Evans Hunter
Evans Hunter | |
|---|---|
| Born | Evans Nii Oma Hunter |
| Died | 4 June 2013 |
| Nationality | Ghanaian |
| Citizenship | Ghanaian |
| Occupations |
|
| Known for | King Ampaw, Testament, No time to die, A mother's Tears |
Evans Nii Oma Hunter (wui Obiradzi 4, 2013) nna ɔyɛ Ghana sentwanyi a ɔagye dzin, ɔhwɛdofo,ɔkwankyerɛfo na senkyerɛwnyi a ɔboae ma sentwa edwuma no kɔr do.[1]
N'ahyɛse Abrabɔ na ne nkyir
[sesa mu | sesa ekyirsɛm]Evans Nii Oma Hunter, obi a wobu no wɔ Ghana edwindze mu, wɔwoo no wɔ Nkran na n’enyi bɛgyee sentwa ho fitsi ne mbafobermu. Ber a orinyin wɔ afe 1960 mu no, ber a nna amambra dwumadzi pii wɔ Ghana no, sentwabea a nna hɔ yɛ hyew no nyaa no do nsunsuando kɛse. Dɛm edwindze a ɔdze no ho hyɛɛ mu ntsɛm yi maa ne daakye edwuma, bea a obotum enya tum a wɔ Ghana agodzi na sen edwuma no mu.[2]
Edwuma
[sesa mu | sesa ekyirsɛm]Nna ɔyɛ Ghana Actors Guild (GAG) tsirtsenanyi fitsii afe 1989 kesi afe 1996 na ɔno na ɔdze Audience Awareness Artistic Organisation bɔbɔɔ adze na ɔno na ɔyɛ edwindze kwankyerɛfo.[3]
Afe 1983 mu no, nna ɔyɛ ɔgofoba a ne dzin dze Addey wɔ sen a King Ampaw na nna ɔyɛ kwankyerɛfo wɔ agodzi no mu -ahwɛgor Kukurantumi mu. Afe 1988 mu no, nna ɔwɔ dwumadzi tsitsiriw dɛ Rashid wɔ ahwɛgor a John Akomfrah na nna ɔyɛ kwankyerɛfo a wɔfrɛ no Testament mu. Dwumadzi afofor a ɔda nsew a odzii mu akotsen nye Francis Essien a wɔyɛɛ no wɔ afe 1989 mu a Kwaw Ansah na nna ɔyɛ kwankyerɛfo, ahwɛgor Heritage Africa mu, na Kokuroko wɔ 2006 King Ampaw n'atosɛm a nna ɔyɛ kwankyerɛfo wɔ mu a wɔfrɛ No Time to Die, na no dwuma a odzii wɔ Kwaw Ansah n'agodzi a wɔtoo no dzin A Mother’s Tears mu.[4][5][6]
Ntobao na nkaadze
[sesa mu | sesa ekyirsɛm]Hunter no ho nsunsuando no tserɛwee kɔr ekyir sen no dwumadzi ahorow; nna ɔyɛ ɔfotufo na ɔkandzifo so wɔ edwindze edwumayɛfo mu. Dɛ Ghana Actors Guild ne tsirtsenanyi fitsi afe1989 kɛpem 1996 no, odzii dwuma tsitsiriw dze boae ma Ghana sentwafo hɔn enyigye wɔ sentwa edwuma no mu tuu mpon na ɔboae ma ma edwindze edwuma no so kɔr do. Bio,ɔno na ɔdze Audience Awareness Artistic Organisation a ɔboae ma wɔyɛɛ agor ahorow a no ho hia wɔ amambra kwan do. Ne gyedzi nye dɛ edze wo ho bɔto woara wo ho do no,Hunter mpɛn dodow no ɔnoara na ɔfa no dwumadzi nyina ho kaw, na ɔwɔ gyedzi bi dɛ "ɔsor boa hɔn a wɔboa hɔn ho". No wu wɔ afe 2013 mu no yɛ adzewher kɛse, naaso ne nkaa da ho tse hɔ, ɔkɔ do nya Ghana edwindzifo do nsunsuando na okenyan hɔn.[2]
Sini Ahorow
[sesa mu | sesa ekyirsɛm]- Kukurantumi (1983) a ɔyɛ Addey
- Nana Akoto (1985)
- Ama
- The Fortune Island
- Testament (1988) a ɔyɛ Rashid
- Heritage Africa (1989) a ɔyɛ Francis Essien
- No Time To Die (2006) a ɔyɛ Kokuroko
Mboaedze
[sesa mu | sesa ekyirsɛm]- ↑ "Graphic Showbiz".
- ↑ 2.0 2.1 "Evans Hunter to be buried on August 3". Modern Ghana. 2013.
- ↑ "Actor Evans Oma Hunter To Be Buried August 3". Peace FM Online. 15 July 2013. Retrieved 14 April 2021.
- ↑ "Tributes flow for Evans Hunter". Modern Ghana (in English). Retrieved 2020-11-21.
- ↑ Online, Peace FM. "Actor Evans Oma Hunter To Be Buried August 3". Peacefmonline.com - Ghana news. Retrieved 2020-11-21.
- ↑ "Evans Hunter goes home today | GhHeadlines Total News Total Information". ghheadlines.com (in American English). 17 August 2013. Retrieved 2020-11-21.