John Frimpong Osei
Hon. John Frimpong Osei MP | |
|---|---|
 | |
| Personal details | |
| Born | 5 March 1971 |
| Nationality | Ghananyi |
| Political party | New Patriotic Party |
John Frimpong Osei (wɔwoo no Ebɔw 5, 1971) yɛ Ghana Amanyɛnyi a nna ɔyɛ baguanyi wɔ mbrahyɛbagua a ɔtɔdo Esoun wɔ Ghana Kwasafoman a Otsia Anan na mprempren yi baguanyi wɔ mbrahyɛbagua a ɔtɔdo Awɔtwe wɔ Ghana Kwasafoman a Otsia Anan no mu a ogyinaa Abirem Mpasuar a ɔwɔ Epuei Mantɔw mu wɔ New Patriotic Party tsikitsi do.[1][2]
Ahyɛse asetsena na nwomasua
[sesa mu | sesa ekyirsɛm]Ghana Epuei Afamu a ɔwɔ Akim Ntronang na wɔwoo John Frimpong. John Frimpong nyaa ne Mfinimfin Skuul Abɔdzin krataa wɔ afe 1986. Ekyir yi onyaa ne Ordinary Level wɔ afe 1991 mu na Advanced Level wɔ afe 1993. John Frimpong kɔr do nyaa ne Bachelor of Arts (Geography Resource Development) wɔ afe 1998 mu na M.PHIL (Micro Finance Geography) wɔ afe 2004 mu fii Ghana Suapɔn, Legon – Ghana[3][4]
Edwuma
[sesa mu | sesa ekyirsɛm]John Frimpong yɛ O-M Sikasɛm na Edwumayɛ Dwumadzibea Limited hwɛdofo fitsi afe 1999 kesi afe 2000, Ɔsanso yɛ ɔsom edwuma no boafo tsitsir fitsi afe 2002 kesi afe 2005 wɔ Sikasɛm na Sikasɛm Nhyehyɛɛ Dwumadzibea na Nwomasua Dwumadzibea na Mbabun na Agodzi Dwumadzibea. John Frimpong reyɛ edwuma sesei dɛ Mbrahyɛbaguanyi (MP) ma Abirem Mansin.[3][4]
Amambu asetsena
[sesa mu | sesa ekyirsɛm]John Frimpong dzii nkonyim wɔ mbrahyɛbagua atsenae wɔ ne mansin (Abirem Mansin) mu wɔ Epuei Mantɔw mu wɔ afe 2016 Ghana amansan abatow no mu wɔ New Patriotic Party no tsikitsi do dɛ ɔbɛka Mbrahyɛbagua a ɔtɔdo esuon (7) a ɔwɔ Ghana Kwasafoman no mu a onyaa abatow 19208 (61.0%) tsiaa Mavis Ama Frimpong a ofi National Democratic Congress a nna ɔwɔ 12,217 na wɔtoow aba (38.8%).[5][6][7] Ɔsan dzii nkonyim bio wɔ afe 2020 Ghana amansan abatow no mu wɔ New Patriotic Party no tsikitsi do dɛ ɔbɔkɔ akɛka Mbrayɛbagua a ɔtɔ do Awɔtwe (8) a ɔwɔ Ghana Kwasafoman no ho a onyaa abatow 19,151 (55.2%) tsiaa Mavis Ama Frimpong a ofi National Democratic Congress a onyaa abatow 15,110 (43.5%). Odzii nkogu wɔ NPP 2024 mbrahyɛbagua primaries mu.[9][10]
Boayikuw ahorow
[sesa mu | sesa ekyirsɛm]John Frimpong yɛ Edziban, Kuadwuma na Kookoo Nsɛm Boayikuw no kuwba dɛ oguamtsenanyi. Ɔsanso yɛ "Privileges Committee" a ɔwɔ Ghana Kwasafoman Mbrahyɛbagua a ɔtɔdo Awɔtwe (8) no baguanyi.[4]
Ankorankor asetsena
[sesa mu | sesa ekyirsɛm]John Frimpong yɛ Kristonyi.[6][4]
Adɔyɛ
[sesa mu | sesa ekyirsɛm]John Frimpong dze kwan ho bɔɔbo esinesin 100 ama dze aboa ma woegyaa amandze kwan do ewudzi anadwe wɔ no kuropɔn mu. Dɛ mbrɛ John Frimpong kyerɛ no, ɔbaa n’adwen mu dɛ, asram bi a etwa mu wɔ afe 2022 mu no, woekum mbasiafo a wɔabɔ dam a woyii hɔn nyimpadua akwaa ahorow frɛɛ no dɛ ɔyɛ amandze kwan do ewudzi.[11]
Abawdobɔdze ahorow
[sesa mu | sesa ekyirsɛm]John Frimpong nyaa abawdobɔdze dɛ United Clergy International Association (UCIA) 2020 Hall Of Fame Award For Excellence wɔ Akandzi mu a United Clergy International Association (UCIA) yɛɛ abawdobɔdze no a ɔtɔ do 11 wɔ All Nations University wɔ Dzifuu 8, 2020.
Nhwɛdo
[sesa mu | sesa ekyirsɛm]- ↑ "John Frimpong Osei, Biography". GhanaWeb. Retrieved 21 August 2022.
- ↑ "Parliament of Ghana".