Peter Yaw Kwakye-Ackah

Hon. Peter Yaw Kwakye-Ackah
Incumbent
Assumed office Sanda 7, 2020
President	Nana Akufo-Addo
Personal details
Born	(1957-06-15) 15 June 1957
Nationality	Ghananyi
Political party	National Democratic Congress (Ghana)
Committees	Public Accounts Committee, Education Committee

Peter Yaw Kwakye-Ackah (wɔwoo no Obiradzi 15, 1957) yɛ Ghana amanyɛnyi na baguanyi wɔ Mbrahyɛbagua a ɔtɔdo Esuon wɔ Ghana Kwasafoman a Otsia Anan no mu a ogyinaa Amenfi Finimfin Mpasuar a ɔwɔ Atɔe Mantɔw mu no anan mu wɔ the National Democratic Congress no tsikitsi do. 2024 abatow no reba no, ɔyɛɛ n'adwen dɛ obegyina dɛ Ankonam Kandzifo ber a odzii nkogu wɔ NDC ahyɛse abatow no mu wɔ Esusuow-Aketseaba 13, 2023 mu no. Ɔberɛfɛw 19, 2024 mu no, ofii abatow no mu na ɔfoaa NDC mbrahyɛbagua kandzifo,Joana Gyan Cudjoe do.

Ɔbra ahyɛse na nwomasua

Kwakye-Ackah fi Manso-Amenfi. Ɔwɔ MBA wɔ Po do Mfirdwuma mu wɔ Leicester Suapɔn, UK na 1st Class Po do Mfirdwuma South Glamoorgan Asoɛe a Ɔhwɛ Nwomasua a Ɔkɔ Enyim, Cardiff, Wales (1990).[9][10][11] Ɔsanso wɔ Po do Mfirdwuma ho Abɔdzin krataa a Ɔtɔdo Ebien wɔ South Tyneside College, United Kingdom.[12]

Edwuma

Ɔyɛɛ edwuma dɛ Engineer Panyin wɔ Tidewater Marine wɔ U.S. fitsi afe 2007 kesi afe 2010. Ɔsanso yɛɛ edwuma dɛ Engineer Panyin wɔ Ocean Tankers Pte Ltd. wɔ Singapore.[12]

Amanyɛsɛm

Afe 2012 mu no, wɔpaaw no dɛ Mantamu Panyin wɔ Ministry of Local Government na Nkuraase Mpontu na ɔsomee kesii dɛ ne dzibea no baa ewiei wɔ afe 2016 mu.[13][14] Afe 2016 mu no, odzii nkonyim wɔ Amenfi Finimfin Mpasuar mbrahyɛbaguanyi na wɔsan paaw no wɔ afe 2020 abatow no mu wɔ National Democratic Congress tsikitsi do.[12] Ɔka Ɔmamfo Akontaabu Boaekuw na Nwomasua Boaekuw a ɔwɔ mbrahyɛbagua mu no ho.[15]

Ɔpaw dɛ ɔbɛtu obegyina dɛ obi a ɔdze noho ama afe 2024 abatow no ber a odzii nkogu wɔ NDC ahyɛse abatow mu wɔ Esusuow-Aketseaba 13, 2023.[5] Ɔberɛfɛw 19, 2024 no, osii gyinae dɛ ɔbɔtwe noho efi abatow no mu na ɔboaa NDC kandzifo, Joana Gyan Cudjoe.[7]