Dominic Akuritinga Ayine

The Honourable Dominic Akuritinga Ayine MP
Incumbent
Assumed office Sanda 7, 2012
Preceded by	Mpasuar Fofor
Attorney General of Ghana
Incumbent
Assumed office Sanda 22, 2025
President	John Mahama
Preceded by	Godfred Yeboah Dame
Personal details
Born	(1966-01-06) 6 January 1966
Nationality	Ghananyi
Political party	National Democratic Congress
Alma mater	University of Michigan; Stanford University

Dominic Akuritinga Ayine (wɔwoo no Sanda 6, 1966) yɛ Ghana amanyɛnyi na baguanyi wɔ Esia, Esuon, Awɔtwe na Akorɔn Mbrahyɛbagua wɔ Ghana Kwasafoman a ɔtɔdo Anan no mu a ogyinaa Bolgatanga Epuei Mpasuar a ɔwɔ Etsifi Epuei Mantɔw anan mu wɔ National Democratic Congress tsikitsi do.

Ahyɛse asetsena na nwomasua

Sanda 6, 1966 wɔwoo Ayine wɔ Zuarungu, Etsifi Epuei Mantɔw mu wɔ Ghana. [1] Owiee ne O-level wɔ Notre Dame Seminary Nsɔwdo Skuul na A-level wɔ Tamale Nsɔwdo Skuul. Onyaa Bachelor of Arts wɔ mbra mu wɔ Ghana Suapɔn, Legon, a ɔwɔ Nkran Mantɔw mu wɔ Ghana na GSL wɔ afe 1995. Onyaa ne LLM wɔ Amanaman Ntamu Sikasɛm Mbra mu wɔ Michigan Suapɔn Mbra Skuul mu wɔ afe 1998. Afei ɔkɔr Stanford Suapɔn Mbra Skuul, wɔ California, USA, kɛyɛɛ LLM wɔ Amanaman Ntamu Eguadzi Mbra mu wɔ afe 2003 mu na ekyir yi ɔyɛɛ JSD (Eguadzi na Demokrasi) wɔ afe 2006 mu.[1]

Amanyɛsɛm

Hon. Ayine yɛ National Democratic Congress no kuwba na ogyina Bolgatanga Epuei mpasuar mu a ɔwɔ Etsifi Epuei Mantɔw no anan mu wɔ Ghana Kwasafoman wɔ Mbrahyɛbagua a ɔtɔdo esuon na awɔtwe mu.[4]

2012 abatow

Hon. Ayine dzii kan sii akan wɔ Bolgatanga Epuei Mantɔw mbrahyɛbagua no mu wɔ National Democratic Congress tsikitsi do wɔ afe 2012 Ghana amansan abatow no mu na odzii nkonyim wɔ abatow 8,841, a ɔyɛ 61.43% wɔ abatow nyinaa mu. Odzii nkonyim wɔ mbrahyɛbagua no mu wɔ Rockson Ayine Bukari a ofi New Patriotic Party a ɔtwee abatow 3, 523 a ɔnye 24.48% yɛ pɛr, mbrahyɛbagua mu kandzifo maa PNC David Apasera nyaa abatow 1, 873 a ogyina hɔ ma 13.01% na mbrahyɛbagua mu kandzifo ma Progressive People’s Party (PPP) Baba Starling Ayinenongma twee abatow 156 a ɔnye abatow nyinara mu 1.08% yɛ pɛr.[5]

2016 abatow

Hon. Wɔsan paaw Dominic Akuritinga Ayine dɛ mbrahyɛbaguanyi maa Bolgatanga Epuei mantɔw mbrahyɛbagua atsenae wɔ National Democratic Congress tsikitsi do wɔ afe 2016 Ghana amansan abatow no mu na odzii nkonyim wɔ abatow 10,492, a ɔyɛ 70.68% wɔ abatow nyinaa mu. Wɔpaaw no sen Emmanuel Abugre Abole a ofi New Patriotic Party mu, a ɔtwee abatow 4,224, a ɔnye 28.44% yɛ pɛr, na mbrahyɛbagua kandzifo a ɔyɛ Progressive People’s Party kuwba (PPP), Baba Starling Ayinenogma, nyaa abatow 138, a ogyina hɔ ma abatow no nyinaa mu 0.93%.

2020 abatow mu

Dominic Akuritinga Ayine san sii akan wɔ Bolgatanga Epuei (Ghana mbrahyɛbagua mpasuar) mbrahyɛbagua atsenae no do wɔ National Democratic Congress tsikitsi do wɔ afe 2020 Ghana amansan Abatow no mu na odzii nkonyim wɔ mbrahyɛbagua no mu dze Abatow 12,394 a ogyina hɔ ma Abatow no nyinaa mu 67.23%. Odzii nkonyim wɔ abatow no mu wɔ Emmanuel Abugre Abole a ofi New Patriotic Party mu, a ɔtwee abatow 6,048, a ɔnye abatow no nyinaa mu 32.77% yɛ pɛr.[7][8][9]

2024 abatow mu

Ayine sii akan wɔ Bolgatanga Epuei mbrahyɛbagua no mu ne mprenu do dɛ obi a ɔpɛ dɛ odzi kan wɔ National Democratic Congress (NDC) mu wɔ afe 2024 Ghana amansan abatow no mu. Odzii nkonyim wɔ nkongua no do dze abatow 12,002, a ɔyɛ 61.61% wɔ abatow a wɔtowee nyinara mu. Nyia ɔbɛn no paa, Mathew Silas Amoah a ofi New Patriotic Party (NPP) nyaa abatow 7,415, a ɔnye abatow no nyinaa mu 38.07% yɛ pɛr, nna Atiah Edwin a ofi PAG nyaa abatow 61, a ogyina hɔ ma 0.31%. Sanda 2025 mu no, Ɔmampanyin John Mahamma paaw Ayine dɛ Mbranyimfo Panyin n'atsɛntsenenee Soafo a Wɔapaw no.[11]

Edwumafa

- Mbranyimfo [1] . - Ɔkyerɛkyerɛfo, Mbra Skuul, Ghana Suapɔn, Legon-Nkran[1] - Ɔmampanyin Abadziekyir a ɔhwɛ Atsɛntsenenee do[1]Ankorankor asetsena Ayine yɛ Kristonyi. Ɔawar na ɔwɔ mba beesuon.[1]