Movement for Black Lives
Movement for Black Lives (M4BL) yɛ nkabɔmukuw a ɔwɔ ekuw bɔbor eduonum a wogyina hɔ ma Ebibifo mpɔtamu a ɔwɔ United States nyina a wɔtseew no wɔ afe December 2014 mu. Kuwmba no bi nye Black Lives Matter Network, National Conference of Black Lawyers na Ella Baker Center for Human Rights. Ekuw tse dɛ Color of Change, Race Forward, Brooklyn Movement Center, PolicyLink, Million Women March Cleveland, na ONE DC na wɔgyee too mu, na nkabɔmu no nya nsɛm na mboa fi kuw bi a wɔfrɛ no Blackbird hɔ.
July 24, 2015 mu no, kuw no dzii kan boaboaa hɔn ho ano wɔ Cleveland State University beebi a edwumayɛfo bɛyɛ 1,500 kesi 2,000 hyiaa mu dze hɔn ho hyɛɛ nkɔmbɔdzi na ɔyɛkyerɛ a mu. Ahyɛse no nhyiamu no yɛɛ dɛ "wɔbɛhyehyɛ akwan a Movement for Black Lives bɛfa do ama mbrahyɛfo ebu hɔn ndzeyɛɛ ho akontaa wɔ ɔman no mu". Mbom, nhyiamu no wiei dɛ wɔhyehyɛɛ kuw bi a no ho hia kɛse. Ndansa nhyiamu no n'ewiei no, wɔ July 26 no, the Movement for Black Lives "kwan a wɔbɛfa do enya mpɔtamu hɔ na ɔman mu ekuw ahorow dze ayɛ United Front" . Afe yi mu akwan a wɔbɛfa do no kowiee dɛ wɔhyehyɛɛ kuw no ne prama bi sii hɔ a ɔka botae, ahwehwɛdze, na nhyehyɛɛ a Movement for Black Lives no boa dɛ mbrɛ ɔbɛyɛ a wobɛnya "fahodzi" ama ebibifo mpɔtamu wɔ Amerika nyina.
George Floyd no ku ekyir no, M4BL yii BREATHE Mbra a ɔhwehwɛ dɛ wɔyɛ nsesa kɛse wɔ mbra a ɔfa polisifo ho no edzi. Dza ɔka nhyehyɛɛ mmara no ho na ɔhwehwɛ dɛ wonyi hɔn ho mfi mbra nsɛm mu na wɔmfa sika nhyɛ mpɔtamu hɔ akadze na putupru nhyehyɛɛ afofor mu . Afe 2020 mu no, Movement for Black Lives daa nhyehyɛɛ a wɔhwehwɛ mbuae wɔ COVID-19 yardɔm no ho no edzi.
Edwumakuw
[sesa mu | sesa ekyirsɛm]Deva Woodly, Amanyɛsɛm ho Ɔbenfo wɔ The New School, kaa Movement for Black Lives ho asɛm wɔ George Floyd ɔsɔrtsia no mu dɛ "edwumakuw kɛse a ɔka ekuw ahorow a ɔwɔ ɔman no nyina bɔ mu" a ɔmaa nkorɔfo kwan ma "wɔbɛka nsensanee a ɔda mprempren ɔhaw no ho nsɛnkyerɛndze na dza ɔdze ba wɔ nhyehyɛɛ mu ntamu no bataa ho."
Prama na nsɛnkae
[sesa mu | sesa ekyirsɛm]Wɔtsintsiim kuw no ne prama no wɔ Dzifuu 2016 mu a wɔato dzin A Vision for Black Lives: Policy Demands for Black Power, Freedom and Justice, ɔwɔ ahwehwɛdze esia:
- Ɔko a otsia ebibifo no ba ewiei.
2. Wotua ndzɛmba a wɔasɛe nye dza ogudo resɛɛ ho kaw.
3. Wobeyi hɔn ho efi edwumakuw ahorow a wɔyɛ nsɛmbɔndzifo ho, dze hɔn gu efir mu na wopira ebibifo no; na sika a wɔdze bɛhyɛ ebibifo nwomasua, apɔwmudzen na ahobambɔ mu.
4. Sikasɛm mu atsɛntsenee ma obiara na sikasɛm a wɔbɛsan akyekyɛ dze ahwɛ dɛ hɛn mpɔtamu hɔfo benya ewuranom, na ɔnnyɛ dɛ wobenya kwan kɛkɛ bi.
