Ernest Henry Norgbey

Hon. Ernest Henry Norgbey MP
Incumbent
Assumed office 2017
Personal details
Born	(1980-12-28) 28 December 1980 Ho - Ziavi
Nationality	Ghananyi
Political party	National Democratic Congress
Children	1
Alma mater	University of Professional Studies University of Nottingham Coventry University

Ernest Henry Norgbey yɛ Ghana amanyɛnyi a ɔsoom dɛ Mbrahyɛbaguanyi maaAshaiman Mpasuar a ɔwɔ Nkran Mantɔw mu fitsi afe 2017. Ɔyɛ National Democratic Congress (NDC) kuwba.

Ɔbra ahyɛse na nwomasua

Ho-Ziavi a ɔwɔ Firaw Mantɔw mu wɔ Ghana na wɔwoo Norgbey.[2] Osuaa adze wɔ Chartered Institute of Purchasing and Supply, na onyaa abɔdzin krataa wɔ hɔ. Ɔsanso nyaa abɔdzin krataa wɔ Amanaman Ntamu Wimuhyɛn Ho Skuul mu. Afe 2003 mu no, owiee MSC wɔ Supply Chain Management mu wɔ Coventry Suapɔn mu wɔ afe 2011 mu no, owiee BBA wɔ University of Professional Studies, Nkran. Afe 2014 mu no, ɔbɛyɛɛ Chartered Institute of Purchasing and Supply no kuwba a wɔagye no ato mu. Afe 2015 mu no, onyaa Postgraduate Certificate wɔ Amamfo Adzetɔ Mbra na Nhyehyɛɛ mu wɔ Nottingham Suapɔn mu, UK.[2][3]

Edwuma a wɔyɛ ansaana wɔayɛ amanyɛ

Norgbey yɛɛ edwuma dɛ ɔkyerɛkyerɛfo wɔ Happy Home Ahyɛse Skuul wɔ afe 2006–2009 mu na ekyir yi ɔbɛyɛɛ adzetɔ ho ɔpanyin wɔ Ɔman Atoyerɛnkyɛm Ho Ahyehyɛdze mu.[2]

Amanyɛsɛm

Afe 2015 mu no, osii akan na odzii nkonyim wɔ NDC mbrahyɛbagua primaries mu maa Ashiaman mpasuar a ɔwɔ Nkran Mantɔw mu. Odzii nkonyim wɔ dɛm mbrahyɛbagua atsenae yi mu wɔ afe 2016 Ghana amansan abatow no mu.[1] Ansaana afe 2020 abatow no reba no, ɔbɔɔ Ghana Abatow Bagua no sombo dɛ wɔahyɛ da eyi ɔno nye afofor 21,000 dzin efi abatow dzin mu. Ɔwɔ mu dɛ bagua no gyee nsɛm no ho ekyingye dze, naaso Ernerst Norgbey dze too gua wɔ ndɔnhwer 24 ekyir dɛ wɔasan dze ne dzin nye afofor 14,000 aba nhyehyɛɛ no mu.[4][5][6] Kwesida Esusuow-Aketseaba 13, 2023 no, Ernest Henry Norgbey sii akan na odzii nkonyim wɔ NDC mbrahyɛbagua mu abatow a odzi kan wɔ Ashiaman Mpasuar a ɔwɔ Nkran Mantɔw mu no mu dze abatow 1,627 ɔnam Tony Afenyo a odzii abatow 1,221 na David Worwui-Brown a ɔno nso nyaa abatow 50 do nkonyim no do. Mbrahyɛbagua mu no, ɔayɛ Bambɔ na Mfinimfin Boayikuw no baguanyi.[9][10]

Ankorankor asetsena

Norgbey awar na ɔwɔ abofra kor.[2] Ɔyɛ Kristonyi.[2]