Dorcas Affo-Toffey
Dorcas Affo-Toffey (wɔwoo no Esusuow-Aketseaba, 4 May 1975)[1] yɛ Ghana Edwumayɛnyi, 'philanthropist' na amanyɛnyi.[2] Ɔyɛ National Democratic Congress (NDC). kuwba[3][4][5] Ɔyɛ mbrahyɛbaguanyi dze ma Jomoro Constituency wɔ Atɔe Mantɔw mu wɔ Ghana [6]
Ɔbra ahyɛse na nwomasua
[sesa mu | sesa ekyirsɛm]Wɔwoo Dorcas Affo-Toffey wɔ Esusuow-Aketseaba 4, 1975, wɔ Tikobo No. 1 maa owufo Stephen Ackah Toffey na Mary Afo Danyi.[1] Wɔwoo no wɔ ebusua kɛse bi mu, ɔno na ɔtodo 18 wɔ ne papa mba eduonu ebiasa mu naaso ɔno na otwa tun wɔ ne maame mba beenum no mu.[7] Onyaa ne ahyɛse skuul wɔ Tikobo No. 1 na Ideal Preparatory skuul wɔ Takoradze na onyaa kwan kɔr Nkroful Agriculture Secondary School wɔ afe 1986 mu beebi a onyaa ne ntoado skuul adzesua. Ber a owiee ne ntoado skuul no, otuu kɔr USA kɛkaa no nuanom mpanyimfo ho. Dɛm aber no mu no, osuaa adzesua ahorow a ɔfa "Dental Hygyiene, Real Estate Management, Branding na Customer Service".[7]
Ɔwɔ diploma wɔ "Branding" na "Customer service management" mu.[7] Ekyir yi owiee Nyansahu mu Bachelor of Science abɔdzin krataa wɔ eguadzi mu wɔ Knutsford Sukuupɔn Kɔlegye. Ɔwɔ Master of Business Administration (MBA) wɔ eguadzi mu wɔ Knutsford Sukuupɔn Kɔlegye.[7]
Afe 2024 mu no, Hon. Dorcas Affo-Toffey nyaa ne Master of Business Administration (Generic) wɔ Nkran Edwumayɛ Sukuu mu. Ɔsanso nyaa Nyansahu mu Master of Science (MSc.) wɔ Ahoɔdezen na Ndzɛmba a Ɔkɔ do Daa Ho Dwumadzi mu wɔ Regent Suapɔn Kɔlegye.[8][9]
Edwuma
[sesa mu | sesa ekyirsɛm]Bɔbor mfe eduonu enum no, Afo-Toffey yɛɛ edwuma wɔ ndwuma ahorow mu wɔ ber a ɔtsenaa USA.[7] Ndwumakuw no kaa akwahosan, nwomasua hwɛdofo, adan na fie ho nkɔdo, edwumayɛ na adɔyɛ ndwuma ho.[7] Fitsi afe 2002 no, ɔahyehyɛ ndwumakuw pii na ɔahwɛ do wɔ Atlanta, Georgia wɔ U.S., a ma ɔka ho nye; Queen D Beauty and Topeka Properties, edwumakuw bi a wɔyɛ adan na adansi ho ndwuma. Ɔsanso yɛ Selfie Homes a ɔwɔ Atlanta, Georgia, U.S.A. no hokafo panyin.[7] Ɔsan baa Ghana wɔ afe 2012 mu dɛ ɔrokɔtoa n’edwumayɛ edwuma a mprempren ɔyɛ ne panyin na Ɔman Ananmusifo ma Nano Fix IT Company, na Sebastian Closet Inc
Amanyɛsɛm
[sesa mu | sesa ekyirsɛm]Mbrahyɛbagua no mu mbɔdzembɔ Mbrahyɛbagua a ɔtɔ do Awɔtwe no wɔ Kwasafoman a ɔtɔdo Anan no mu wɔ Ghana. Wɔpaaw Affo-Toffey dɛ National Democratic Congress mbrahyɛbaguanyi kandzifo maa Jomoro Mpasuar wɔ Dzifuu 2019.[3] Onyaa abatow 1,324 (87.4%) ber a akansifo beenu a aka no, Akatia Kwaidoo nyaa abatow 188 (12.4%), na Nda Blay Armah nyaa abatow 4 (0.2%).[3] Affo-Toffey dzii nkonyim wɔ afe 2020 mbrahyɛbagua abatow mu maa Jomoro Mpasuar no ber a onyaa abatow 24,356 a ogyina hɔ ma 55.5% tsiaa mbrahyɛbaguanyi a ɔwɔ hɔ mprempren yi, Paul Essien a ofi New Patriotic Party a na ɔwɔ abatow 19,889 (44.95%).[10][11]
Fitsi Sanda 7, 2021 no, ɔyɛ mbasiafo 40 no mu kor a nna ɔno nkutoo na ofi Atɔe Mantɔw mu a ogyinaa hɔn mansin no anan mu wɔ Mbrahyɛbagua a ɔto do 8 no mu.[6][12]
9th Parliament a ɛwɔ 4th Republic of Ghana
Mumu 2024 mbrahyɛbagua abatow mu no, Mbrahyɛbaguanyi a odzi tum sesei ma Jomoro, Dorcas Affo-Toffey, tumii kitsaa n’akongua mu yie, na onyaa nkonyimdzi kɛse a ɔyɛ abatow 25,349.[13] Nyia ɔnye no risi akan sen biara, Paul Essien a ofi New Patriotic Party (NPP) mu no nyaa abatow 14,195. Nana Blay Mienzah, a ɔyɛ mbrahyɛbaguanyi a ɔpɛ dɛ ɔyɛ Convention People’s Party (CPP) no nyaa abatow 306.[13] Ɔkandzifo a ɔdze no ho Samia Yaba Christina Nkrumah nyaa abatow 8,065.[13]