5. Mpɔtamu hɔfo hɔn tumdzi wɔ mbra, ahyehyɛdze na nhyehyɛɛ a ɔka hɛn kɛse no do.
7. Ebibifo amambu tum a ɔdze no ho na ebibifo egyinesi wɔ ɔmanfo afa horow nyina.
M4BL gye dzi dɛ akatua yɛ botae a obotum aba na wotum gye dzi, a odzi kan na akatua a wotuae maa Afrikafo-Amerika ekuafo wɔ afe 2012 mu.
Afe 2023-2024 mu no, ɔdze asɛm bi too gua a ɔnye dɛ "yɛrohwehwɛ dɛ wogyae akodzi ntsɛm ara na wɔdze Palestine a U.S. gyina ekyir no ba ewiei," a ɔhyɛ bɔ dɛ "wɔbɔko etsia mbusuakuw asetɔr a ɔwɔ Gaza no."
Sikatua na Ekuw ahorow hɔn mboa
[sesa mu | sesa ekyirsɛm]Ber a kuw no tsintsinm hɔn prama wɔ afe 2016 mu ekyir no, nna ekuw ahorow 50 akyerɛw hɔn mboa ato hɔ. Mbɔdzen tsitsiriw kor nye dɛ Borealis Philanthropy dze Black-Led Movement Fund (BLMF) sii hɔ. Wɔyɛe dɛ mbrɛ ɔbɛyɛ a ɔbɔboa M4BL edwuma no, BLMF yɛ sikakorabea a wɔma mboa na wɔdze esi hɔn enyi do dɛ wɔdze dɔɔla ɔpepem 100 bɛbrɛ kuw no, na nhyehyɛɛ a wɔdze esi hɔn enyi do dɛ wɔbɔboa kuw no ma woetum atserɛw ne nseraban mu.
Dwumadzi Etsitsir
[sesa mu | sesa ekyirsɛm]Cleveland State University etuatsew
[sesa mu | sesa ekyirsɛm]Ayɛwoho 24, 2015 mu no, ankorankor a wofi ɔman no n'afandzeanan mu nyina hyiaa mu wɔ Cleveland State University dze buaa nsɛm a osisii a ɔfa polisifo hɔn etsiɔdzensɛm a wɔyɛe tsiaa Afrikafo-Amerikafo apaamu hɔfo no. Ne tsitsiriw no, ankorankor tse dɛ Michael Brown, Eric Garner, na Tamir Rice a wowuwui no maa no ho behiae dɛ ebibifo-Amerikafo no yɛ nhyiam. Ndansa nhyiamu no mu no (Ayɛwoho 24–26) no, edwumayɛfo dze hɔn ho hyɛɛ nkɔmbɔtwetwe no mu, hwɛɛ sen ntsiantsia, na wɔdze hɔn ho hyɛɛ ntsetsee ahorow a wɔyɛe dɛ wɔdze bɔboaboa ankorankor a wɔrohwehwɛ dɛ wobenya nyiano ama ɔhaw ahorow a ebibifo mpɔtamu hɔfo no rihyia no. Wobu Cleveland State University nhyiamu no dɛ ɔyɛ Movement for Black Lives ne nhyiamu kɛse a odzi kan, na nyimpa bɔbor 1,500 na wɔbaa nhyiamu no ase. Ekyir no, edwumayɛfo a wofi nhyiamu no ase no hyɛɛ ase dɛ wɔrobɔ dawur dze atserɛw nsɛm dze ebue Movement for Black Lives kuw no ano, na wɔdze nhyehyɛɛ bi a obotum abɔ edwumayɛfo a wofi ɔman no mu nyina ho ban na wɔako dze eyi polisifo etsiɔdzensɛm na nyiyimu a wɔyɛ tsia ebibifo wɔ United States no mu no efi hɔ.
Nhyiamu no nyaa ɔman no mu nsɛnkyerɛwfo adwen kɛse mpo wɔ ber a, wɔ nhyiamu no ne da a otwa tun no, Cleveland Regional Transit Authority (RTA) panyin bi boaboaa nyimpadɔm bi a wɔyɛ ebibifo-Amerikafo tsitsiriw a wɔyɛ edwumadzen a ɔnye Cleveland State University ntamu kwan yɛ akwansin kakraa bi pɛ no ano no. Nna nyipadɔm no ehyia mu dze mbuae rema RTA panyin bi a ɔdze Afrikan-Amerikanyi ɔbaabun bi too efiadze osiandɛ ɔabow nsa ntsi. Mpanyimfo kyerɛ dɛ, ɔbaabun no enntum "annhwɛ no ho" osian mbrɛ nna ɔabow edu ntsi, dɛm ntsi mpanyimfo no susui dɛ no ho hia dɛ wɔdze no kɔto efiadze. Ber a wɔdze ɔbaabun no too efiadze no, nyimpadɔm hyiaa mu twaa polisifo kar a wɔdze fa nyimpa no ho hyiae dze kasa tsiatsiaa ɔbaabun no a wɔdze no ato efiadze no; dɛ mbrɛ ɔbɛyɛ a wɔbɛpam nyimpadɔm no efi polisifo no hɛn no kwan do no, "Transit Polisinyi panyin bi petsee muokunsu" na ɔdze kyerɛɛ akotsiafo no. Asɛm a osii no maa wɔkasae tsiaa no ber a ekuw tse dɛ ACLU a ɔwɔ Ohio no gyee dzii dɛ “asɛm wɔ muokonsu ambrahyɛfo no dze dzii dwuma dɛ mbrɛ ɔbɛyɛ a ɔbɛpam dɔm no ho.”
