Jump to content

Mercy Asiedu

Fi Wikipedia
Mercy Asiedu
human
Bɔbeafemale Sesa mu
Da a wɔwoo no1971 Sesa mu
Languages spoken, written or signedAkan Sesa mu
N'edwumafilm actor, actor Sesa mu

Mercy Asiedu (a wɔwoo no Esusow Aketseaba 1971 mu)[1] yɛ Ghanaman mu sentwanyi a wɔabɔ edwuma yie ama sentwa edwuma no no mpontu.[1][2] Sen a wɔfrɛ no Asoreba na Concert Party mu dwumason a odzii ntsi ɔmaa ɔbɛgyee dzin ara yie.[3][4] Afe 2000 mu hɔ dze reba no, nna ɔka sentwafo a nna wɔagye dzin ara yie no ho a nna dɛm ntsi odzii dwuma ahorow pii wɔ sen beberee mu so.[5]

Edwumayɛ Mu

[sesa mu | sesa ekyirsɛm]

Ansaana ɔrebɛba sentwa mu no, nna Mercy Asiedu yɛ ɔdzepamfo. Obi a nna ɔayɛ no dɛ egya a wɔfrɛ Ɔsomafo Kwadwo Sarfo na ɔboae ma ɔkowuraa sentwa mu. Ahyɛse no, nna ɔnye kuw bi a wɔgyegye nkorɔfo enyi yɛ edwuma, a nna wɔkɔgyee nsɔr ahorow mba enyi nkankanara wɔ ehyiadzi ahorow ase. Ber bi mu no, ɔdze too gua dɛ," Kan no nna midzi dwuma ahorow wɔ nsɔr ehyiadzi ahorow ase".

Sentwanyi a oedzi bɛyɛ mfe eduonum yi taa da Ɔsomafo Kwadwo Sarfo ase papaapa dɛ ohun akyɛdze soronko a okitsae na ɔhyɛɛ ɔno na ne mfɛfo binom nkuran ma wɔdze hɔnho kɛhyɛɛ sentwa mu. Ɔkaa kyerɛɛ Becky dɛ, Ɔsomafo Sarfo frɛɛ ɔno, Agyekoo, na Akrobeto dɛ wɔnkɛka hɔn a nna wɔyɛ Concert Party no ho, osiandɛ nna wɔyɛ ndzɛmba bi a ɔtsetse dɛm no bi dada. Ɔkaa dɛ "Panyin a mafa no dɛ m'egya yi kyerɛɛw sen bi maa hɛn dɛ mbrɛ ɔbɛyɛ a , yɛbɔkɔ nkan wɔ sen edwuma no mu, na ɔkaa kyerɛɛ hɛn dɛ dabi na yebohu no ho mfaso ".

Mercy Asiedu ne sen edwuma a ɔyɛ no tuu mpon ma odzi dwuma wɔ sen ahorow pii mu, a nna ma ɔka ho bi nye Obaakofou, Sumsum, Aware, Kakra Yebedie, Agya Koo Trotro, Ghana Yonko, Emma Dodo Kunu, Divine Prayer, Obi Yaa, Saman Te Fie, na Old Soldier. Dwuma a odzii wɔ sen Asoreba mu no bɛmaa nkorɔfo bohun no yie wɔ wiadze mfɛndzanan nyina. JoyNews Tɛlɛbihyɛn prama do no, ɔdze too gua dɛ, " Ofitsii dɛm ber no dze reba no, mepue sen ahorow beberee mu. Asoreba sen no maa nkorɔfo pii bohun me, na ɔka sen ahorow a m'enyi gye ho papaapa no ho, a sen I Know My Right so ka ho bi. M'enyi gye dza metum ayɛ no mfe a abɛsen yi ho yie. "

Esusow Aketseaba 9, 1971 mu na wɔwoo Mercy Asiedu na Ghanaman mu sentwanyi yi edzi dwumason ahorow aboa sentwa edwuma no papaapa. Ɔgyee dzin wɔ dwuma ahorow a odzii wɔ afe 1990 no mu hɔ wɔ Ghana ahwɛgor bi a nna wɔfrɛ no Concert Party mu na ɔbɛyɛɛ Ghana Kumawood mu sentwafo akɛse no mu kor wɔ afe 2000 mu, osian dwuma ahorow beberee a odzii na nna ɔtaa fa dwuma a nkorɔfo wɔ nsɛm pii ka fa ho ntsi. Ɔhyɛɛ ne sentwa edwuma ase ber a osii do a nna ɔka Kristo Asafo Concert Party Kuw no ho.[6] Dwuma a nna odzi wɔ sen mu a nna ɔyɛ dza nkorɔfo pɛ ho nsɛm ka ntsi ɔmaa nkorɔfo bohun no.[7] Opuee Kumawood sen ahorow beberee mu, a nna ɔyɛ sen a wɔyɛ no Akan kasa a ɔyɛ Twi kasa mu wɔ Kumase.[8][9] Ɔnye binom tse dɛ Agya Koo, Lil Win, Kwaku Manu, Aboagye Brenya na pii a wɔkeka ho eyiyi sen ahorow.[10]


Abrabɔ

[sesa mu | sesa ekyirsɛm]