Mbrahyɛbaguanyi wɔ 8th Parliament a ɛwɔ 4th Republic of Ghana
Sanda 7, 2021 no, wɔkaa Affo-Toffey do ntam dɛ Mbrahyɛbaguanyi a ogyina Jomoro Mantɔw no anan mu wɔ Ghana Ɔmanpanyin a ɔtɔ do anan Mbrahyɛbagua a ɔtɔ do 8 no mu.[1][14] Ɔsoom dɛ ɔbarimba na ɔbaa nna Mbofra Boayikuw na Mbrahyɛbagua no Asaase na Kwaa Boayikuw no kuwba. [1]
Ne kasaa a odzi kan wɔ mbrahyɛbagua no afamu wɔ Ebɔw 24, 2021 mu no, ɔhyɛɛ aban dɛ wɔnsan mbue asase do hye a wɔatow mu osian COVID-19 yardɔm no ntsi na ama sikasɛm mu dwumadzi akɔ enyim.[15][16] Osii do dua dɛ ho behia ntsɛmara dɛ wɔsan bue na wɔma asaase do hye twa kwan daa wɔ mbea etsiitsir a wɔhɛn mu wɔ Jomoro Mpasuar mu tse dɛ Elubo, Jaway hɛn gyinabea, Newtown, Ellenda hɛn gyinabea na nkurow afofor a ɔwɔ hye no do wɔ Ghana. Iyi osiandɛ, nna nkurow pii wɔ mansin no mu a ɔsom dɛ nkurow a ɔda Ghana na Ivory Coast ntamu hye do.[16][15]
9th Parliament a ɛwɔ 4th Republic of Ghana
Sanda 7, 2025 no, wɔkaa Affo-Toffey do ntam dɛ Mbrahyɛbaguanyi a ogyinaa Jomoro Mantɔw no anan mu wɔ Mbrahyɛbagua a ɔtɔ do 9 wɔ Ghana Ɔmampanyin a ɔtɔ do anan no mu mfe anan bio.[1][14]
Nyia Ɔrekasa etsia dɛ Ɔfata
[sesa mu | sesa ekyirsɛm]Ber a odzii nkonyim wɔ afe 2020 Mbrahyɛbagua abatow mu no, Joshua Emuah Kofie a ɔtse Nuba-Mpataba wɔ ne mantɔw mu no bɔɔ Affo-Toffey sombo dɛ ɔwɔ ɔman ba ebien. Afei wɔdze asɛm kɛdaan asɛndzibea tsiaa no dɛ ɔkasaa tsiaa ne man ba a oye. Asɛndzibea asɛm a otwa tun no mu no, ɔannkɔ na iyi maa wɔdze asɛnzibea bench tum krataa maa no wɔ Mumu 6, 2021. Naaso, Mumu 9, 2021 mu no, Affo-Toffey na ne mbranyimfo, Edudzi Kudzo Tamaklo, na MP dze ma Ellembelle, Emmanuel Armah-Kofi Buah kɔr asɛndzibea. Sekondi Eguadzi Asɛndzibea ber tsia bi ekyir no, wotwaa bench tum krataa a wɔdze too no do no mu.[17]
Agodzi
[sesa mu | sesa ekyirsɛm]Ebɔw 24, 2021 no, Affo-Toffey tɔɔ Ghana Division One League kuw a wɔfrɛ no Proud United.[18][19][20] Wɔsesaa kuw no dzin yɛɛ no Jomoro FC na wotuu fii Nkran, Nkran Mantɔw mu kɔr Jomoro wɔ Atɔe Mantɔw mu.[21] Nna wɔahyɛ dɛ kuw no bɔbɔ hɔn fie agodzi wɔ Crosby Awuah Memorial Park (CAM), wɔ Aiyinase, Karela United fie abɔntsen do wɔ hɔn a wɔfaa no ekyir.[21][20][19]
Ankorankor asetsena
[sesa mu | sesa ekyirsɛm]Ɔwaree a nna ɔwɔ mbabaa beenu: Francine Koffi (Fantana, ndwontofo a ɔwɔ Ghana) na Lynelle Koffi (ɔyɛ kɔmputa do ahobambɔ ho ɔbemfo wɔ USA).
Nhwɛdo
[sesa mu | sesa ekyirsɛm]- ↑ "Official Profile for Dorcas Affo-Toffey Parliament of Ghana". www.parliament.gh. Retrieved 2025-02-04.
- ↑ "NDC Parliamentary Candidate for Jomoro Dorcas Affo Toffey donates food items to all mosques in Jomoro". GhanaPoliticsOnline (in American English). 2020-05-22. Retrieved 2020-12-20.
- ↑ "NDC parliamentary primaries provisional results". MyJoyOnline. (in American English). Retrieved 2020-12-20.
- ↑ "Samia Nkrumah disappointed the people of Jomoro – NDC Parliamentary candidate". MyJoyOnline. (in American English). Retrieved 2020-12-20.
- ↑ "Jomoro NDC parliamentary candidate inaugurates new party office at Ezinlibo". GhanaWeb. (in English). 2020-09-24. Retrieved 2020-12-20.
- ↑ KD, Emma (2020-12-10). "Western Region has only one female in Legislature". Ghana Business News (in American English). Archived from the original on 2021-01-27. Retrieved 2020-12-20.