Kwaku Agyenim Boateng

Hon. Kwaku Agyenim-Boateng
Member of Parliament for Berekum West constituency
Incumbent
Assumed office 7 January 2021
Personal details
Born	Kwaku Agyenim-Boateng (1972-11-01) 1 November 1972 Jinijini, Ghana
Political party	New Patriotic Party
Occupation	Politician
Profession	Legal Service Consultant
Committees	Employment, Social Welfare and State Enterprises Committee; Poverty Reduction Strategy Committee

Kwaku Agyenim-Boateng (wɔwoo no Obiradzi 1, 1972) ɔyɛ Ghananyi amanyɛnyi na ɔka mbrahyɛbagua a ɔtɔ do esuon a ɔwɔ Ghana amambu a ɔtɔ do esuon noho na ogyinaa Berekum Atɔe a ɔwɔ Bono Mantɔw mu wɔ NPP dzin mu.

Nwomasua

Onyaa ne Bachelor of Science degree wɔ Planning fir Kwame Nkrumah Esuapɔn mu wɔ 1997. Ɔtoaa do yɛɛ no Masters of Science in Public Policy and Management wɔ London Esuapɔn mu wɔ 2008 mu. Ɔsan so kitsa PhD abadobɔ kraataa wɔ mbrayɛ mu fir Anglia Ruskin Esuapɔn mu wɔ 2004 na L.L.B (GIMPA) wɔ afe 2014 mu.

Abrabɔ Ahyɛse

Wɔwoo Boateng wɔ Ɔberɛfɛw 1, 1972 wɔ kurow bi a wɔfrɛ no Jinijini a ɔwɔ Bono Mantɔw mu nkan no wɔfrɛ no Bono-Ahafo Mantɔw.

Amanyɛsɛm Edwuma

Boateng yɛ NPP amanyɛkuw no ba, Wodzii kan tow amba maa no kɔr mbrahyɛbaguafie wɔ Sanda 2009 mu ber a odzii nkunyim wɔ 2008 Ghanafo nyinara ambatow mu. Ekyir yi, wɔsan toow amba maa kɔr mbrahyɛbagua esia na esuon no mu. Odzii hɔn a nna ɔnye hɔn reper no do wɔ ɔha mu nkyekyɛ mu 56.33% fir amba krɔngyenn no nyinara mu wɔ 2016 Ghanafo ambatow mu. Ɔsan so dzii nkunyim wɔ 2020 Ghanafo nyinara ambatow mu dze amba 11,245 a ɔkyerɛ ɔha mu nkyekyɛ mu 47% fir amba krɔngyenn no nyinara mu na NDC mbrahyɛbagua ntowdo ambanyi Dickson Kyerɛ-Duah nyaa amba 10,296 a ɔkyerɛ ɔha mu nkyekyɛ mu 43% wɔ amba krɔngyenn no nyinara mu na nyimapa a ogyinaa mbrahyɛbagua ntowdo amba kortsenkor bi so nyaa 2,395 a ɔkyerɛ ɔha mu nkyekyɛ mu 10% wɔ amba krɔngyenn no nyinara mu. Nna ɔyɛ nkan Ɔsoafo abadziekyir a ɔhwɛ Railways Development do.

Ekuwekuw

Ɔka edwuma, Nkitsahodzi mboa na Ɔman ndwuma kuw ho na ɔsan so Ohia Ntsewdo Ntotoo kuw ho.

Edwumasɛm

Boateng yɛɛ edwuma dɛ mpontu ndzɛmba mbae na Mbra Asoɛe Obiasanyi fir 1998 kɛpem 2008.

Nabrabɔ Mu Nsɛm

Boateng yɛ Kristosomnyi.

Adzekyɛ

Sanda 2020 mu no, obuee mbasiafo a wɔawo hɔn ayarsabea na ɔdze ndur ndzɛmba ma Nkyekyemamu Ayarsabea a ɔwɔ Berekum Atɔe Mansin no. Ɔsan so dze ayarsabea mpa, efir a wɔdze ker, nkungua, tɛlɛbihyen na dza ɔkeka ho hɛmaa Amankwokwa Kurow ayarsabea.