George Oteng

George Oteng yɛ Ghana amanyɛnyi na nna ɔyɛ Ghana Amambu a ɔtɔ do ebien no ne mbrahyɛbagua a odzi kan no mu nyimpa. Ogyinaa Asiakwa-Kwaben mansin no ananmu maa Progress Party.

Ahyɛse Asetsena nye Nwomasua

Wɔwoo Oteng wɔ Dzifuu 17 1916 wɔ Ghana Epuei Mantɔw mu. Ɔkɔr Achimota ntoado Skuul a nkan no nna ɔyɛ Prince of Wales College no Skuul, Achimota, a mprempren wɔfrɛ no Achimota College, a wɔtoo no dzin "Motown" no. Afei otui kɔr London ma okosuaa adesua kɔr enyim wɔ Co-operative College, Stanford Hall, Loughborough beebi a onyaa ne Co-operative Diploma. Ɔyɛɛ edwuma dɛ Co-operative Administration Secretary ansaana ɔrokɔ mbrahyɛbagua no mu. Wɔ afe 1968 mu no, na Oteng yɛ Ghana Co-operative Marketing Association Limited kyerɛwfo dɛm ber no nna ɔka ananmusifo a Owura J. Obuobi a nna ɔyɛ Ghana Co-operative Marketing Association Limited ne kyerɛwfo a obegyina Ghana ananmu wɔ Afro-Asian Rural Reconstruction Conference a wɔyɛe wɔ North Korea wɔ afe 1971 mu no dzi hɔn enyim no ho.

Amanyɛsɛm

Oteng hyɛɛ n’amanyɛsɛm edwuma ase wɔ afe 1969 mu ber a ɔbɛyɛɛ mbrahyɛbaguanyi a ɔpɛ dɛ ɔyɛ Progress Party (PP) dɛ obegyina Asiakwa-Kwaben mansin no ananmu ansaana wɔrehyɛ 1969 Ghana ambatow no ase. Odzii dwuma dɛ Ghana amambu a ɔtɔ do ebien no ne mbrahyɛbagua a odzi kan no mu nyimpa wɔ Ɔbɛsɛ 1, 1969 ber a wɔkaa dɛ oedzi kunyim wɔ afe 1969 Ghana mbrahyɛbagua ambatow mu. No tumdzi no baa ewiei wɔ Sanda 13 1972.

Nankasa N'abrabɔ

Oteng yɛ Basernyi