Malik Al-Hassan Yakubu
Malik al-Hassan Yakubu yɛ kuwba ma Pan-African mbrahyɛbagua wɔ Ghana. Ɔyɛ Ghana ɔmanyɛnyi na mbrahyɛbaguanyi ma Yendi abatow mpasua. Nna ɔyɛ Ɔsoafo a ɔhwɛ ɔman no mu nsɛm naaso ɔgyaa edwuma wɔ afe 2002 osian kweedu a wɔdze bɔɔ no dɛ ɔhyɛ ɔfa kor ekyir wɔ basabasayɛ a ɔrokɔ do wɔ Yendi no.
Abrabɔ ahyɛase na nwomasua
[sesa mu | sesa ekyirsɛm]Wɔwoo no wɔ Mumu 29, 1945. Ɔkɔr skuul wɔ Cape Coast Suapɔn, Ghana Suapɔn na Ghana Mbra Skuul.
Edwuma
[sesa mu | sesa ekyirsɛm]Malik yɛ okuanyi.
Amanyɛsɛm
[sesa mu | sesa ekyirsɛm]Ɔkɔr aban mu namNew Patriotic Party do wɔ afe 2004 mu. Ɔdze amba 15,302 a ogyina hɔ ma 53.50% na ɔdze dzii nkonyim.
Wɔpaaw no dɛ mbrahyɛbaguanyi wɔ mbrahyɛbagua a ɔtɔ do anan wɔ aban a ɔtɔ do anan mu wɔ Ghana ber a wɔtoow Ghana mbrahyɛbagua amba wɔ afe 2004 mu maaNew Patriotic Party, onyaa amba 15,302 a ogyina hɔ ma 53.50% wɔ aber a n'akansifo Sulemana Ibn Iddrisu Jnr. a ɔwɔ National Democratic Congress nyaa amba 10,779 a ogyina hɔ ma 37.70%, Nalari Nyoja John a ɔwɔ People's National Convention nyaa amba 2,500 a ogyina hɔ ma 8.70% na Zuututugri Mubarak Abdallah na ankorankor a wogyina hɔn do so ennya hwee a ɔyɛ 00.00%.
Nna Malik san yɛ Ɔsoafo a ɔhwɛ ɔman no mu nsɛm do wɔ Ɔmampanyin dada a ɔwɔ Ghana John Agyekum Kufour aban mu naaso wɔ afe 2002 mu no, ɔgyaa edwuma osian kweedu a wɔdze bɔɔ no dɛ akasakasa a ɔrokɔ do wɔ ebusua beenu ntamu wɔ Yendi a ɔwɔ Etsifi Mantɔw mu no, ɔakɛhyɛ kor ekyir. Nna ɔsan yɛ mbrahyɛbagua kasamafo a ɔtɔ do ebien.
Wɔpaaw no kɔr mbrahyɛbagua a ɔtɔ do ebien wɔ aban a ɔtɔ do anan wɔ Ghana wɔ Sanda 7, 1997 ber a wɔdaa no edzi dɛ oedzi nkonyim wɔ afe 1996 Ghana ambatow kɛse no mu. Ɔdze amba 13, 743 a ogyina hɔ ma 47.60% dzii Sulemana Ibn Iddrisu, Jnr. a ɔwɔ National Democratic Congress no do nkonyim aber a Sulemana so nyaa amba 7, 107 a ogyina hɔ ma 24.60%.