Kwame Poku Agyekum

Nna Kwame Poku Agyekum yɛ Ghana amanyɛnyi na afei Ghana amambu a odzi kan wɔ aban a ɔtɔ do ebien no mu nyimpa. Ogyinaa mu maa Amansie Central Mansin no wɔ Progress Party ne dzin mu.

Ahyɛse abrabɔ nye Nwomasua

Wɔwoo Agyekum wɔ Ebɔw 6, 1935 Asantse Mantɔw- Kumasi. Ɔkɔr St. Augustine's Ntoado Skuul ansaana ɔrokɔ Esuapɔn mu a. Owiei no ɔkɔr RVB Maastricht School of Management (MSM) Netherlands, a seesei wɔfrɛ no Maastricht School of Management, Maastricht, Netherlands.

Amanyɛsɛm

Agyekum hyɛɛ n'amɛnyɛsɛm edwuma wɔ 1969 ber a ɔbɛyɛɛ mbrahyɛbaguamu kandzifo maa Progress Party (PP) dɛ ongyina mu mma Amansie Central mansin ansaana 1969 ambatow no reba do. Agyekum bedzii dwuma dɛ Ghana Amambu a ɔtɔ do ebien no mu nyimpa wɔ Ɔbɛsɛ 1, 1969 ber a wɔbɔɔ ne dzin dɛ oedzi kunyim wɔ 1969 Ghana ambatow no mu no. N'edwuma wɔ mbrahyɛbaguamu baa ewiei wɔ Sanda 13, 1972, ɔno n'ekyir na etuatsew a I. K. Acheampong dzii enyim a ɔmaa wotuu Busia n'aban no gui no, nye mbrahyɛbagua no a wo guu no ekyir yi no. Afe 1979 mu no, ber a wɔdze ɔman no baa ɔmamfo ndzido amambu no ase no, woyii no bio dɛ Amansie Central Mansin no ne mbrahyɛbaguanyi wɔ Popular Front Party no ne dzin mu. Ogyinaa mu maa Mansin no fitsi 1979 kɛpeem Mumu 31, 1981 ber a Flight lieutenant Jerry John Rawlings tuu Limann n'aban no gui no.

Nankasa N'abrabɔ

Agyekum yɛ Kristonyi. Ɔawar Mabel Agyekum a wɔwɔ mba enum. Maame Dufie, Nana Wadieh, Maame Akua, Nana Poku nye Maame Serwaa.Ɔbaa ahomgye mu fii amanyɛsɛm mu wɔ afe 1990 no mu na ɔkɔr adansi nye ahɔhoyɛ edwuma no mu.