Agodzi ho ɔyɛkyerɛ ahorow
[sesa mu | sesa ekyirsɛm]Mbirikatufo a wɔwɔ Amerika agodzifo no mu no nam ɔyɛkyerɛ na ɔsɔrtsia kwan do ada hɔn mboa edzi dɛ wɔtaa kuw no ekyir. Afe 2016 mu no, bɔɔlbɔnyi a ne dzin dze Colin Kaepernick paaw no ho dɛ obobu kotodwe ber a wɔrobɔ ɔman no ndwom wɔ NFL bɔɔlbɔ agodzi bi ase. Bɔɔlbɔ ekyir nsɛmbisa mu no, Kaepernick kyerɛkyerɛɛ mu dɛ, "Mirinngyina hɔ nnkyerɛ dɛw wɔ frankaa a ɔwɔ ɔman a ɔhyɛ ebibifo na nyimpa a hɔn ahosu yɛ tuntum"..Kaepernick na NFL bɔɔlbɔ akotsiafo binom hyiaa ɔkotsia fitsi bɔɔbɔ no ahyɛse kɛɛpem ber a afe 2016 bɔɔlbɔ ber no kɔr ewiei, ɔka ɔkotsia a ofi Asɛndzibea panyin Justice Ruth Bader Ginsburg a ɔkaa dɛ, "Ɔwɔ dɛ mekyer hɔn ɔnam dɛ wɔayɛ dɛm ntsi? Oho... Mususuw dɛ nyansa nnyi mu na ɔnnkyerɛ obu." Ɔwɔ mu dɛ Kaepernick ne ɔsɔrtsia no nyaa akotsia ahorow a edzi afora dze, naaso ekyingye biara nnyi ho dɛ ɔdze nsɛm a no ho hia kɛse baa nkɔmbɔtwetwe a ɔfa ebibifo asetsena ho wɔ United States mu no mu.
Agodzifo a wofi Amerika agodzikuw no mu tse dɛ National Basketball Association mu so dze hɔn ho ahyɛ ɔyɛkyerɛ ahorow mu dze roboa Movement for Black Lives kuw no. Afe 2016 mu no, basketball agodzifo bi tse dɛ LeBron James, Chris Paul, Dwyane Wade, na Carmelo Anthony gyinaa mfinimfin wɔ ESPY's dze too gua dɛ "ɔyɛ edwumyɛ ɔfrɛ" dze rema mbuae wɔ Philando Castile na Alton Sterling hɔn tow ho, na afei polisifo beenum a wokum hɔn wɔ dɛm bosoom no n'ahyɛse no. NBA ekunyin baanan no hun no dɛ ɔyɛ akwangya a wɔdze bɛka ankorankor a wɔwɔ Movement for Black Lives no afa ebien no nyina abɔ mu. Nkan Miami Heat itur tow no weɔmfo, Dwyane Wade, kaa dɛ, "Ɔwɔ dɛ mbusuakuw ho nsɛm gyae... naaso ɔwɔɛ dɛ awerɛtɔ no so gyae. Dza wɔayɛ noara ye." Kuw no san hyɛɛ Amerikafo nkuran dɛ "wɔmpow basabasayɛ nyina," na mbom, ma hɔn botae ngyina dɛ wobekenyan nkurow a hɔn mu akyekyɛ wɔ Amerika no.
Etuatsew ma Ebibifo
[sesa mu | sesa ekyirsɛm]Ayɛwoho 20, 2020 mu no,nna Movement for Black Lives yɛ ekuw 60 no mu kor, a adwumayɛfo ekuw du-ebien ka ho a wɔyɛɛ Strike for Black Lives ho nhyehyɛɛ . Dɛ ɔka George Floyd ɔsɔrtsia a ɔrokɔ do no na Black Lives Matter kuw kɛse no ho no, nna nyimpa pii na wɔwɔ ɔman no mu a wɔka etuatsew no ho a edwumayɛfo bɛyɛ ɔpepe ka ho a wɔreper nyiyimu a ɔfa nyimpa ho na ɔman no ne skasɛm mu pɛrpɛryɛ.