Ebɔbira 2, 2017 na ɔwaar Nana Agyemang Badu Duah, a ɔyɛ Kunsu hen wɔ Ahafo Ano Anaafo Mansin no mu wɔ Esuantse Mantɔw mu.[1][11][12] Ɔwɔ mba baasa, mbanyimfo beenu na basia kor.[13][14]


Amanyɛsɛm

[sesa mu | sesa ekyirsɛm]

Fankwa bosoom mu wɔ afe 2016 mu no, ɔgyee too mu dɛ oye dɛ wɔtow ma New Patriotic Party amanyɛkuw no hɔn ananmusinyi a ɔdze Nana Addo Dankwa Akufo-Addo no.[15] Ayɛwoho bosoom no mu wɔ afe 2016 mu no, ɔdze bɔtoo gua dɛ obiara a ɔbɛka dɛ ɔgyee sika bɔɔ kan National Demoocratic Congress amanyɛkuw aban no ho dawur pa kyerɛɛ nkorɔfo dɛ wɔntow amba mma hɔn no, ɔbɔbɔ no dua.[16]


Sen Ahorow A Oedzi Dwuma Wɔ Mu

[sesa mu | sesa ekyirsɛm]
  • Obaa Hemaa (2007) sen mu no, odzii dwuma dɛ Abrafi
  • Susubiribi (2013) sen mu no, odzii dwuma dɛ Kwaku ne maama
  • Kakra A Yebedie Nti (2006) sen mu no, odzii dwuma dɛ Maame Achia
  • Agya Koo Trotro Driver (2012)
  • Ghana Yonko
  • Emaa doduo Kunu
  • Eye Asem (2011) sen mu no, odzii dwuma dɛ Bruwaa
  • Obidee Aba (2005) sen mu no, odzii dwuma dɛ Maame Nyarkoaa
  • Asoreba (2007)
  • Akurasi Burgers (2008) sen mu no, odzii dwuma dɛ Frema

Mboaedze

[sesa mu | sesa ekyirsɛm]
  1. ↑ 1.0 1.1 1.2 Abedu-Kennedy, Dorcas (2020-07-11). "10 photos of Mercy Asiedu that show that age is just a number". Adomonline.com (in American English). Retrieved 2021-04-14.
  2. ↑ Dadson, Nanabanyin (2011-01-06). Graphic Showbiz: Issue 656 January 6-12 2011 (in English). Graphic Communications Group.
  3. ↑ Asumadu (2016-05-10). "Mercy Asiedu celebrates birthday as a Queen". News Ghana (in American English). Retrieved 2021-04-14.
  4. ↑ Owusu-Amoah, Gifty (22 June 2019). "New season of Concert Party starts June 23,2019". Graphic Online. Retrieved 14 April 2021.
  5. ↑ "Mercy Asiedu, Other Kumawood Actors Clash On United Showbiz With Nana Ama McBrown". Peacefmonline.com - Ghana news. Retrieved 2021-04-14.
  6. ↑ "From seamstress to actress: The 25-year journey of Mercy Asiedu - MyJoyOnline". www.myjoyonline.com (in American English). 2021-09-21. Retrieved 2024-08-24.
  7. ↑ "Mercy Asiedu welcomes first child with husband after 3 years of marriage". www.ghanaweb.com (in English). 2020-10-24. Retrieved 2020-11-22.
  8. ↑ "Kumkum Bhagya not a threat to Kumawood - Mercy Asiedu". GhanaWeb (in English). 2016-07-12. Retrieved 2021-04-14.
  9. ↑ "Lilwin, Mercy Asiedu and others star in new movie 'Yi Wani'". GhanaWeb (in English). 2016-06-18. Retrieved 2021-04-14.
  10. ↑ Arthur, Erica Nana. "Kumawood Actor Agya Brenya reported dead — Starr Fm" (in American English). Retrieved 2021-10-02.
  11. ↑ Mensah, Jeffrey (2021-02-16). "Mercy Asiedu flaunts handsome husband in loved-up photo; McBrown, Awuni shout". Yen.com.gh - Ghana news. (in English). Retrieved 2021-04-14.
  12. ↑ "Photo: Mercy Asiedu and hubby celebrate 4th wedding anniversary". Pulse Ghana (in English). 2021-04-03. Retrieved 2021-04-14.
  13. ↑ "Mercy Asiedu flaunts her adorable son on social media for the first time". The Independent Ghana (in British English). 2020-03-11. Retrieved 2021-04-14.
  14. ↑ Mensah, Jeffrey (2020-07-09). "Photos of Kumawood actress Mercy Asiedu's only daughter pop up". Yen.com.gh - Ghana news. (in English). Retrieved 2021-04-14.
  15. ↑ "Kumawood's Mercy Asiedu endorses Nana Addo". GhanaWeb (in English). 2016-09-29. Retrieved 2021-04-14.
  16. ↑ "I'll curse anyone who says I'm for NDC – Mercy Asiedu". GhanaWeb (in English). 2016-06-14. Retrieved 2021-04-14.
Woyii fii "https://fat.wikipedia.org/w/index.php?title=Mercy_Asiedu&oldid=49879"