Mahama Tiah Abdul-Kabiru

Mahama Tiah Abdul-Kabiru

human

Bɔbea	male
Da a wɔwoo no	1 Fankwa 1988
N'edwuma	economist

Abdul Kabiru Tiah Mahama (wɔwoo no Fankwa 1, 1988) yɛ Ghana ɔmanyɛnyi na sikasɛm ho ntotoonyi. Ɔyɛ mbrahyɛbaguanyi ma Walewale Ambatow Mpasua a ɔwɔ Etsifi Boka Mantɔw a ɔwɔ Ghana mu. Ogyinaa mu maa New Patriotic Party (NPP) amanyɛkuw no wɔ Ghana Mbrahyɛbaguafie.

N’abrabɔ Ahyɛse Na Nwomasua

Wɔwoo Mahama wɔ Janga a ɔwɔ Ghana. Ɔgyee no Nsɔwdo Skuul Abɔdzin Krataa wɔ Nalerigu Nsɔwdo Skuul wɔ Afe 2005 mu. Onyaa ne Bachelor of Arts wɔ Sikasɛm ho Ntotoe mu fii University of Professional Studies wɔ afe 2010 mu. Ɔkɛgyee ne masetɛse wɔ Philosophy in Development Studies mu fii dɛm Esuapɔn yi ara mu wɔ afe 2014 mu na Doctor of Philosophy abɔdzin fii Hiroshima Esuapɔn a ɔwɔ Japan na owiee wɔ afe 2018 mu. Ɔsanee nyaa Chattered Economist Abɔdzin Krataa no bi wɔ American Academy of Financial Management mu wɔ afe 2015 mu. Ɔsanee gyee bachelors degree wɔ law ( LLB) mu fii Mountcrest University College wɔ afe 2024 mu.

Edwumasɛm

Mahama ekitsa dzibew ahorow beberee wɔ nwomasua na aban edwuma ahorow mu. Ɔsoom dɛ nwomanyimnyi na kasamafo dze ma NORSAAC, mbrayɛsɛm kuw na ekyir yi ɔyɛɛ edwuma dɛ nhwehwɛmunyi maa Hiroshima Esuapɔn. Ansaana ɔresan aba Ghana no, ɔsoom dɛ Sikasɛm Ho Fotufo na ekyir yi dɛ Sikasɛm Mpɛnsampɛnsamu Kwankyerɛfo ma Ghana Aban. Afe 2024 Ghanafo nyina amba a wɔtoowee no mu no, odzii nyim ma ɔkɔr Ghana Mbrahyɛbaguafie wɔ New Patriotic Party amanyɛkuw ne dzin mu na osii Walewale Ambatow mpasua no anan mu. Iyi nye ber a odzi kan a ɔdze kɔr mbrahyɛbaguafie. Seseiara ɔsom wɔ Dawurbɔ na Nkitahodzi beesuomfo na Sikasɛm beesuomfo ho wɔ Mbrahyɛbaguafie.

N’abrabɔ Mu Nsɛm

Ɔyɛ Nkramonyi.