Jibreel Ofori Owusu

Ofori Owusu Jibreel (Ebɔbira 23 1948 - Ebɔbira 24 1998) yɛ Ghana amanyɛnyi nye mbrahyɛbaguanyi ma mbrahyɛbagua a odzi kan wɔ Ghana amambu a ɔtɔ do anan a ogyinaa mu maa Bantama ambatow mpɛsoa no do wɔ National Democratic Congress amanyɛkuw no ne dzin mu.

Ayɛse abrabɔ nye nwomasua

Wɔwoo Ofori wɔ Ebɔbira 23, 1948, Ɔkɔr T.I Ahmadiyya Ntoado Skuul wɔ Kumase, nna Institute of Professional Studies (a seesei ɔyɛ University of Professional Studies) bea a onyaa abɔdzin krataa wɔ nkontaabu mu. Ɔyɛɛ edwuma dɛ akontaabufo ansaana ɔrokɔ mbrahyɛbagua mu.

Amanyɛsɛm

Ɔhyɛɛ n'amɛnyɛsɛm edwuma no ase wɔ afe 1992 mu ber a ogyinae dɛ wɔntow no do amba wɔ National Democratic Congress (NDC) ne dzin mu ama woeetum egyina mu ama Bantama amabatow mpɛsoa a ɔwɔ Asantse Mantɔw no mu no ansaana 1992 Ghana mbrahyɛbagua mu ambatow no reba do. Ɔhyɛɛ edwuma ase dɛ mbrahyɛbaguanyi wɔ mbrahyɛbagua a odzi kan wɔ Ghana amambu a ɔtɔ do anan no mu wɔ Sanda 7, 1993 ber a wɔbɔɔ ne dzin dɛ ɔyɛ kunyimdzifo wɔ 1992 Ghana ambatow a ɔkɔr do wɔ Mumu 29 1992 mu no. Ɔhweer n’egua no maa ɔsɔrtsia kandzifo Richard Winfred Anane wɔ 1996 Ghana amansan ambatow no mu.

Edwuma

N'edwuma ankasa nye nkontaabu na nna ɔyɛ mbrahyɛbaguanyi ma Bantama ambatow mpɛsoa a ɔwɔ Asantse Mantɔw a ɔwɔ Ghana mu no.

Ne bra ankasa

Ɔyɛ Kristianyi.