nyaa amba 204 a ɔwɔ ɔha mu nkyekyɛmu 0.4% wɔ amba krɔngyen no nyina mu. CPP nyimpa a Ogyinaa mbrahyɛbagua Ambatow no a wɔfrɛ no Appiah Kubi Sharfiu nyaa amba 139 a ɔkyerɛ ɔha mu nkyekyɛmu 0.3% fii Amba krɔngyen no mu na nyimpa bi a ogyinaa kortsenkor a ne dzin nye Anthony Adjetey Adjei nyaa amba 97 a ɔkyerɛ ɔha mu nkyekyɛmu 0.2% wɔ amba krɔngyen no mu.

2024 ambatow

Onyaa n’egua no bio dɛ Agona Boka Ambatowmpasoa ne mbrahyɛbaguanyi wɔ NDC dzin mu na onyaa amba 23,247 na nyimpa a ɔnye no reper no so nyaa amba 22,292.

Beesuom Ahorow

Sawyerr ka Mbaabun, Agodzi na Amambra beesuomfo a ɔwɔ Mbrahyɛbagua ho; ka Amansan Fotow kuw ho; na afei, ɔka nwomasua beesuomfo ho.

N’abrabɔ Mu Nsɛm

Sawyerr awar kitsa mba anan. Ɔyɛ Kristosomnyi na ɔsom dɛ Romannyi.