Kofi Arko Nokoe

Kofi Arko Nokoe yɛ Ghana amanyɛnyi a ɔyɛ National Democratic Congress. Kuwba Ɔyɛ mbrahyɛbaguanyi ma Evalue-Ajomoro-Gwira Mpasuar a ɔwɔ Atɔe Mantɔw mu.

Ɔbra ahyɛse na nwomasua

Wɔwoo Nokoe wɔ Esusuo-Aketseaba 13, 1983 na ofi Axim wɔ Ghana Atɔe Mantɔw mu.[5] Ɔhyɛɛ ne ntoado sukuu ase wɔ Komenda College of Education. Ɔkɔr Ghana Suapɔn, na owiee ne Bachelor of Arts abɔdzin krataa wɔ Amanyɛsɛm adzesua mu. Nokoe nso wɔ master’s degree wɔ Development Studies mu wɔ Kwame Nkrumah Suapɔn a ɔhwɛ Nyansahu na Mfirdwuma do.[6]

Edwuma

Nna Nokoe yɛ Ɔhwɛfo Panyin wɔ Ghana Neomasua Dwumadzibea. Nna ɔsan yɛ Ɔkwankyerɛfo Boafo wɔ Mpɔtamu Aban Dwumadzibea.[5]

Amanyɛsɛm

Mbrahyɛbaguanyi

Nokoe dzii nkonyim wɔ mbrahyɛbagua no mu dɛ obegyina National Democratic Congress anan mu ama Evalue-Ajomoro-Gwira Mpasuar ansaana afe 2020 abatow no reba wɔ Fankwa 28, 2019 ber a ɔtoow abatow 546 a ogyina hɔ ma 64.2% ekyir a ɔboor nyia ɔnye no risi akan, Herbert Kua Dickson a nna ɔwɔ abatow 297 a ogyina hɔ ma 34.9%. Mumu 2020 mu no, Odzii nkonyim wɔ Evalue-Ajomoro-Gwira Mpasuar mu wɔ mbrahyɛbagua abatow mu a oyii mbrahyɛbaguanyi a odzi tum sesei Catherine Ablema Afeku a ɔyɛ nkan Ɔmampanyin a ɔhwɛ nsrahwɛ, amambra ne adzebɔ do no fir n’ahengua do. Odzii nkonyim ɔnam abatow 19,830 a onyae a ogyina hɔ ma 53.4% tsiaa nyia ɔsɔree tsiaa no paa a ɔyɛ mbrahyɛbaguanyi a odzi tum sesei, Catherine Ablema Afeku a ofi New Patriotic Party a onyaa abatow 17,287 a ogyina hɔ ma abatow a wɔtowee no mu 46.6%. Evalue-Ajomoro-Gwira nkongua no yɛ nkongua a New Patriotic Party gyee fii National Democratic Congress no nsamu wɔ afe 2016 Mbrahyɛbagua Abatow mu naaso kuw no enntum ennkitsa mu mfe 4 fofor bio.

Mboaekuw ahorow

Nokoe yɛ Budget Boayikuw kuwba na ɔsan yɛ Amannɔne Nsɛm Boayikuw no kuwba.[5][9]

Ankorankor asetsena

Nokoe yɛ Kristonyi na ɔsom dɛ Methodist kuwba.