Kwadwo Mama Adams
Nna Kwadwo Mama Adams yɛ Ghana ɔmanyɛnyi na kuw ba wɔ mbrahyɛbagua fie a ɔtɔ do ebien wɔ "4th Republic" mu a, na ogyina mu ma Techiman South ambatow mpasua do wɔ Brɔn na Ahafo Mantɔw no mu wɔ Ghana.
ƆBRA AHYƐSE:
[sesa mu | sesa ekyirsɛm]Wɔwoo Adams wɔ Techiman South wɔ Brɔn na Ahafo Mantɔw mu wɔ Ghana.
AMANYƐSƐM:
[sesa mu | sesa ekyirsɛm]Adams dzii kan baa mbrahyɛbagua fie wɔ NDC amanyɛkuw dzin mu wɔ Mumu bosoom no mu wɔ mfe apem ahankron eduokron esia(December 1996) a ogyinaa mu maa Techiman South ambatow mpasua do wɔ Ghana ambatow kɛse no mu. Onyaa amba 24,164 fir amba dodow a ɔyɛ 39,698 mu a, ogyina hɔ ma ɔha nkyɛmu 46.30% sen Jarvis Reginald Agyeman-badu a ɔyɛ NPP amanyɛkuw nyi a onyaa 15,534 a ɔyɛ ɔha nkyɛmu 29.80%..
DZIBEW:
[sesa mu | sesa ekyirsɛm]Sɛ yɛdze ne dzibew a ɔyɛ Mbrahyɛbaguanyi dze ma Techiman South ambatow mpasua to nkyɛn a, nna ɔsan yɛ Ɔsoafo abadziekyir dze ma Brɔn na Ahafo Mantɔw no.
OWU:
[sesa mu | sesa ekyirsɛm]Adams nyaa lɔre akwanhyia wɔ ber a ɔdze lɔre fi Nkran rokɔ Sunyani a ɔnye "tipper truck" hyiahyiae do wɔ Suhum. Wɔdze ne nyimpadua no kɔr Korle-Bu Teaching Asopitsi wɔ "autopsy" ayarsa ho. Owuii wɔ Fankwa da ɔtɔ do esuon wɔ mfe mpem ebien na ebien(7th September,2002) mu