Ɔgye
[sesa mu | sesa ekyirsɛm]Ekuw ahorow bi tse dɛ National Council of Asian Pacific Americans, ACLU of Northern California,na National Council of Jewish Women daa hɔn mboa edzi kyerɛɛ Movent for Black Lives ber a wɔdze hɔn nsɛm too gua wɔ kuw no ne prama a wotsintsimii a ekyingyegye wɔ mu no do. Ɔfrɛ a Movement for Black Lives dze too gua dɛ wɔnyɛ nsesa wɔ nsɛmbɔndzi ho atsɛntsenenee mu na wɔmfa polisifo hɔn etsiɔdzenfosɛm nkɔ ewiei. Hɔn nsɛm kor mu no, National Council of Jewish Women no kaa dɛ, "NCJW si do dua dɛ Ebibifo asetsena ho hia, a Yudafo a wɔyɛ Ebibifo, a wɔyɛ Yudafo na hɛn NCJW mpɔtamu hɔfo nyina ne fa tsitsiriw. Yegye to mu dɛ Ebibifo na Yudafo nkurow no wɔ ebusuabɔ a worunntum nntsetsew mu na hɛn ahokeka a yɛdze hwehwɛ asetsena mu atsɛntsenenee no wɔ ebusuabɔ.
Movement for Black Lives no nyaa mboa fofor fii Democracy for America hɔ ber a woyii ne nhyehyɛɛ ho prama no edzi no n'ekyir no. Movement for Black Lives no botae tsitsiriw kor nye dɛ wɔbɛhyɛ ka bi ma menka bi a ogyina hɔ ma ebibifo nkurow a wɔwɔ Amerika no. Amambu ekuw ahorow egyina hɔ nye M4BL ayɛ kor osiandɛ, Democracy for America kyerɛ dɛ, wohu no dɛ "dza ɔyɛ a okenyan nkɔmbɔ a no ho hia, a ɔfa dza ofi mu ba ho a ɔwɔ dɛ mprempren na daakye akandzifo a wɔwɔ Democratic Party no na nkurow a wɔsom hɔn no nya". Bio, Movement for Black Lives no botae nye dɛ wɔbɛhyɛ sikasɛm, amambusɛm, na asetena mu nsesa ho nkuran no ma "nsusui a ɔyɛ dzen" ma daakye mbrahyɛbaguafo ber a wɔrohwehwɛ dɛ wɔbɛtsew ɔhaw a ɔwɔ ebibifo nkurow hɔ ase bio na woesiesie.
Afe 2016 mu no, Ford Foundation na Borealis Philanthropy, ntamgyinafo kuw, dɛ wɔnhyehyɛ "Black-Led Movement Fund" a nna hɔn nsusui nye dɛ "wɔde dɔɔla ɔpepem 100 bɛba ndzɛmba afofor mu ama Movement for Black Lives. Ɔwɔ mu dɛ Ford Foundation sii gyinae dɛ worinnsie hɔn sika bio dze, naaso wɔda ho ara dze ɔpepem pii ma ekuw ahorow dze boa nyimpa nyiyimu mu atsɛntsenenee. BLMF etum dze mboa nketsewa ama ekuw ahorow pii a wɔwɔ Movement for Black Lives mu. Odur Fall 2020 no, Borealis Philanthropy dze dɔɔla ɔpepem 5.4 maa ekuw ahorow a hɔn ahoɔdzen wɔ famu dze boaa M4BL.
Yudafo ekuw ahorow no kyerɛɛ enyiammbɔhosɛm dze kyerɛɛ Movement for Black Lives’ 2016 prama no ho, M4BL kaa dɛ "[U.S.] bu wiadze nyina ɔko a wɔko tsia hu no bem na ɔma ɔkɔ enyim dze nam apam a ɔnye Israel yɛe no do na ɔka ho wɔ mbusuakuw asetɔr a ɔrokɔ do dze tsia Palestine nkorɔfo no mu", dɛ "Israel yɛ ɔman a wɔyɛ nyimpa mu nyiyimu", na "[U.S.] [dze sika aboa] etwa nyimpa mu nyiyimu ɔfasu".
Dzifuu 2020 mu no, Movement for Black Lives na bankum afamu ekuw bɔbor ɔha, a Council on American-Islamic Relations, Jewish Voice for Peace na Jews for Racial and Economic Justice ka ho, dze hɔn nsa hyɛɛ krataa bi a ano a ɔkyerɛ dɛ wɔnye Anti-Defamation League (ADL) no nnyi ebusuabɔ biara bio osian mboa a wɔdze ama Israel ntsi.