Joseph Cudjoe (amanyɛnyi)

Hon. Joseph Cudjoe MP
Preceded by	Constituency split
Personal details
Born	(1964-10-02) 2 October 1964
Nationality	Ghananyi
Political party	New Patriotic Party
Spouse	Ɔawar
Children	3
Alma mater	Kwame Nkrumah University of Science and Technology University of Ghana
Occupation	Amanyɛnyi
Profession	Financial analyst

Joseph Cudjoe yɛ Ghana amanyɛnyi na baguanyi wɔ Mbrahyɛbagua a ɔtɔdo Esuon no wɔ Ghana Kwasafoman a Otsia Anan no mu a ogyinaa Effia Mpasuar a ɔwɔ Atɔe Mantɔw mu anan mu wɔ New Patriotic Party tsikitsi do.

Ɔbra ahyɛse na nwomasua

Ɔbɛsɛ 2, 1964 mu na wɔwoo Cudjoe. Ofi Effia, kurow bi a ɔwɔ Ghana ne Atɔe Mantɔw mu. Onyaa ne Bachelor of Science abɔdzin krataa wɔ akontabu mu wɔ Kwame Nkrumah Suapɔn a ɔhwɛ Nyansahu na Mfirdwuma do, Kumasi na ne MBA wɔ Sikasɛm mu wɔ Ghana Suapɔn mu.[1][2][3]

Edwuma

Joseph Cudjoe hyɛɛ n’edwuma ase dɛ Nkontaabu kyerɛkyerɛfo wɔ Archbishop Porter Girls Secondary School fi Sanda 1995 kesi Ɔbɛsɛ 1995. Cudjoe yɛɛ edwuma dɛ ɔkyerɛkyerɛfo wɔ Takoradi Technical University fi 1995 besi 2000. Ekyir yi ɔdze noho kɔbɔɔ Eno International, LLC beebi a ɔyɛɛ edwuma dɛ Sikasɛm mu Nhwehwɛmu & Nhyehyɛɛ hwɛdofo fi 2000 besi 2001. Ɔbɛyɛɛ Ɔfotufo Panyin wɔ SEM International Associates wɔ Ebɔwbira 2002 kesi Ɔbɛsɛ 2003 na afei ekyir yi, ɔbɛyɛɛ edwuma hwɛdofo panyin wɔ SEM International LTD fitsi Ɔberɛfɛw 2003 kesi Ebɔw 2004. Fitsi Ebɔwbira 2004 besi Mumu 2012 no, nna Cudjoe yɛ Sikasɛm hwɛdofo wɔ Ghana Cocoa Board.[1][2][3]

Amanyɛsɛm

Cudjoe kɔr mbrahyɛbagua mu wɔ Sanda 7, 2013 a ogyinaa Effia mpasuar anan mu wɔ New Patriotic Party tsikitsi do. Wɔpaaw no bio dɛ ombegyina mansin no anan mu wɔ afe 2016 mu[1][2][3] Mbrahyɛbagua ahyɛse a wodzii wɔ afe 2024 mu maa NPP no, odzii nkogu wɔ mbɔdzen a ɔbɔe dɛ obegyina kuw no anan mu no mu ɔnam Isaac Nyarko Boamah do.[4]

Ankorankor asetsena

Cudjoe awar na ɔwɔ mba baasa. Ɔkyerɛ dɛ ɔyɛ Kristonyi.[1][2][3]