Godwin Kotey

Godwin Kotey

human

Bɔbea	male
Ɔman a ofir do	Ghana
Da a wɔwoo no	1965
Owu da	2012
Languages spoken, written or signed	English
N'edwuma	film actor, actor
Educated at	Ghanatta Senior High School

Nna Godwin Nikoi Kotey (1965-2012) yɛ Ghana sentwanyi, a ɔsan yɛ ɔnoara ne sen, ɔkyerɛ adze na ɔdandan senyɛ wɔ sentwa edwuma no mu.

N'abrabɔ Ahyɛse

Godwin Kotey no dwumadzi wɔ sentwa akwantu mu hyɛɛ ase wɔ Ghana tɛlɛbihyɛn edwuma no mu, a hɔ no na nkorɔfo dze hun no. Dwuma tsitsir a odzi kan a odzii wɔ sen mu nye sen a wɔfrɛ no Anane - A Strange Coincidence a Ghana Broadcoasting yɛe. Dwuma a odzii wɔ dɛm sen yi mu na ɔdze hyɛɛ ne sentwa edwuma ase, a ɔmaa opuepuee tɛlɛbihyɛn sen mu, na no mu hɔ ara na ɔdze tuu mpon dɛ sentwanyi a okitsa akyɛdze ankasa.

Nwomasua

Ɔkɔr skuul wɔ Tema Senior High School na Ghanata Secondary School. Ɔkɔtoaa no nwomasua do wɔ University of Ghana kɛgyee abɔdzin krataa a odzi kan na dza otsia ebien no so ɔkɛyɛɛ masters wɔ theatre arts mu na ne Phd adzesua so ɔkɛgyee no wɔ University of Southern Illinois.

Nwomasua Ho Mbɔdzen

Kotey bɔɔ noho mbɔdzen wɔ no nwomasua mu, nkankanara wɔ University of Ghana mu hɔn ntsetseebea a ɔhwɛ Performing Arts do. Afe 1989 mu no, ber a ogu n'adzesua do no, noara hwɛɛ dandaan sen a wɔtoo no dzin ma nkorɔfo so gyee too mu ma wɔmaa no ahwɛgor a odzi mu papaapa wɔ skuul no mu wɔ afe no mu nyina abɔdzin. Dɛm mbɔdzembɔ yi daa no edzi dɛ ɔyɛ obi a ɔdandan sen ma owie mudzi yie na ɔnam dɛ adze kor yi ara do ma otuu mpon wɔ sen edwuma mu yie. Ekyir yi, ɔbɛyɛɛ kyerɛkyerɛnyi panyin wɔ esuapɔn mu na ɔboae dandaan tsetsee esuafo a wɔbae bosuaa dɛ wɔbɛyɛ sentwa ho ayɛfo daakye wɔ Ghana.

Edwuma

Godwin kyerɛɛ adze wɔ University of Ghana, na ɔkyerɛɛ Performance Arts wɔ hɔ. Afe 1997 mu no, ɔhwɛɛ Smash TV na sen a ɔdze Taxi Driver wɔ afe 1999 mu. Afe 2008 mu no, ɔno na ɔhwɛɛ dza ɔkɔr do nyina wɔ Africa Cup of Nations agokansi no n'ahyɛse na n'ewiei nyina.

Dza Ɔyɛe Boaa Sentwa na Ahwɛgor Ahorow

Kotey no mbɔdzembɔ ma ahwɛgor na sentwa wɔ Ghana no yɛ adze a no ho hia papaapa. Ber a no mbɔdzembɔ wɔ tɛlɛbihyɛn do baa ewiei no, ɔdze noho kɔbɔɔ Abibigromma, a nna ɔyɛ University of Ghana n'edwumakuw a ɔyɛ ahwɛgor, na hɔ na ɔdze too dza ɔyɛ no mpon. Sen a agye dzin a odzii mu dwuma bi nye Police Officer, Sodom and Gomorrah, na I Sing of a Well. Sen a odzii kan hwɛe ma wɔyɛe, a ɔdze Scent of Danger no bɛyɛɛ atsenka yie, na ɔnam ɔno do na onyaa abawdobɔdze wɔ African Film Festival (FESPACO) mu Burkina Faso mu wɔ afe 2001 mu, na ɔnam iyi kor yi ara do na ɔmaa nkorɔfo hun dɛ ɔyɛ sentwanyi a ɔbɔ noho mbɔdzen yie.

Sen Ahorow A Oepue Mu

Sen Ahorow no.

• Police Officer
• I Sing of A Well
• Taxi Driver
• The Scent of Danger
• Etuo Etu Bare
• Sodom and Gomorrah
• Shoe Shine Boy

Abawdobɔdze Ahorow

• Sen a ɔdze The Scent of Danger na ɔdze nyaa abawdobɔdze wɔ African Film Festival wɔ Burkina Faso – FESPACO wɔ afe 2001
• Tɛlɛbihyɛn do sen a ɔdze Taxi Driver so maa ɔgyegyee abawdobɔdze a odzi mu ahorow pii

Nkaadum A Ogyae Na Abrabɔ

Dza Kotey dze bɔboaa adasa no bor sentwa na ahwɛgor do. Ɔnoara na ɔhwɛe ma wɔyɛɛ African Cup of Nations n'ahyɛse na n'ewiei dwumadzi nyina wɔ afe 2008 mu, a ɔma yehu mbrɛ otum dzi dwuma ahorow na otum dwen biribi ho dze ndzɛmba fofor a odzi mu tum bɔbɔ adze so. Nkaadum a ogyae no kyerɛ no mbɔdzembɔ wɔ edwindze mu na nwomasua mu, a no dwumadzi nyaa nsunsuando wɔ ayɛdze(prforming arts) ne kankɔ do. Kotey kɔr do boaa edwindze ara kesii ber a ɔkaa nkyen gui wɔ afe 2012 mu, na iyi ama oegyaa dzin kɛse a ɔbɛma wɔakaa no afebɔɔ.

No Wu

Onyaa kokoram wɔ no bɔgyaa mu na ɔkɔr United Staes kɛgyee ayarsa naaso ofii mu ekyir no.